موقع طلبة جامعة البحرين

يمكنك تصفح الموقع كزائر ولكن ندعوك لتسجيل عضوية خاصة بك لتحصل على كافة الصلاحيات مثل تنزيل ملفات المكتبة وقراءة تعليقات هيئة التدريس وغيرها. يمكنك الحصول على عضوية مجانية بالضغط على زر تسجيل. إذا قمت بالتسجيل مسبقا فيمكنك الضغط على زر دخول.

تسجيل دخول
  • قسم المكتبة الجامعية مغلق مؤقتا بعد الاستهداف التي تعرضت له بعض خدمات أمازون في البحرين، جاري استرجاع الملفات ونقلها إلى سيرفرات جديدة وسيتم بعدها اعادة افتتاح المكتبة

الفصل الأول حقوق.....

تاريخ التسجيل
15 أكتوبر 2010
المشاركات
17
المجموعة
أنثى
الدفعة الدراسية
2010
السلام عليكم .......
بس أبي اسأل عن دكاترة ذي المواد مال الفصل الأول...... وأفضل الدكاترة بعد:RpS_tongue:
انج 191
قانون 101
قانون102
قانون 103
قانون 106
واتمنى من إلي يعرف يساعدني .. :rolleyes2:​
 
ياخوك الفصل الاول مايصير تختار الدكاترة


وباقولك عن الدكاترة الي درسونا هالفصل

191 دكتورة لمى , شرحها حليو بس الي يبط الجبد تجبر الواحد ان يحضر والي مايحضر ياويله :RpS_tongue:

قانون 101 خالد جمال , اسلوبه حلو وشرحه زين لكن مايخليك تحط يدك على خدك :rolleyes2: بس بشكل عام يعجبني هالدكتور

قانون 106 درسنا اممم فاروق خماس , مافهم حق شرحه لان كله يسأل والبنات يجاوبون , يعني تعتمد محاضرته على التحضير :sly: من جذي ماعجبني الاسلوب لكن الدكتور زين

قانون 102 اممم مافي الا هالدكتور خليل , جوفه واحكم عليه:RpS_sleep:

اما 103 حقوق الانسان , درسنا عمر باخشب , يقولون الدكتور زين , بس الي اجوفه عكس كل من مفهي في هالمحاضرة , والمادة تلوع الجبد وماينفهم لها شي وغلجة الله يعينك
 
لمى شرحها مب زين كلش ملش:RpS_glare:..اصلا احنا انحضر ونشرح ونجاوب عالاسئله..اهيه بس تتصيد اللي ما يحضرون

خالد جمال شرحه وايد زين..بس انا عن نفسي افهي وايد لان مايبي مشاركه...يعني سكتوو خل اشرح

فاروق خماس شرحه جميل جدا يعجبني..حته اسئله امتحاناته مباشره ما يلف ويدور:rolleyes2:

دكتور خليل ..صج عجيبه محاضرته والله استمتع فيها كله ضحك..بس مادري شفيه صعقنا بالامتحان الثاني:RpS_blink:..اسئله من المريخ!:RpS_blink:

عمر باخشب ما ينفهم له ..بس يمكن لان الكتاب بايخ مب عارف يشرحه :RpS_huh:..بس حليو ويعطي درجات ويبي ينجح الكل
 
انج 191 >>> لمى بالنسبة حقي شرحها لاتعليق ...... ولاتروح مو محضر .. تعفس السكشن على راسك ,, في دكتور واحد يدرس وياها المقرر بس ماذاكره اسمه :) اوكي هذا
قانون 101 >>>> دكتوور باسم جدا ممتااااز ومافيه عليه مع ان مادرسني .. هم خالد جمال اوكي
قانون102 >>>>>>> دكتوور خليل ,, اوكي ماشي الحال
قانون 103 >>>>> مافي على دكتور عبدالكريم علوان ,,, :) ممتااز ,, دكتور عمر بتنام وبتفهي عنده
قانون 106 >>>>>> دكتور فارووق ,, ممتاز ولازم تحضر عنده ,, خوش دكتور ,, ويقولون دكتور مروان زين :)

بالتوفيق :)
 
اي والله تتصيد الحضوور

خالد جمااال حده ينوم :( بس اوكي شرحه

امتحان التاريخ الثااني صج خطييييير :(

بالعكس مقرر حقوق انسان مو بايخ :)

>>>>> تعليقات حق رايقه :p
 
اي لمى انه ولا مرة حضرت لها كله من ورا الكتاب , عقب نقصتني درجتين خخخخ جذي جذي راسب في هالمادة بعد تصعبها علي:RpS_tongue:

اما دكتور خليل محاضرته يرتفع ضغطي فيها :rolleyes2:

اما باخشب بالنسبة حق درجاته ماله حل , من جذي تطمنت في اختبار حقوق الانسان
 
الدكتوره اسمها لوما مو لمى خخخخخ

لوما: هالإنسانه مااحبها ابدا ابدا ولاتشرح ولا شي ,,, تعتمد على الطلبه ,,, و اصلا بس تترجم المصطلحات القانونيه اللي بالانج ...

خليل: محاضرته كلها ضحك خخخخ ,,, بس امتحاناته مثل ماقالوا من المريخ ,,, والله يستر من الدرجات

عمر: طيب واايد ,,, وهالشي الطلبه نوعا ما يستغلونه فيه ,,, تجوفين باقي على المحاضره بس تقريبا 10 دقايق وتوهم داخلين علشان يسجلهم حضور ,,, ومسكين يعطي درجات ,,, بس شرحه يمكن مو ذاك الزود بسبب يمكن الكتاب البايخ ,,, اللي كأنه مجله بس كلام ومافيه شرح !

خالد: شرحه واضح ,,, بس مشكلته طول الوقت يتكلم مافي يعني مناقشه او شي جذي ,,, فأحيانا مانركز معاه ,,, وبالنسبه للدرجات وااايد احسه يدقق في التصحيح ,,, يعني عادي تظنين بتاخذين علامه كامله وتطلعين آخر شي ناقصه شكثررر !

فاروق: هالدكتور احبه وطيب واحب انه يسوي نقاش وجذي ,,, وانا دايما اتناقش وياه ,,, تصير المحاضره ممتعه ,,, وامتحاناته اوكي ...

وبس:smile:
 
وانه عبالي لمى:rolleyes2:

اي انه اسمع الكل يقول عمر زين بس المادة اهي الي مخربه عليه لأن مافيها شي ينشرح , او حتى لو بيشرحه لنا جان ماخلصنا المقرر لأن اغلب الاشياء مو فاهمينها او مصطلحات مامرت علينا فأذا بيوقف على كل كلمة وبيشرحها جان ضاع الوكت


اما خالد وايد زين بس ساعات يطير مخج عن المحاضرة , فأنا اول شهر عشان ماتملل كنت اييب دفتر واكتب كل الي يقوله اخر شي ماستخدمه بس تضييع وكت بدل لا ارقد ويطقطق لي على الطاولة
 
لا انا اكتب لوما..بس جفت احمد كاتب لمى وقلدته عبالي صح:nosweat:
صج حته انا احب دكتور فاروق جدا جدا..احسه احسن واحد

فطوم..الكتاب مب بايخ ها؟!:RpS_blink:
ماشالله عليج ..معليه انزين حد امه فن الكتاب:blush-anim-cl:..ولا تزعلين

 
بل كتاب حقوق الانسان يرفع الضغط

كنت اقراه مثل الهبيلة بس احفظ :RpS_glare: جان زين بعد احفظ من صوب وانساه من صوب
 
بخصوص دكتورة لمى .. صج مثل ما قالوا تعتمد على الطلبة واايد يعني ما تشرح شي اذا الطلبة مب محضرين الدرس و غير جذي تعطي امتحان مفاجئ.. :RpS_glare:
دكتور خالد جمال شرحه وااايد اوكي بس ما يسال في المحاضرة و لا يستخدم السبورة كلش في الشرح و طول الوقت قاعد على الكرسي و يقول لا تحط يدك على خدك .. و في المشاركة كل الاوادم ياخذون 8 سواء حضروا كل المحاضرات او غابوا :RpS_sleep:
دكتور خليل بالنسبة للشرح ووااايد زين.. يشرح عدل و دمه خفيف و محاضرته تجوف فيها العجب :nosweat:
دكتور فاروق طيب و حليووو هالانسان و يعطي درجات و محاضرته ممتعه من النوع اللي يحب يحاور و يناقش :rolleyes2:
دكتور عمر باخشب زين هالدكتور بس حلف ما يدرس هالمادة مرة ثانية :bleh:
و بالتوفيق ان شاء الله :msn-wink:
 
اي دكتور خالد اتعب في حصته , لازم مركزه وماتحط يدك على خدك :RpS_glare:

بس في الانج ماعليج ترى الامتحانات المفاجئة بس جذي خرطي , انشالله الكورس الياي مو وياها
 
اي ان شاء الله مب وياها
 
عودة
أعلى أسفل