عندك /ج انذآر . . تفضل آرفع معنويآتك

[amany]

مرحبآ

في البدآية حبيت آفتح هالموضوع

عشآن نستفيد من تجآرب بعض ونرفع من المعنويآت المنحبطة بسبب الآنذار الآكاديمي

آولا :
رآح آنصح جميع الطلبة والطآلبات الحآصلين على آنذار آنهم يتوجهون آلى الآستآذة سعاد في التسجيل

رآح تقوم الآستآذة سعاد بشرح وتوضيح قوآنين الانذار وتعآين حالة الطالب << على فكرة ترى الآستاذة حدها طيبة وآسلوبهآ راقي في التعآمل وتخلي الطآلب جدآآ متفآئل

ثانيا: بشرح بطريقة مختصرة قوآنين الانذآر
^ آول ما ينزل المعدل عن 2.00 بتكون هذي الفرصة الآولى لرفع المعدل الى 2:00 من غير ما ينزل آنذار

^ في حال ما آرتفع المعدل الى 2.00 بعد الفرصة يننزل الآنذآر الآول

^ في حالة آن آرتفع المعدل ووصل 2.00 بعد الانذآر الآول ينشآال الانذآر من الطالب واذا في فصل آخر رد نزل المعدل ينحسب من جديد انذار آول

لككن

^ في حالة آن الطآلب مآ قدر يرفع المعدل الى ال2 بعد الانذار الآول راح ينزل انذار ثآني

بعد الانذآر الثاني يطرد الطآالب اذا ما آرتفع معدلة الى2 بستثناء بععض الحالات ، الآ وهي :

1. اذا كان المعدل التراكمي 1.67 فما فوق يعتبر الطالب : special student
2. واذا كان المعدل الفصلي 2 لكن التراكمي اقل من 2 يعتبر الطالب special student

^ النقطة الاخيرة هي آن الفصل الصيفي ما ينزل فيه انذآر ولا ينشآل منه انذار << يعني الصيفي قد يكون فرصة مفيدة للطالب يرفع فيهآ معدلة

طبعا الكل يعرف آن الطالب الحآصل على انذآر مآيقدر يسجل آلا 4 موآد فقط


آتمنى آن يكون الشرح وآآضح وتستفيدون منه
وبعد آتمنى ان الكل يشارك بتجربته في الانذآر خصوصا اللي قدروا يتخلصون من الانذآر
ويرفعون من معنوياتنا :tears:​

 

[Sadiq]

موضوع مفيد وفي وقته
ما جربت الانذار ف ما اقدر افيدكم .. لكن ننتظر باقي مشاركات الاعضاء واكيد حتى اللي ما حصل انذار بعد بيستفيد وبيصير عنده حافز يرفع معدله او على الاقل يحافظ عليه

 

[بلوس]

موضوع مفيد
​

 

[Ali Hassan]

موضوع مفيد وفي وقته
ما جربت الانذار ف ما اقدر افيدكم .. لكن ننتظر باقي مشاركات الاعضاء واكيد حتى اللي ما حصل انذار بعد بيستفيد وبيصير عنده حافز يرفع معدله او على الاقل يحافظ عليه

أنا بعد
​

 

[jacksparrow]

موضوع مفيد وتوضيح مفصل

 

[zahra h]

^
+1

 

[قموووورة]

مشكورة .. وان شآء الله اليي عندهم إنذار يستفيدون

 

[f.t.m]

نتمنى التوفيق للجميع

عندي سؤال :كنت تمهيدي الكورس الي طاف بس خذيت ماده !!
ف أحين أعتبر الكورس الثاني صح ؟؟
ومعدلي أقل من 2 لأني ماسويت زين فيه

 

[al7ayki]

+ الي يبي يشيل الانذارات بالعيارة يحول تطبيقي

نتمنى التوفيق للجميع

عندي سؤال :كنت تمهيدي الكورس الي طاف بس خذيت ماده !!
ف أحين أعتبر الكورس الثاني صح ؟؟
ومعدلي أقل من 2 لأني ماسويت زين فيه

يعتبر الكورس الاول في التخصص او ما راح ينزل انذار

 

[amany]

+ الي يبي يشيل الانذارات بالعيارة يحول تطبيقي



يعتبر الكورس الاول في التخصص او ما راح ينزل انذار

شلون يعني !!
يروح الانذار اذا تحول الطالب تطبيقي

 

[amany]

نتمنى التوفيق للجميع

عندي سؤال :كنت تمهيدي الكورس الي طاف بس خذيت ماده !!
ف أحين أعتبر الكورس الثاني صح ؟؟


ومعدلي أقل من 2 لأني ماسويت زين فيه

التمهيدي لا يعتبر كورس

مثل ما قال الاخ الحايكي يعتبر اول كورس في التخصص

 

[zahra h]

ما اتوقع يروح الانذار اذا يروحون تطبيقي
وحتى لو لا تفكرين فيها
تخصصش حليو تقومين تروحين تطبيقي عشان انذار في وقت تقدرين تجتهدين
ما انصحش

 

[Bent Madrid]

اني special student
لان عانيت من ظروف صحية وللحين ف طاح معدلي
ادعو ليي انجح
اي سؤال اني خبرة ههه​

 

[أشواق الروح]

آيام ماكنت فب البزنز نزل معدلي
ماجاني انذار ,, حاولت ارفعه
عدت مواد تحسين وعدت الانج اللي فيها F
بس بدون نتيجه تذكر حسيت عمري يضيع
مااحبط احد بالعكس ,, اعرف بنات مستمرين
انذار ويرفعونه ويرد الانذار ويرفعونه
بس يمبي له طول بال وصبر
طلعت النتايج من مني قعدت أفكر لما طلعت روحي
ماشفت روحي إلا متصله لتسجيل ويوم ثاني رحت وقدمت تحويل لتطبيقي
حاليا معدلي صفر .. عادلوا لي 3 مواد .. والحمدلله الحين مرتاحه والدرجات زينه

الانذار مايعني شيء سلبي بالعكس
يمكن حتى الخلل من طريقة المراجعه
او الدكتور وطريقته في الشرح والتصحيح

موفقين جميعا ​

 

[ha]

اذا عندي انذار ثاني .. و ما ارتفع المعدل
انطرد من الجامعه ؟!

 

[Bent Madrid]

اني الحمد لله طاحت عني الانذارات بس قبل كان عندي انذارين ومارفعته حصلت الثالث وسيدة طرد بس رحت كلمتهم ورجعوني بفرصة اخيرة special syudent لان معدلي الفصلي كان في ال 2 من جذي عطوني فرصة بس الحين مادري نفس القوانين او لا هالحجي من الفصلين اللي راحو
بالتوفيق​

 

[Ali Hassan]

اذا عندي انذار ثاني .. و ما ارتفع المعدل
انطرد من الجامعه ؟!

يعطونكم فرصة اذا المعدل الفصلي ازيد من الـ 2

​

 

[قمَر]

أني عايشت الضغط النفسي للإنذار بـ جميع فصوله
أول كورس صار معدلي 0.92
الكورس اللي بعده رفعته شوي وصار 1.16
وطبعًا حصلت إنذار أول
الكورس اللي عقب رفعته وصار 1.6 شي جذي
وحصلت الإنذار الثاني
بعدين وصلت 1.85
وصرت سبشل ستيودنت
قدمت طلب تحويل تخصص .. ورضوا أقدمه ولكن ما حولوني
وأستمريت في نفس تخصصي القديم
حزتها صادتني أزمة نفسية شديدة
وزفتت عدل.. عدل شوي بعد
لدرجة إن في مادة كنت ناجحة فيها وعايدتنها تحسين
بس لأن نفسيتي كانت جدًا تعبانة
هـ الشي أثر عليي سلبًا
خصوصًا إن اللي قدي على وشك تخرج وأني ظليت أتعثر وأتعثر !
ونزل معدلي .. صار 1.78
ولكن الحمد لله قدمت تحويل لـ المرة الثانية وحولوني ..
وبعد التحويل تقدر تروح التسجيل وتقول ترى محوّل تخصصي وأبي أشيل الإنذار
حتى لو مو محوّل تطبيقي ..
الحين لازم أبدأ من جديد
على الرغم من كل شي
هدفي الوحيد حاليًا هو إني أتحدى كل الصعوبات وأتخرج من هـ الجامعة
يمكن 4 سنين من عمري ضاعت هدر
لكني أقدر أبدأ من جديد وأرمم كل شي بـ إذن الله
والحمد لله على كل حال

^ أكوو قلت ليكم قصة حياتي​

 

[وحيد زماني]

نصيحة لكل من مر بمرحلة الانذارات عدم اليأس
والمحاولة مرة واكثر من مرة واهم شئ لا يفكر
بفكرة انه متاخر لان هذا الشئ يخلي الطالب
او الطالبة الي التراجع بدل التقدم وتجاوز
االانذارات. ودائما حطو قدامكم هدف
للوصول ليه. طبعا الظروف تلعب دور مهم
في هل الناحية بس لازم ما نخلي الظروف
تهزمنا. ونتحدى وفي الاخير بتتجاوزون
مرحلة الانذارات.

 

[ولد عمران]

موضوع المعدل حساس جداً عند واجد من الناس.
و الدليل من تقول له كم معدلك ؟ قالك فوق 2 تحت 3 .
محد يبغي يعترف بمعدله, و كنه شي يجرده من كرامته.

النجاح او الرسوب مو كلشي, اعرف بيجون لي ألف واحد إلي قبلك نجح و خلص و مشىو بس المهم في النجاح او الرسوب هو شنو الشي إلا اكتسبته منه, شنو الإستفادة....
واجد ناس تنجح, هل معناته ناجحين ؟ الغش و غيره يخلي الواحد ينجح لكن شنو استفاد ؟ A في الشهادة و اهو ما يعرف شنو اسم المقرر....

الدراسة مو سباق لازم اكمل في 3 اربع سنوات, عشان الناس تفكرني شاطر و ذكي و احسن من غيري..... مو هالشي إلا الناس تقيم الذكي و الشاطر.

رفع المعدل شي مو بالمستحيل, لكن الواحد لازم يتخذ قرار مهم قبل لا يبدأ.
هل هو مستعد بالتضحية في سنوات التخرج ؟
هل انت من قد تحمل صعوبة الأمر؟
إذا كان مستعد, يقدر يرفع معدله فوق فوق
احيانا تتأخر فصل واحد و ترفع معدلك و تستمر براحتك افضل من تتضغط على نفسك طول السنوات.

الرسوب مو دائماً فشل, و النجاح مو دائما نجاح. شنو استفدنا هو النجاح.