*~ مواقفنا المدرسية ~*

[PeaCe RoSe]

ههههههههههه
صدق طلع كل الشعب معاني ويا الايد الحمرا


احنا مو بس في المدرسة عايشين هالرعب..حتى في البيت والماتم اكثر شي

عاد تصدقون للحين ما ادري ويش سالفتها

 

[نجمة تشرين]

عاد تصدقون للحين ما ادري ويش سالفتها

اني الا فهمته و هذي اقوال خواتي يعني
ان جت فترة لصقوا على الحمامات عزكم الله ستيكرات ايد حمرة
و هي حمله كانت للقضاء على الجراثييم و من هذي الشغلات
و عقب تمت الاستكرات و اندثرت القصة الاصلييه و تم استبدالها باليد الحمراء ستأكلكم

 

[أمواج]

حتى مدرستنا كانت فيها سالفة الايد الحمرا في ابتدائي
كنت اتخيل و اخاف
بس بعدين معلمة الدين الله يحفظها قالت لينا هالسالفة من سنييييييييين كل يقولونها و مو صدق

 

[القمر المضيء]

ههههههه كلكم عندكم ايد حمرآ حسبالي بس مدرستنا ​

 

[زهرة الأيام]

نفس موقفي وي الورقة بس اني عاقبوني
طلعتين خطيرة بعد ​

 

[f.a.t.i.m.a]

مرة في توجيهي .. كان يايتنا معلمه احتياط وشكلها يديده بعد ومتمللين قلنا بنطلع
كنا راجعين من حصة بدن والصف كله دخل ظلوا 2 برى وانه قلت بروح اشتري ماي والثاله شردت ورايه والمعلمه ماتدري
كان شتى ! وكلنا بالصدفه لابسين جاكيتات صفران .. مو من عوايدنا بس قلنا اخر سنة

نزلنا تحت الا صف توجيهي بعد بنات متسربين ومعروف عنهم شياطين هم .. رحنا الكافتيريا وشرينا ايسكريم بو الذهب
قعدنا نتمشى واحنا ناكل .. ماجفنا الا البنات الا جفناهم مساعه يتراكضون .. لفينا الا المديرة المساعده تفتر وجافتنا
وحده منا فلتت ايسكريمها تحت الدري وشالت عليه راحت الصف ولا جنها مسوية شي وفصخت الجاكيت اهم شي دليل له
واحنا ودونا للمديرة ! وقعدت تهر وتمر واظافركم ومن هالحجي واحنا صرنا 3 .. وبس عقب مني مناك مشتنا عقب ما سجلت اسامينا
المهم ركبنا فوق الصف ونادو المعلمه .. يوم رجعت صفقت الباب وقامت تصارخ ان حطيناها في مشكله وبيسون تقرير مادري ويش لانها يديده وعرفتنا بس احنا الـ 3 من الجاكيت
وردوا نادونا ودونا حق رئيسة القسم كانت في غرفة معلمات التجر .. واحنا للحين 3 الرابعه غدرت فينا
اول مادخلنا .. وحده من ربعي جافتها معلمتنا مال الاكاونت ونادتها وذيك سييده ركضت ليها كأنها مو ويانا في الجريمة !! وانغدرنا للمرة الثانية
هناك كانت مديرة المساعده بعد وظلينا 2 انه وصديقتي و صديقتي قعدت تصييييح تقول ليها استااذه والله والله بس شرينا ايسكريم وجبس بسس والله <<<< واحنا ماشرينا جبس !!
اقول في خاطري " ويش ؟! جبس ! طالعتها اقول ليها سكتي لا تصيحين " خفت اقول بعد ما شرينا جبس وبفكرون كل وحده تفتي وحزتها مادري شسوي اضحك لو اصيح .. وهذيك الا منخشة ورى المعلمه كأنها ماليها ذنب تضحك بروحها
وبس عقب رجعنا وهالموقف من جم سنة الحين ليين اليوم نذكره ونضحك كأنه توه امس صاير

 

[نجمة تشرين]

اتذكرت موقف
ههههه و يمكن هو اجرأ موقف سويته في حياتي المدرسيه كلها


في توجيهي الكورس الاول كانوا يعطونه انج 105 ابو بس رايتنغ
المهم و كان صفنا صندقه

عاد المعلمة الا كانت تدرسنا مصريه و لا تعرف شي و حالتها حاله و احنا كنا بايعين و مخلصيين لان اخر انج ناخذه و مو طايقينها المهم
على اخر الكورس
صدقت روحها الا تبي تشرح لينا
برة الصندقه

تخيلوا الجو يلوع الجبد و هناك كله نمل و اني اذا اشوف سرب نمل خلاص ما استحمل اموت من الخوف و القشعريرة

المهم قعدنا على مثل السور اللي يصبغونه اسود في المدارس
و هي طلعت كرسيها
و كانت تقرا خرابيط من لكتاب
و كلما قلنا ليها نمل يا بنت الحلال ابدا ما تفتكر
المحل وصخ غبار ما ميش
وش صار

استملينا و هي عيونها في لكتاب و تهر بروحها
قاموا بنات الصف كل مرة مجموعه ينسحبون و يدشون الصف
و اني كنت من الدفعات الاولى بعد...ما ادري شلون تجرأت بس النمل كان مسبب ازمه
و قمنا كامل
دشينا و تمت بروحها

و خيرتها استسلمت و دشت الصف
و ما شرحت بعد ضربت بوز علينا

 

[بلوس]

اتذكرت موقف
ههههه و يمكن هو اجرأ موقف سويته في حياتي المدرسيه كلها


في توجيهي الكورس الاول كانوا يعطونه انج 105 ابو بس رايتنغ
المهم و كان صفنا صندقه

عاد المعلمة الا كانت تدرسنا مصريه و لا تعرف شي و حالتها حاله و احنا كنا بايعين و مخلصيين لان اخر انج ناخذه و مو طايقينها المهم
على اخر الكورس
صدقت روحها الا تبي تشرح لينا
برة الصندقه

تخيلوا الجو يلوع الجبد و هناك كله نمل و اني اذا اشوف سرب نمل خلاص ما استحمل اموت من الخوف و القشعريرة

المهم قعدنا على مثل السور اللي يصبغونه اسود في المدارس
و هي طلعت كرسيها
و كانت تقرا خرابيط من لكتاب
و كلما قلنا ليها نمل يا بنت الحلال ابدا ما تفتكر
المحل وصخ غبار ما ميش
وش صار

استملينا و هي عيونها في لكتاب و تهر بروحها
قاموا بنات الصف كل مرة مجموعه ينسحبون و يدشون الصف
و اني كنت من الدفعات الاولى بعد...ما ادري شلون تجرأت بس النمل كان مسبب ازمه
و قمنا كامل
دشينا و تمت بروحها

و خيرتها استسلمت و دشت الصف
و ما شرحت بعد ضربت بوز علينا

ههههههههههههههه عجيب الموقف ..

بخصوص هالانج درسته في اول ثانوي واحلى انج درسته الانه مافي ريندنغ ( عقده )

 

[f.a.t.i.m.a]

احنا مدرستنا برييئة .. مافيها حركات مني مناك .. واذا في من تحت لي تحت
ومن زهقتنا
مرة بتصير مباراه بين مدرستنا ومدرسة خوله .. وفي صالتنا الرياضيه
ثلاث ارباع الصف نزل يطالع يتمنظر البويات الا يايين من مدرسة خوله
عبارتاً محرومين المدرسة مافيها يبون يحوفون اشكالهم ع الطبييعه
وقعدنا نطالع ونشجع هههههههههههههههههه