تفضّل ، وَ بـُح بحالتـكَ النفسية ~ !

[_ALI_]

بخصوص حفلة تخرج بوليتكنك اليوم للي تخرجوا السنة..
عزيزتي جامعة البحرين جم دفعة ناوية تجمعين قبل لا تسوين حفلتنا، اللي معلقين أروابها عدنا من سنة؟

حلاوة الشي حار بحار.. أو يصير ما له معنى.

مثل الشعور .. روب تخرجي صار له اكثر من ٩ شهور معلق ما ادري متى ألبسه

 

[رَحِيــلْ ،]

انهيار..

 

[المهندس عبدالله]

بخصوص حفلة تخرج بوليتكنك اليوم للي تخرجوا السنة..
عزيزتي جامعة البحرين جم دفعة ناوية تجمعين قبل لا تسوين حفلتنا، اللي معلقين أروابها عدنا من سنة؟

حلاوة الشي حار بحار.. أو يصير ما له معنى.

خرفونا بعد ويش (سحبو ال 15 دينار)

 

[لغز العيون]

ما قدرت أكمل الملخص
و بكرة دوام
إن شاء الله على المغرب او الليل أطرشه ليها و أفتك
يبه ليي أقلل عدد الكلمات بعد

 

[UOB-BH]

مثل الشعور .. روب تخرجي صار له اكثر من ٩ شهور معلق ما ادري متى ألبسه

احنا سوو لينا حفل التخرج بعد 7 سنوات وطنشتهم مارحت

 

[_ALI_]

احنا سوو لينا حفل التخرج بعد 7 سنوات وطنشتهم مارحت

يجوز حزتها انا بعد ما اروح واحرق الروب واصوره سناب

 

[علي البلادي]

متفائل

 

[أمواج]

من كثر ما اتكرر الموضوع
صرت careless وعادي جدًا

 

[نجمة تشرين]

احنا سوو لينا حفل التخرج بعد 7 سنوات وطنشتهم مارحت

صح اتذكر كان لنا احنا سنتين و كان ناس وااجد متخرجين من دهر مو بس ٧ سنوات و سحبت عليهم لدرجه انهم قسموه ع ايام و بس كان الطلاب الا يقولون اسمه يوقف بس هذا أقصى حد

 

[لغز العيون]

أكره عليي أحد يتجاهلني
كنت قريب بنفجر لكن و لله الحمد تداركت الأمر
ما تقدرين تسيطرين على الوضع قولي بصراحة و بنحل السالفة ​

 

[علي البلادي]

أكثر شيء يدخل على قلبي السرور لما اتعرف على نسبات بعيدين وأجدد العلاقة وياهم واتقرب منهم أكثر، ولأجل هذا الشيء صرت أرسم مشجرات نسب

 

[وليد المريسي]

بخصوص حفلة تخرج بوليتكنك اليوم للي تخرجوا السنة..
عزيزتي جامعة البحرين جم دفعة ناوية تجمعين قبل لا تسوين حفلتنا، اللي معلقين أروابها عدنا من سنة؟

حلاوة الشي حار بحار.. أو يصير ما له معنى.

هههه
مـاطولت نفس بعض الناس
بسسس كانت سنتين
بعد قلت الحمدلله غيري من ايام الـ 90 ههههه

اهو فعلا حلات الشي حار اول بأول هههه ( المشكله يقعدوا يجمع اوادم حق يكون فيه عدد )
تخيلي مثلا قسم الكيميكل كل سنه 9 الى 13 طالب يتخرج هاي وين تسوي لهم حفلة تخرج ههههه ( يسون لهم داخل سكشن )
وبسسس​

 

[لغز العيون]

كنت مخططة لمشوار زيارة لكن شفت روحي تعبانة و هونت
على العموم ما أحب طلعات الليل إلا للضرورة القصوى و خصوصاً الليلة بعد زحمة الشوارع ما تشجع كلش
بشوف يوم غير ​

 

[إيقاع]

المشكله يقعدوا يجمع اوادم حق يكون فيه عدد

ما ليه داعي يحارسون جم سنة عشان العدد، وهم نيتهم يفصلون التخصصات في الحفلة.
خل يخلون التخصصات كلها في يوم، ويسمحون للطالب يجيب الا يحب وياه (المدعوين).

أني مستعدة أسوي مناحة من الحين إذا بعد كل هالانتظار حفلة تخرجي تصير في يوم وحفلة تخرج زوجي في يوم ثاني .

 

[أمواج]

بخصوص حفلة تخرج بوليتكنك اليوم للي تخرجوا السنة..
عزيزتي جامعة البحرين جم دفعة ناوية تجمعين قبل لا تسوين حفلتنا، اللي معلقين أروابها عدنا من سنة؟

حلاوة الشي حار بحار.. أو يصير ما له معنى.

انتون تنتظرون حفل التخرج ومو لاقينه
واني كان بيدي اسجل في آخر حفل صار كنت توني متخرجة و ما سجلت

 

[إيقاع]

انتون تنتظرون حفل التخرج ومو لاقينه
واني كان بيدي اسجل في آخر حفل صار كنت توني متخرجة و ما سجلت

أني مو قاعدة أنتظره بالمعنى الحرفي.
بس الا صار إن إعلان حفل التخرج كان مباشرة بعد تخرجي.. فأني فصلت الروب على هالأساس. كانوا يقولون الحفلة بتصير شهر واحد. لأني كنت مخططة إذا بصير الحفل بعد مدة ما راح أسجل فيها.

هذا هو الشي الا زاعجني في موضوع التأخير. .

 

[قمَر]

أني مو قاعدة أنتظره بالمعنى الحرفي.
بس الا صار إن إعلان حفل التخرج كان مباشرة بعد تخرجي.. فأني فصلت الروب على هالأساس. كانوا يقولون الحفلة بتصير شهر واحد. لأني كنت مخططة إذا بصير الحفل بعد مدة ما راح أسجل فيها.

هذا هو الشي الا زاعجني في موضوع التأخير. .

اني بعد اعلنوا عن الحفل بعد تخرجي مباشرة
وفي النهاية يمكن صارت الحفلة بعد سنة تقريبا
شبه فقدنا حماس التخرج والحماس للحفلة
صار حضورنا بس لأننا سجلنا وفصلنا روب
وفي ناس ما حضروا بعد

 

[رَحِيــلْ ،]

بالنسبة ليي.. ما سجّلت في حفل التخرّج بالمرّة.

 

[لغز العيون]

صباحكم ورد ​

 

[Dam3at Malak]

No pain no gain
We reach the pain and still no gain baby .