كيف يكون امتحان القبول للهندسة( المعمارية )... ضروري بليييز

[الانسحاب الهادئ]

السلام عليكم ورحمة الله وبركاته ..


ممكن أعرف طريقة الامتحان حق الهندسة المعمارية .. لأنه بكون عندي امتحان قبول الكورس الياي ..

وطبعا الامتحان بكون بالأنجليزي ..

ممكن اعرف شنو الكلمات الهندسية ألي لازم اعرفها ..( في الامتحان )

بليييييييييز ارجو الرد ::

ثانكس مقدما ..

 

[الانسحاب الهادئ]

 

[أسعد حزين]

الامتحآآن بيكون تقريباً كله رسم
يعني بيعطونكم صورة لمبنى ترسمون مثلهآ
و أشكآل هندسية تبتكرون منهآ شكل أو تصميم
أشكآل هندسية تقسمونهآ ، أشكآل تقولون كم الزوآيآ مآلهآ
شكل تكررونه بحيث تبتكرون منه تصميم
ترسمون مبنى تعرفونه أو احتمال هم يعطونكم اسم مبنى
ممكن بعد يعطونكم حروف وأرقام مكتوبة بطريقة معينة وتقلدونهآ
ويعطونكم ترسمون غرفة أو صالة أو بيت وأشيآء جذي
هذي بشكل عآم الأسئلة اللي تجي كل سنة في الامتحآن
بس في أشيآء تتغير
يعني امتحآنآ السنة بنظري كان حده أصعب من امتحآنآت السنوآت اللي قبل
طبعاً الرسم بيكون فري هآند بدون أي أدوآآت
حتى لو قآلوا لكم جيبوا مسطرة ما بيخلونكم تستخدمونهآ
الانجليزي أبداً ما بيكون مشكلة في الامتحآن بس مهم تعرف مصطلحآت أساسية
يعني أسامي الأشكال ، أسامي الزوايا ، وأي كلمآت متعلقة بالرسم
مبدئياً حاول/ي تطلع على صور مباني وترسمهآ
وتتعلم ترسم كذا جهة للمبنى وللغرف ( plan - elevation )
وأهم شي يشتغل خيآآل المخ عشآن تبتكر تصميمآت تقنعهم
الامتحآن مو صعب بس يبي ليه مخ شغآل ويد خفيفة في الرسم وحآآول مآ تخلي سؤآل فآضي

مسآمحة عالإطآلة
بالتوفيق

 

[الانسحاب الهادئ]

ثانكس أسعد حزين

​

ماقصرت والله

​

 

[نبأ النور]

حاولي تتدربين تطبعين من الكمبيوتر أي كلمات أو أرقام بخطوط مختلفه
و قلديها
بعد بجيبون سؤال ترسمين فري هاند أي مبنى مشهور في البحرين .. أو حتى خارج البحرين
ف تدربي عليهم من ألحين
حاولي تتدربين تكونين شوي سريعه في الرسم .. لأن وقت الامتحان أتذكر كان كلش ضيّق
تعودي تخفين أيدش
و بس ..
كلش مايخوف .. بالتوفيق

 

[الانسحاب الهادئ]

ثانكيووو ..نبأالنور