استفسار ضروري جدا

[dim]

السلام عليكم والرحمة

يوجد لدي عدة استفسارات واتمنى منكم اعزائي افادتي.

1) ما الفرق بين المهندس المدني الانشائي والتنفيذي هل يوجد اختلاف في المواد اللتي يدرسونها ام الاختلاف فقط في المسمى الوظيفي؟


2) ما مجال عمل المهندس المدني؟ وهل يعمل في بنك ؟وكيف؟

3)هل الهندسة الكهربائية والميكانيكية صعبة جدا؟

4)ما الفرق بين REQUIRED COURSES و ELECTIVE COURSES؟

وشكرا لكم يا احلى اعضاء واتمنى منكم التفاعل

 

[متمردة]

و عليكم السلام و رحمة الله و بركاته


3)هل الهندسة الكهربائية والميكانيكية صعبة جدا؟
ما أعتقد في تخصص سهل بشكل عام يعني :mellow:
الدراسة بشكل عام مو سهلة و تحتاج متابعة و جهد

4)ما الفرق بين REQUIRED COURSES و ELECTIVE COURSES؟
REQUIRED COURSES
المواد الاجبارية اللي على الطالب ان يدرسها عشان يتخرج
أما
ELECTIVE COURSES
فنوعين
مواد اختيارية من نفس التخصص
و مواد اختيارية من خارج التخصص و الكلية
طبعا لازم ياخذها عشان يتخرج بس هو يختار المقرر اللي يبيه

أما بالنسبة لباقي الاسئلة إن شاء الله الباقي يفيدونك
و ترى مو شرط اللي يتخرج من الهندسة يشتغل مهندس
ياما ناس متخرجين من تخصصات و يشتغلون شغلات مالها علاقة بالتخصص نهائيا
و في تخصصات في نظر الناس إنها منحكرة في شغلة معينة مثلا الرياضيات = تدريس
و هاي مو شرط لأن في ناس متخرجين رياضيات و يشتغلون في بنوك و شركات


بالتوفيق إن شاء الله
​

 

[Kim]

وعليكم السلام ورحمة الله وبركاته
أشكر أختي متمردة على الإجابة وما أزيد على ردها إلا ...

أختي بالنسبة للسؤال:

ما الفرق بين المهندس المدني الانشائي والتنفيذي هل يوجد اختلاف في المواد اللتي يدرسونها ام الاختلاف فقط في المسمى الوظيفي؟

الفرق حسب ما أعتقد هو الوظيفة ومتطلبات العمل لكن على صعيد الدراسة فبالنسبة لجامعة البحرين تخصص الهندسة المدنية لا ينقسم إلى قسمين وخطته موحده وتلقين الخطة في هذا الموضوع:

https://www.uob-bh.com/forum/showthread.php?t=149

بالتوفيق

 

[dim]

شكرا لكم اعزائي

بس حبيت اضيف لاستفساري ان هل المواد الاختيارية ELECTIVE COURSES لازم اخذها كلها اللي موجوده في الخطة الدراسية؟

واذا باخذ كل كورس 4 مواد و3 مواد صيفي يعني يبي لي كم سنة عشان اخلص تخصص هندسة مدنية؟

 

[متمردة]

بس حبيت اضيف لاستفساري ان هل المواد الاختيارية ELECTIVE COURSES لازم اخذها كلها اللي موجوده في الخطة الدراسية؟

في الخطة بيقولون لك مثلا عندك مادتين اختياريتين
و بيحطون لك مثلا 10 مواد اختيارية تختار منها
فانت تختار مادتين من هالعشر
يعني مو لازم تدرس العشر
بس لازم تدرس مادتين من هالعشر عشان تكمل مواد الخطة

واذا باخذ كل كورس 4 مواد و3 مواد صيفي يعني يبي لي كم سنة عشان اخلص تخصص هندسة مدنية؟

يعتمد على عدد المواد اللي عندك
مثلا احنا عشان نتخرج لازم ندرس 40 مقرر حسب الخطة
طبعا التوزيع يختلف من طالب لطالب
البعض ياخذ 4 مواد كل كورس بدون صيفي يخلص في 5 سنوات
في ناس تاخذ كل كورس 5 تخلص في 4 سنوات
طبعا الواحد لازم يوازن في جدوله و يكون مرن في التعامل معاه
لأن التعارضات في اوقات المحاضرات و اوقات اللاب و تاريخ الامتحان النهائي
تخلي الواحد غصبا عنه يتنازل عن مخططاته فيمكن يتأخر تخرجه


​

 

[sadiq6210]

في الخطة بيقولون لك مثلا عندك مادتين اختياريتين
و بيحطون لك مثلا 10 مواد اختيارية تختار منها
فانت تختار مادتين من هالعشر
يعني مو لازم تدرس العشر
بس لازم تدرس مادتين من هالعشر عشان تكمل مواد الخطة
​

قسمنا التعبان يختار للطالب مادتين من المواد الاختيارية لازم ياخذهم .. يعني اختياري اجباري :thumbdown:
الله يخليهم مريحينا ما يبون يشتتونا في الاختيار ..

 

[متمردة]

قسمنا التعبان يختار للطالب مادتين من المواد الاختيارية لازم ياخذهم .. يعني اختياري اجباري :thumbdown:
الله يخليهم مريحينا ما يبون يشتتونا في الاختيار ..

نفس المدرسة يعني
يقولون مقرر اختياري و هو نازل في الجدول اجباري
دنيااااا
لا تعتب عليهم نفس ما قلت يريحونكم عن التشتت
​

 

[Kim]

خيوه أعتقد إن من المستحيل إن تحصلين ثلاث مواد صيفي لأن عادتا يكون عدد الشعب قليل. فما بتقدرين أما عن أربع مواد في كل فصل فهو عدد مناسب لكن الخطة مبنية على خمس مواد وأكثر. فعموما هم 42 مادة لو أخذتي كل فصل أربع تحتاجين إلى عشر فصول تقريبا لكن لو قدرتين تحصلين ما مجموعه 6 مواد صيفي بتحتاجين تسع فصول بالضبط يعني أربع سنوا ونص