japn101

[MiShereen]

السلام عليكم ,

اذا احد عنده امتحانات سابقة , المنتصف او امتحان النهائي و يقدر يفيدنا ,

او اذا عندكم علم شنهو رايح يكون ف الامنتاح تقريبا ,
و يكونون الامتحانات صعبه تعجيزية , او الدكتور يجيب اسأله سهله ,

و اللي اخذ عنده قبل ؟ يحس المادة تنجاب فيها A او صعبه , من ناحية الكوزات و الامتحانات و الهوم وورك و غيره يعني من مشاركه ؟؟؟؟ ( للعلم هلكورس عندي المادة )

واللي يقدر يفيدنا ف اي شي غير بعد , يكتب
​

 

[Muhammad Aldumistani]

صراحة هالمادة .. أبغي أعرف عنها بعد .. مو شائع مثل الصيني والألماني والفرنسي...

 

[MiShereen]

والله ما انصح , ابداااا في المادة , الدكتور يحاسب ع اشياء واجد , + اذا انت ماعندك خلفيه عن المادة يعني دارسنها من قبل او تعرف كلمات و اشياء من قبل , راح تكون صعبه عليك .. بختصار يعني الدكتور ما راح يبدأ وياكم من الاساس ابداااا .. اول ما راح يشرح لكم بتكون كلمات و الارقام و هذا راح يكون بس اول اسبوع , بعدين كلا اسأله و اجوبه شلون تسأل و شلون تجاوب , و بعدين راح تصعب الاسئلة و الارقام طبعا حفظ لا تتوقعون من 1 لين 100 او شي لا , كل الارقام يعني عادي ف التست يجيكم تكتبو 9652 او شي جذي و الكلمات و معانيها راح تجيكم ف الكوزات بس الامتحان راح يكون كلا اسأله و تجاوب عليهم و شلون تحول من انج الى ياباني و شلون من ياباني الى انج , و اشياء اصعب بعد ..
و الياباني نطقه اصعب من اللغات الباقيه الكلمه الوحده شطولها و صعبه , + في امتحان راح اهوا يقعد معاك و يسألك و تجاوبه عشان يجوف نطقك .
يعني الموضوع مو بس نضري لا .. حتى بتتعلم شلون تنطقها صح لان في امتحانات جذي

و المهم .. تعرفون انتو لغه يعني , راح يكون جو الكلاس مثل جو الروضه يعني اهوا يقول و انتو ترددو وراه و هذا راح يكون ف كل كلاس ان ترددو الكلمات و الاسئلة و الاجوبه وراه , وراح يخليكم تشاركون بشكل عشوائي طبعا يعني ف نص الشرح يقوم شخص عشان يشارك , و راح يكون كل يوم تمارين بينك و بين شخص صوبك تتمرنو قدام عيونه و يسمعكم و يجوفكم يعني , لا تفكر تتدلع شوي بعد , لان ما راح يعجبه وضعك ابدا ..

و اذا ما صرت ACTIVE وياه , راح يحط باله عليك بختصار , يعني اذا ما عرفت تشارك مثلا , او اذا ما رددت وراه الكلمات اللي يقولها , حتى لو انت ساكت و قاعد مكانك بس تكتب و تفهم , ما راح يعجبه ابدااااااااااااااا , لازم تكون مثل مايبي او راح تكون العيون عليك بختصار .. و راح يسألك و سألك اكثر من طالب ف الكلاس , اذا كان يبي يدرس المادة و عاجبته او لا ! يعني لازم يكون ردك واااو بعد او بقول لك اذا تحس صعب و مو عاجبتك لا تاخذ كورسي مره ثانيه ! , و اذا ما صرت مثل مايبي و تشارك و غيره بقول لك لا تاخذ الكورس مره ثانيه او لا تجي الكلاس مره ثانيه سوه دروب -_-

بختصار المادة فقط حق محبين ال Anime اللي بكونون متحمسين للمادة اما اذا انت مو من محبين الانمي , لا تاخذ المادة .. اذا ما تعرف شي عنها .. لا تاخذ المادة

وبس PEACE​