تحويل من كلية لكلية ثانيه

[أم حمني]

بسم الله الرحمن الرحيم

السلام عليكم ورحمة الله وبركاته

اخواتي وخواتي الكل عارف انه اطلعت نتايج اليوم
بس للاسف ماحصلت رغبتي الاولى يمكن عطوني رغبتي الخامسه اذا ماخاب ظني
حطو لي اعمال مصرفيه وماليه وكان ودي بهندسه معماريه
مع انه معدلي تسعين
انا متخرجه علمي واتوقع تخصص اعمال مصرفيه وماليه ايناسبه تجاري اكثر من علمي

فحابه اسال هل بسهووله احول من كلية لثاانيه
وهل كل مره احصل شواغر وله ممكن مااحصل وانجبر ع التخصص
انا باجر باروح الجامعه وبسال بس بعد ابي تجاربكم ياالطلبه

ناطره ردودكم ​

 

[بنت الحد]

روحي عمادة القبول والتسجيل . ... وطلبي استمارة تحويل تخصص ... ومليها ... وعلى الله جوفي متى يردون عليج ..


بس الهندسة المعمارية ... صعب وايد ...


يمكن تدرسين كورس من التخصص الي حطوج الحين .. واتييبين معدل فوق ال 2


وتروحين تطلبين تغيير مرة ثانية .. وراح يسوون لج مقابلة .. ومنها يمكن يقبلونج ويمكن لا

 

[أم حمني]

اي رحت اليوم خذت استمارة التحويل

واهناك قالو لي انه تخصص اعمال مصرفيه وماليه وايد زين ومطلوب
وهندسة معماريه خذو فوق الـ 95

برايكم ابقى ع اعمال مصرفيه وماليه
وشنو رايكم بالتخصص

 

[Biology boy]

اذا انتي مصره على الهندسة المعمارية بامكانك ان تدرسي كورس واحد في الاعمال المصرفيه ولاكن لاتاخذي مواد التخصص
اخذي
عربي
دين
تاريخ
انجليزي >>>.علشاتن يسون ليش معادلة مواد

يعني مواد مشتركه بين التخصصين علشان اذا حولتين في المستقبل ماتخسرين مواد

وبعد ماتاخذين هذي المواد وتجيبين معدل فوق ال2 واكثر بواجد تطلبين تحويل بين الكليات
بهذي الطريقه يكون التحويل سهل ومضمون

 

[أم حمني]

بس اخوي مو اول سنه كل المواد اتكون اجباريه مو اختياريه
وخصوصا انا مو تمهيدي بعد

 

[Biology boy]

تقدرين تغيرين الجدول في الحذف والاضافة

المقررات لجميع الطلبة المقبولين في الصالة الرياضية،
على أن يكون يوم الإثنين الموافق 24/8/2009 لطلبة كلية إدارة الأعمال،
ويوم الثلاثاء الموافق 25/8/2009 لطلبة كلية الهندسة،
ويوم الأربعاء الموافق 26/8/2009
لطلبة كلية تقنية المعلومات وكلية العلوم،
ويوم الخميس الموافق 27/ 8/2009م لطلبة كلية الآداب وكلية
التربية وكلية الحقوق وكلية التعليم التطبيقي".

 

[أم حمني]

مشكووور اخوي ماقصرت والسموحه شكلي تعبتك معاي

بس سؤال اخير في فرق بين العماره والهندسه المعماريه ؟

واذا طلبت تحويل وقدمت المقابله ومااقبلووني ارجع اعمال مصرفيه ؟

والسموحه مره ثانيه

 

[Biology boy]

العمارة هي نفسها الهندسة المعمارية

اذا لم تقبلي في الهندسة تلقائيا ترجعين الى تخصصك السابق