رخصة القيادة في البحرين؟

[Sally BenJamin]

انا بي اعرف شنو الاجراءات اللي اسويها علشان احصل رخصة قيادة

يعني عدد الساعات كم ساعة لازم؟ وكم سعر الساعة الواحد وهل في جزء نظري؟ ابي اتعلم عن الجزء النظري بعد... :mellow:

احاول احصل على الرخصة خلال الثلاث اشهر القادمة ان شاء الله او على الاقول ابدي :tears:

لا تبخلو بالمعلومات انا سمعت انه غيرو بعض الاشياء

 

[violet shadow]

لازم تخلصين 22ساعة
والساعه ب5 دينار
ومحاضرة قبل واذا اخذتين في المدرسة سيق مايحتاج تدخلين المحاضرة بس تودين لهم الشهادة وبوقعون اليش
وبعدها لتراي ب10 دينار
والليسن ب20 دينار

 

[the life]

اول شي لازم الكجه بعد
وتحصل مدرب
وتدخل محاضره اذا ما درست مقرر السياقه في المدرسه
وبعدين مثل ما قالت اختي ^^

 

[نغمة الحياة]

نفس ماقالو الخوات

 

[موج هادي]

والله يعينش عل القير العادي .. وايام التدريب ..

ملل من قلب

 

[M.Matooq]

السلام عليكم
اولا لازم العمر 18 سنة فما فوق فلو رحتين وعمرش 17 سنة و11 شهر و27 يوم ما راح يعطونش الكجة ...

لازم تروحين تطلعين الكجة من الادارة العامة للمرور بمدينة عيسي وتودين وياش 40 دينار و4 صور ... راح يعطونش استمارة تملئينها ...وبعدين فحص نظر بعدين بيعطونش الكجة وكتاب تعليمي مع دفتر التعليم الي يوقع عليه المدرب وموعد للمحاضرة النظرية الي لازم تخلصينها حق تتدربين واذا انتي من متخرجين مدارس البحرين في السنتين الاخيرتين ودرستين سيق ودي الشهادة وما بيعطونش محاضرة ... بيوقعون لش على طول ... والفرق 4 دينار ونص ...

وبعدها انتي وحظش وشطارتش تدورين مدرب ولين الله وفقش وحصلتين لازم تخلصين 22 ساعة و5 دينار للساعة بيطلع 110 دينار ...
تقدرين تدورين مدربين من النت ...
ولما تخلصين التدريب تروحين تقصيين تراي ب10 دينار وبيعطونش موعد التراي
وتدخلين التراي واذا نجحتين تقدرين تطلعين الليسن على طول ب 20 دينار
اما اذا رسبتين فبخلونش تتدربين 8 ساعات زيادة وتدخلين تراي ثاني ونفس الشيء مقابل 10 دينار و ال8 ساعات تطلع عليش ب 40 دينار ...
بالتوفيق

 

[M.Matooq]

نسيت اذا بتتطلعين كجة بعد ودي وياش الجواز مالش وطبيعي البطاقة الذكية

 

[Sally BenJamin]

اها مشكورين بس المحاضرة عن شنو بتكون بالضبط؟

 

[qassoomy]

اها مشكورين بس المحاضرة عن شنو بتكون بالضبط؟

ما في شي خاص
بيتكلمون علي اشارات المرور و يعلمونكم و يختمون الدفاتر و يعطونكم

 

[sa3b.tt7daney]

حاولي تحاربين عشان تحصلين مدرب اذا ماعندش مو بسهولة لان تحصلين:tears: .. والله يعينش

 

[Mystro]

الاتفاق مع مدرب للتدريب ، يحتاج انتظار 3 اشهر ، فحق لا تنصدمين من الواقع المر لا تخلين في بالش اي فترة متى تخلصين

أنا في رأي من الحين دوري لش مدرب/ مدربة وأول ما تحصلين احجزي عندهم حتى لو كان بعد 3 اشهر أو 4 اشهر​

 

[mooon14]

شباب لزم انودي 4صور أو بعد شنو حق الكجه