موقع طلبة جامعة البحرين

يمكنك تصفح الموقع كزائر ولكن ندعوك لتسجيل عضوية خاصة بك لتحصل على كافة الصلاحيات مثل تنزيل ملفات المكتبة وقراءة تعليقات هيئة التدريس وغيرها. يمكنك الحصول على عضوية مجانية بالضغط على زر تسجيل. إذا قمت بالتسجيل مسبقا فيمكنك الضغط على زر دخول.

تسجيل دخول
  • قسم المكتبة الجامعية مغلق مؤقتا بعد الاستهداف التي تعرضت له بعض خدمات أمازون في البحرين، جاري استرجاع الملفات ونقلها إلى سيرفرات جديدة وسيتم بعدها اعادة افتتاح المكتبة

احتاج مشورتكم .. درست الثانوية بالعربية والجامعة بالانجليزية

ABBUD

New Member
تاريخ التسجيل
9 أكتوبر 2012
المشاركات
4
المجموعة
ذكر
الدفعة الدراسية
2012
الكلية
كلية تقنية المعلومات
التخصص
علوم حاسوب
السلام عليكم ورحمة الله وبركاته ..
الموضوع ومافيه ومن الاخر انا درست ككل الثانوية العامة بالسعودية ومافي اي شيء بالانجليزي حتى اكس وواي مافي عندنا سين وصاد والحين صار لي 4 اسابيع اكتب ويا الدكتور الهندي عشتاق خان ( مع احترامي له ) ولا فاااااهم شيء والله الي يقدر يساعدني بأي شيء اكون شاكر له والله مع العلم بكره عندنا كوز وبسلم الورقة فاضيه لان مادري بشيء غير العنوان والتاريخ واليوم
:RpS_crying:
واذا محد يقدر يساعدني عطوني اي حل وبسرعه الله يخليكم يعني يصير انسحب بدرجة دبليو ولا اااااايييي شيء المهم اتخلص من الريض لان تخصصي سي اس واذا مافي فائدة نهائياً والله افكر اطلع من الجامعة ولا اغير تخصص :RpS_crying:

وتقبلوا خالص ودي وتقديري
:ul1:
 
الدكتور درسني أول كورس وانسحبت من المادة، هو بشكل عام سيء وسريع بالشرح
بإمكانك تنتظر إلى Test 1 وتشوف درجتك، إذا كانت نازلة انسحب من المقرر ونزله الكورس اللي بعده عند دكتور أفضل وراح تحس بالفرق
أو تقدر تنسحب من المقرر هالفترة وتركز على باقي المواد بشكل أكبر.
 
يعطيك الف مليون عافيه اخي الغالي خلاص ان شاء الله خير
بس الانسحاب شلون يعني اقدر انحسب واكون ناجح ولا كيف ؟
 
تنسحب بدرجة W، ما راح تأثر على المعدل.. بس تروح التسجيل وتطلب منهم ورقة انسحاب بدرجة W
تعبي البيانات وتروح تاخذ توقيع الدكتور + توقيع رئيس القسم الخاص بالمقرر + توقيع رئيس القسم الخاص بتخصصك + توقيع الـAdvisor مالك
ولو عندك بعثة أو منحة اعتقد لازم تراجع الجهة المعنية للتوقيع
تالي ترجعها التسجيل، طبعاً بيكون فيه أكثر من نسخة للورقة، بعد ما يختمونها بالتسجيل راح ياخذون الورقة وباقي النسخ مطلوب منك تسلمها ما اتذكر لمن بالضبط لكن نسخة منها للـAdvisor

كل شي راح يكون مكتوب بالورقة، وإذا عندك استفسار عن اي اجراء بإمكانك تسأل الموظف اللي بالتسجيل لما بتاخذ الورقة
 
السلام عليكم ورحمة الله وبركاته ..
الموضوع ومافيه ومن الاخر انا درست ككل الثانوية العامة بالسعودية ومافي اي شيء بالانجليزي حتى اكس وواي مافي عندنا سين وصاد والحين صار لي 4 اسابيع اكتب ويا الدكتور الهندي عشتاق خان ( مع احترامي له ) ولا فاااااهم شيء والله الي يقدر يساعدني بأي شيء اكون شاكر له والله مع العلم بكره عندنا كوز وبسلم الورقة فاضيه لان مادري بشيء غير العنوان والتاريخ واليوم
:RpS_crying:
واذا محد يقدر يساعدني عطوني اي حل وبسرعه الله يخليكم يعني يصير انسحب بدرجة دبليو ولا اااااايييي شيء المهم اتخلص من الريض لان تخصصي سي اس واذا مافي فائدة نهائياً والله افكر اطلع من الجامعة ولا اغير تخصص :RpS_crying:

وتقبلوا خالص ودي وتقديري
:ul1:

الرياضيات من ضمن المواد القليلة اللي تغيّر اللغة فيها ما يؤدي إلى تغير مستوى المادة بأكملها
انا كنت في الثانوية دفعة 2002 ووقتها كان كلشي بالعربي، حتى الرياضيات والفيزياء ماكان عندنا ولا رمز انجليزي (المحور س / المحور ص / "شك" >> الشحنة الكهربية / "مج" >> المجال الكهربائي / لو 10 + لو 20 = س-ع "لو = لوغارتم" / الساين والكوساين والتان علمونا اياهم بأسماء عربية وهي "جا، جتا، ظا، ظتا، قا، قتا" / وغيرها.....)

ومع هذا لما دخلنا الجامعة ماحسيت بفرق كبير في منهج الرياضيات والفيزياء تحديدا، لما يعطيك الدكتور الدرس حاول تستذكر في الثانوي شنو كنتون تسمونها؟ ارجع للدرس من الثانوي ولما تربط بينهم راح تفهم الدرس بشكل أفضل لأن انته تملك الأساسيات وما يحتاج تبني معلومات جديدة وانما تربط بين المعلومات العربية القديمة والانجليزية اللي تاخذها في الجامعة.

واذا كان الدكتور ما تفهم ليه حاول تحضر مع دكتور ثاني يخلط بين العربي والانجليزي، مثلا الدكتورة ماجدة أو الدكتور محمود آل عباس يراعون الطلبة واجد في هالنقطة خصوصا طلبة السنة الأولى.

بالتوفيق عزيزي
 
ترا اغلب المواد بالأنكليزي ، وعلى حسب ما فهمته انك اتعاني من اللغة الأنكليزيه
لازم اتكثف الدروس في المادة الأنكليزيه
وتقدر بعد إذا اخذت الدرس ، ترجع واترجم الدرس بالعربي وتحفظ الأساسيات بالأنكليزي جان تقدر تفهم الأسئلة في الأمتحانات
واحضر بعد لسينر عند دكتور عدل إذا اتشوف هالدكتور سيء في الشرح
 
ترا اغلب المواد بالأنكليزي ، وعلى حسب ما فهمته انك اتعاني من اللغة الأنكليزيه
لازم اتكثف الدروس في المادة الأنكليزيه
وتقدر بعد إذا اخذت الدرس ، ترجع واترجم الدرس بالعربي وتحفظ الأساسيات بالأنكليزي جان تقدر تفهم الأسئلة في الأمتحانات
واحضر بعد لسينر عند دكتور عدل إذا اتشوف هالدكتور سيء في الشرح
 
افضلل شيء تببدل التخــصصص بعد

احسسسه صعب عليك:shiny: من كلاممك يعنننني لان تخـصصك صج يبيــلة .. =)

ببس بالتـــؤوفييق
 
وعليكم السلام

بتبدل لأي تخصص ؟ كل التخصصات فيها انكليزي ماعدا اللغة العربية ويمكن التاريخ والاسلاميات بعد !
احضر مع دكتور ثاني يدرس نفس المقرر وان شاء الله يسهل عليك ولا تضظر للإنسحاب أو تغيير التخصص
 
تخصصك واجد صعب أنصحك تدور تخصص أسهل اني اشوف مال الآي تي واجد يعانون وكله يحفظون سلايدات :RpS_unsure:
 
مثلك درست بالعربي ولما رحت الجامعة اوصل فصل تخربطت . بس مع الممارسة صار لما اواجه سؤال بالعربي اكتبها بالانجليزي . الشغلة ممارسة وبس .
راح تتعود ولا تستعجل ، بس حاول تعود روحك على هذا التغير .

موفق
 
تخصصك واجد صعب أنصحك تدور تخصص أسهل اني اشوف مال الآي تي واجد يعانون وكله يحفظون سلايدات :RpS_unsure:
لا , حليو التخصص جنّه عسل :RpS_tongue:
بس التعب لابد منه في كل التخصصات , حتى في الابتدائي تشوفينهم في درس القسمة والضرب جذي :mellow: وعقب يمشون ,,
 
عودة
أعلى أسفل