سؤال عن الدكتور عمر العاني

[نوور الدنياا]

اسلاميات

اش رايكم فيه ؟؟

زين ؟؟

يعطي درجات ؟؟
اكوزاته سهلة ؟؟
شرح زين ؟؟



؟؟

 

[Mystro]

اعتقد الإسلاميات أي دكتور عادي
ما يهم واجد

وما أدري عن الدكتور بصراحة ​

 

[sadiq6210]

بالنسبة للدكتور عمر العاني، من أفضل الدكاترة اخذي معاه وانتي مطمنة ..

اعتقد الإسلاميات أي دكتور عادي
ما يهم واجد

وما أدري عن الدكتور بصراحة ​

أختلف معاك مايسترو، العربي والهستوري والاسلاميات بالذات اللي يهموني الدكاترة بالدرجة الاولى لان أكثر الطلبة ينظلمون فيهم، واحد معدله 4 في كل مواد التخصص يجيك دكتور اسلاميات مثل فرج الوصيف يعطيه D وهو مرتاح :thumbdown:

امتحان المنتصف غير موحد، دكاترة يحطون لطلبتهم امتحانات مقالية معقولة، ودكاترة يحطون امتحان منتصف 90 صح وخطأ وكلهم ما يقيسون مستوى الطالب ويقبلون الصح والخطأ بحسب نظرة الدكتور للسؤال، مثلا ضع صح أم خطأ (الاسلام هو السياسة:mellow ممكن الدكتور يفسرها لك انها صح ويقدر يقنعك انها خطأ !!

أما بالنسبة للدرجات فحدّث ولا حرج، لما دكتور يحط على المشاركة 18 من 100 تسأله ليش؟ يقولك ان في طالبة بالسكشن شاركت في الفصل 18 مرة وكل مشاركة تساوي درجة يعني درجة المشاركة هالفصل من 18، شوف عاد البنات اللي يخجلون من الكلام في السكشن تلقى وحدة محصلة 3 ووحدة 5، ويمكن الكورس الجاي تكون درجة المشاركة من 7 ويمكن من 25 يعتمد على أكثر واحد يشارك، مع كل الاحترام طريقة تربوية فاشلة تنزع روح الزمالة بين الطلبة.

المواد العلمية مثل الرياضيات والفيزياء على الأقل لو مافهمت تروح لزميلك او دكتور ثاني يشرح ليك، لكن المواد الأدبية واذا المادة مو محتاجه شرح أصلا بس تلقى نفسك ماخذ D بسبب تعنت الدكتور الفلاني، وتعيد المقرر مع دكتور ثاني وتبذل ربع المجهود وتحصل A

عندنا دكاترة ماعندهم ضمير وانا خوك :thumbdown:

 

[Mystro]

بالنسبة للدكتور عمر العاني، من أفضل الدكاترة اخذي معاه وانتي مطمنة ..



أختلف معاك مايسترو، العربي والهستوري والاسلاميات بالذات اللي يهموني الدكاترة بالدرجة الاولى لان أكثر الطلبة ينظلمون فيهم، واحد معدله 4 في كل مواد التخصص يجيك دكتور اسلاميات مثل فرج الوصيف يعطيه D وهو مرتاح :thumbdown:

امتحان المنتصف غير موحد، دكاترة يحطون لطلبتهم امتحانات مقالية معقولة، ودكاترة يحطون امتحان منتصف 90 صح وخطأ وكلهم ما يقيسون مستوى الطالب ويقبلون الصح والخطأ بحسب نظرة الدكتور للسؤال، مثلا ضع صح أم خطأ (الاسلام هو السياسة:mellow ممكن الدكتور يفسرها لك انها صح ويقدر يقنعك انها خطأ !!

أما بالنسبة للدرجات فحدّث ولا حرج، لما دكتور يحط على المشاركة 18 من 100 تسأله ليش؟ يقولك ان في طالبة بالسكشن شاركت في الفصل 18 مرة وكل مشاركة تساوي درجة يعني درجة المشاركة هالفصل من 18، شوف عاد البنات اللي يخجلون من الكلام في السكشن تلقى وحدة محصلة 3 ووحدة 5، ويمكن الكورس الجاي تكون درجة المشاركة من 7 ويمكن من 25 يعتمد على أكثر واحد يشارك، مع كل الاحترام طريقة تربوية فاشلة تنزع روح الزمالة بين الطلبة.

المواد العلمية مثل الرياضيات والفيزياء على الأقل لو مافهمت تروح لزميلك او دكتور ثاني يشرح ليك، لكن المواد الأدبية واذا المادة مو محتاجه شرح أصلا بس تلقى نفسك ماخذ D بسبب تعنت الدكتور الفلاني، وتعيد المقرر مع دكتور ثاني وتبذل ربع المجهود وتحصل A

عندنا دكاترة ماعندهم ضمير وانا خوك :thumbdown:

اتفق معاك في هذه النقطة ، أنا لما أخذت الهيستوري ، كان امتحان المنتصف سواه دكتور اسمه علي منصور ، عن يا زعم مخلينه الحين عميد الظالم ، كانت درجاتي تقريبا تقدر تقول فل مارك ، يعني من 50 درجتي 47.5 أو 48 جذي كأنه ، وفي الفاينل حفظت الكتاب من زود ما أراجع ليه وأشارك معاه ، وكتبت كل سؤال في الامتحان الجواب فت لا حرف ناقص ولا رحف زايد ، وآخر شيء حط ليي +B ، ما في فايدة هذا إلي أقصده ، في دكاترة تدلع طلبتها وفي دكاترة تظلم ، بس في الفاينل الدرجة المتوقعة +B لأغلب طلبة السكشن ، وفي ناس لا ينقصفون أكثر يحصلون +C ، وتجي وحدة سفور بسمة وحدة للدكتور ، وتحصل A من بين كل طلبة السكشن ، هذا كان دكتورنا .

هذا إلي يصير لو ويش تسوي ليه ، ما يعطيك حقك في الفاينل ، من جذي لاعت جبدي منهم ولا مرة صار حظي وي واحد ينصف عدل الطلبة ، من جذي قلت ما تفرق وياي .

أول ثلاثة فصول كنت أسعى على حسب الدكتور أسجل جدولي ، بس في النهاية ما راح استفيد شيء ، الخاتمة تبي تنحج اعتمد على نفسك وتعلم عدل ، حتى لو ما كنت تحصل درجة فوق شوي ، إن شاء الله كله B أو +B ، بس هذه درجة اعتماد على النفس ، أحسن من الركضة ورى الدكاترة هذا زين وهذا مو زين .


يمكن طلبة استفادوا يقولون أي نبي الدكتور إلي يمدحون فيه الطلبة ، وإلي ما استفادوا ، يقولون خلنا نتخرج وعلى الله وياهم عطانا حقنا ما عطانا ، معاهم الطالب الممتاز كأنه طالب عادي وأقل من عادي بعد ، والطالب إلي لك عليه ، تشوفه ما شاء الله يحصل الدرجة العدلة ، وهو ماشي ، هذا إلي أشوفه في دكاترة هالثلاث مقررات إلي فارضينها علينا ARAB110 ، ISAM101، HIST121 هذا بالنسبة لتجربتي معاهم ، وكل من ورأيه وتجربته

وإذا في شيء قاصين علينا في هالجامعة هو مقرر HIST121 ، اسمه تاريخ البحرين الحديث ويتكلم بشكل عام عن العائلة الحاكمة ، بس من مسويه ، واحد مصري ما أدري من وين قاعد يهر ، حتى لو مو هرار ، خله يصدق ويعتمد من عند الملك ، مو يخلونهم يهرون ويكتبون مني والطريق ، بعد ما يصدق من عند الملك تالي يجون يدرسونه

هذا رأي ومسامحة على الإطالة

 

[BHbird]

صراحة الدكتور عمر العاني درسني في أول كورس لي بالجامعة دكتور محترم و ما يتعب الطالب أنا عن نفسي حصلت عنده A .

 

[نوور الدنياا]

مشكورررين كل الاعضاء على الرد

خلاص بنزل ليي وياه

يالله نسالكم الدعاء