يعطيك العافية اخوي TheUnKnown
كلام الاخ سليم ، الامر اللي كاتبته اختي ماله علاقة بالكمبيوتر مخترق او لا .
حبيت أضيف شغلة مع كلام الاخ TheUnKnown بعد إذنه اذا يسمح لي ،،،
وهي ان الاختراق هو ملف تروجان او برنامج صغير مثل keylogger او غيره ، ينزل بالكمبيوتر ، لما يشتغل يقوم يتصل بالانترنت عشان ينقل معلومات من كمبيوترنا الى الانترنت لشخص او لموقع معين . فمعرفة كل الاتصالات اللي بالجهاز امر مفيد .
مثل ماقال اخونا العزيز فوق ، netstat -n هو امر يعرض لنا اي اتصال بكمبيوترنـا ، واذا يشتغل راح يطلع الآيبي والبورت وهذا شي جيد . ومثل ما وضح الاخ بان لازم نطفي كل البرامج (
الانتي فايروس + مسن + اي متصفح او اي برنامج يتصل بالانترنت ) عشان لا تظهر لنا الاتصالات اللي احنا مسوينهـا ، وكأن ماسوينا شي .
الامر :
netstat -noa
لما نضيف
netstat -noa ، هالامر يعرض لنـا الايبي والبورت والحالة بالاضافة الى شي مهم في هالوقت وهو PID) process identifier)، كما بالصورة :
اذا ال state ظاهرة listening معناه كل شي اوكي
في حالة ظاهر لنا established يعني بيطلع لنا ان فيه اتصال بينا وبين الايبي اللي جنبه .
شنو فايدة
netstat -noa على الامر netstat -n :
هو عرض الآيدي او رقم العملية بجانب الآيبي اللي متصل كما بالصورة :
هني شغلت الفايرفوكس كتجربة ، وظهر لي established بس خلنا نفرض ان احنا ماندري هالاتصال مال شنو الحين ؟
الفايدة اني آخذ الرقم اللي بجانبها ، وهو في هالحالة 284
لما نروح الى التاسك مانجر ، ونخلي PID شغال من قائمة View بالاعلى ،
لما ندور على رقم العملية ، نلقاهـا للفايرفوكس كما بالصورة
في حالة ان البورت مفتوح ، والعملية بإسم شي مانعرفه ، نروح الى Google ونبحث عن اسم العملية مثلا firefox.exe process او ccc.exe process وبيطلع مال شنو .
فهذي هي فايدة الامر الثاني على الامر الاول للأخ العزيز TheUnKnown كإضافة أخرى .
في حالة وبحثنـا ، وطلع لنا انهـا عملية ضـارة او عملية غير معروفة ، او حتى لو مالقينا لها معنى او مستند ، يكون لنـا كلام آخر حول كيف نمسحهـا ونكنسلها للأبد .
عليش بالانتي فايروس ، نسوي تحديث بشكل دوري ونسوي سكان بين كل فترة .
ايضـا ، الفايروول ، هو السلاح الاقوى بين كلشي وبعض النسخ للانتي فايروس (انترنت سكيورتي) يجي وياها فايروول ، او اي برنامج فايروول بروحه ،، ولكن الكثير منا مايحب يستخدمه =) لأن نقول ماله داعي او لانه معقد او يمللنا كل شوي .. لان مو كل يوم بنتعرض لهالمشكلة او نـادراً خل نقول .
شخصياً ماستخدم فايروول ، او اذا بستخدم اخليه على اقل درجة لل pc مالي ..
بينما الماك ، بما اني مو مركب انتي فايروس ، فإني مركب فقط فايروول عن العين والنفس =)
أعراض الجهـاز مابقول مخترق ، ولكن خل نقول فيه ملفات مو زينة :
1- الكمبيوتر يصير بطيئ بشكل مفاجئ .
2- تصير فيه حركات مو طبيعية .
3- الملفات تقصر او تزيد
.
4- بعض البرامج ماتشتغل بشكل سليم .
والمشكلة مافي علامة معينة ، تظهر لنـا تقول ان هذا الكمبيوتر مخترق غير الانتي فايروس يخبرنـا ، وهني المشكلة .
ملاحظة : بطيء الجهـاز مو شرط من فايروس او اختراق ، وتكلمت عنه في موضوع منفصل بشكل تفصيلي ، ولكن الجميع يعرف ان من اهم اعراض الاختراق هو بطيئ الجهـاز ومحد يختلف على هالشي ، ولكن يختلف بين شخص الى شخص في كيفية ومستوى التشخيص .
موفقين
واسمحي لي الشيخة عدلت العنوان .
