حسين وسَارة

[قمَر]

قصيدة المعلمہ سارة الكويتيـۃ
في احدى مدارس الكويت
يوم شافت حبيبھا جاي يسجل بنتہ :

بَ أول دوام المدرسہ يوم الاثنين
معلمہ في وجہ باب الادارھ

وقفت بَ اللجنہ على سادس أثنين
مثل المجند ينتظر للأشارھ

هذي تنادي .. و هذي أبلہ أنا وين
زحمہ و تو اليوم بَ أول نھارھ

أصوّت لـ ثنتين ، و بيدي ثنتين
نورھ مضاوي عايشہ مي يارھ

و سمعت صوتن رجع القلب لسنين
صوت الذي أسمہ بَ نقش السوارھ

أختي بعد أذنج ناقل البنت هالحين
تـفضلـي الاوراق ، و الاستمارھ

عجزت لا أجاوب ولا أرمش العين
طول سكوتي و هو طال أنتظارھ

حسيت أن الدم مثل البراكين
شريان قلبي وصل حد أنفجارھ

و رفعت راسي و صارت العين بَ العين
و لمحت في عينہ سواة الشرارھ

هو هو ، و إلا واهمّہ يّ مسلمين
زولہ و رفعة حاجبہ مع سمارھ

لا ما تغيّر فيہ . . يّ كود شيين
خف الشنب و الشيب زاد بَ وقارھ

أتلى علاقتنا ثلاثہ و تسعين
بَ أول حلاة العمر قبل أنكسارھ

الشاهد اللہ ما حصل بيننا شين
ولا يخدش أحساس بنت و عذارھ

نعم الحبيب الليّن الطيّب الزيّن
و نعم الرفيق اللي حفظ حق جارھ

يّ وجہ أبوي هالوجہ مرحب و سھلين
لا يّ بعد روح و معاليق سارھ

ودي اللمہ و ودي أصيح بس وين
مثل الكسير اللي نشب وسط غارھ

ما يستطيع المشي من دون رجلين
و حولہ جنودن تشتھر بَ الشطارھ

يّ للأسف هالحين صرنا غريبين
حكم القدر و أصدر علينا قرارھ

الھم و الغربال و الفقد و البين
و أنا أسيرھ تنتظر للزيارھ

ويلي على لاماک ويلاھ يّ حسين
يا من يجمعنا و أسوق البشارھ

سارھ و سكت لہ لحظہ كنھا سنين
واقفاً و أشوفہ يوم شب الزقارھ


هذا رد حسين على قصيده معشوقته القديمه ساره

يا مرحبا يا غايتي يا هــلاوين
يا بنت عودن فيه طيب ونعاره

لا يا بعد كل البنات المزايين
يا فرحة المظلوم يوم انتصاره

من يوم ما غبتي وانا ماني بزين
ضايق واحس القلب طال انتظاره

دايم على بالي وانتي تمرين
واقول يفدوها جميع العذاره

لو الليالي ترجع لعشرة اسنين
ما كان شفتي الشيب زاد بوقاره

لا ما نسيتك من ثلاثة وتسعين
وشلون ابنسى حب واضح مساره

تدرين شاللي هزني يوم الأثنين
واللي ذبح قلبي بأول نهاره

زولك لمحته يوم كنتي تمشين
بين الصفوف اقبال باب الأداره

وفز الخفوق وقلت يا ربي تعين
هي هي ولا هي شبيهه لساره

جيتك وقلت ابنقل البنت هالحين
تفضلي الأوراق والأستماره

طول سكاتك والبلا العين بالعين
ضقت واحس بضغط مدري حراره

وخانتني الدمعه وطاحت من العين
كني طفل يبكي مضيع دياره

بحط بنتي عندك بسادس اثنين
عشان اكثر جيتي بالزياره

واليا دخلت الصف لازم تخشين
اسمي لانه مسجلن بالسواره

وامانتك انك عليها تخافين
لحدن يضايقها بأيت عباره

بصارحك في شي يمكن تحسين
ان الزمن اقفى علينا قطاره

انا سمعت ان اكبر عيالك حسين
وانتي اكيد انك سمعتي بساره

^ مع انهم ما يستحون :mellow:
عرسوا وبعدهم يغازلون بعض :sly:
بس عجبتني الكلمات وكذا ​

 

[я є ι α x є]

بِ صرآحة جداً خطيرة ، عجبتني الكلمآت رغمَ تأثيرَ الحرفَ وموجة الحزنَ
سلمتِ يّ قمرَ

 

[وردة البحر]

رووووعه

 

[قمَر]

​

 

[فاطمه السيد]

روووووووعه .. صح الله لسان شاعرها .. ويعطيج العافيه

 

[نغمة الحياة]

رائـــــع

 

[عين الحق]

جميللللللة......من كثر ما القصيدة جميلة ومفصلة تخيلتهم الاثنين

 

[عآفك الخآطر]

حركااات
يسلمووو

حسين موجود بس وين ساره

 

[أمواج]

^ مع انهم ما يستحون
عرسوا وبعدهم يغازلون بعض
بس عجبتني الكلمات وكذا

+1

 

[قمَر]

حركااات
يسلمووو

حسين موجود بس وين ساره

شكلها للحين صغيرة
لين كبرت بنخبرك

^ هههههههه ​

 

[نبض الحرية]

الله يهديهم ..
خل اولادهم ياخذون بعض اذا يبون ههههه
بس رووعة القصيدة

 

[قمَر]

^ اشهد انه حل منتاز ​