ساعدوني .. أبي نصيحة طلاب العمارة والتصميم :'(

[Eng Eman]

السلام عليكم ..

فالبداية بعرفكم عن نفسي .. انا ايمان طالبة من دفعة 2012 تخصصي تصميم داخلي بس للحين في الكورس الاول تمهيدي ..
.. انا احب التصميم الداخلي و كان حلم حياتي ادرسه لانه عندي نوعع من الموهبة في الرسم واحس التخصص وايد يناسبني .. انا كنت تجاري وتخرجت بالثمنيات التصميم كان رغبتي الاولى وقبولني و قدمت الامتحان ونجحت الحمدلله . بس شنو المشكلة اللكل يقوولي ممكن يكون عليج صعب لانج كنتي تجاري .. بس انا مقتنعة انه قد ادرسه و انجح فيه وبعدين مافي شي سهل كل شي يبيله دراسة قامو يقولون لي تخصصج ماله مستقبل :tears: !!
والكل يقنعني انه احول حق هندسة معمارية و انا حدي متوقهة نصحووني
وشكرا لكم مقدما .. واسفة اذا طولت عليكم

 

[غلا القلب]

شوفي انتي رغبتج خيه انا كنت نفسك باول كنت فيزياء طبيه وانا ما احبها و حولت هندسة مدنية و الحمدالله حبيت التخصص و واصله و ما في سهل بدنيا كلشي صعب الجامعه يبلها مجهود مضاعف غير عن المدرسة اتمنى افدتج و بالتوفيق خيه

 

[Eng Eman]

اهاا اختي ..
المشكلة انه هالتخصصين قريبن من بعض من حيث المواد و الدكتارة وحتى الادوات المطلوبة وانا اعرف انه العمارة والتصميم اهما اكثر تخصصين مكلفين في الجامعة ..

 

[alialmulla]

ما في شي اسمه صعب
يعني حتى لو بيجيش اي شي مال العلمي المفترض يشرحونه لش من البداية كأنش أول مرة تدرسينه
أنا طالب معمارية و جاي من علمي و بصراحة ما استفدت من شي في العلمي غير التفاضل و التكامل للماث
أما الباقي من الثانوي ما استفدت منه أو بالأحرى ما درسونه وياه عدل عشان نفهمه و نستفيد منه
و هذي قاعدة دائما الشي الي يرغب فيه الواحد ينجح فيه ..
بالتوفيق ​

 

[الحارث]

أمـ..
من خلال خبرتنا المتواضعة في الجامعة، و كوني من محبي تخصص الديكور الداخلي أشوف إنه من حظج إنه إنتي مسجله بهاي التخصص لأنه ناس واجد يحلمون فيه، بصراحة تخصص روعه و كله ذوق و أعمال يدويه و بالكمبيوتر وقليل رايتنق، ولكن بالنسبة لسوق العمل الكلام الي وصلك عاري عن الصحة .. حاليا وخصوصا في البحرين على قولتنا "ضرب الكف" على هالتخصص بالنسبة لسوق العمل .. ونصيحتي إنج تسمعين كلام الي يهرون عليج من أذن اليمين و دايركت تطلعينه من الأذن الشمال ..

و إنشاء الله نشوفج من أفضل المصممات على مستوى العالم ..

 

[architecture]

التصميم الداخلي اختصاص راقي مثل المعماري هو مكمل للمعماري ولاتخافين الرزق بيد الله

 

[المشاكس الحبوب]

التصميم الداخلي ممتاز

بس المعماري واجد افضل واقوى والطلب عليه بالهبل

وحاليا من خبير في سوق العمل ان افضل تخصص مطلوب بالسوق هو المعماري

عاد بشرط يكون معماري متميز وفنان وعنده خيال واسع

وبماانهم متقاربين على قولتكم

فالافضل الصراحة تتوجهين للمعماري

لان حسب اللي سمعته بس مومتاكد ان التصميم الداخلي مومعترف فيه بس ماادري هل هذا الكلام صح اولا ماادري

يمكن يطلع بعد هرار

بس انا حبيت اقول اللي اعرفه من واقع خبرتي البسيطة ان

المعماري هو سيد الهندسات في هذه الفترة

 

[ma.2115]

انا طالبه معماري و متخرجه من تجاري بس بتفوق دفعه 2012 يعني من قلب الحدث مثل مايقولون
بتحسين بصعوبه في الكالكولس شوي في البدايه بس يعني في تست 1 درجتج نازله عقب بترتفعين و بتمشين عادي
الدكاتره يشرحون من الصفر (الأغلب ) مافي شي يعتمد على انج تجاري او علمي الا المواد العلميه البحته
اما عن مواد التخصص فالمستوى واحد
بخصوص اذا انتيرير او ارجتكتر
التصميم الداخلي 4 سنوات و المعماري 5 بس اذا انتي حابه الشي عادي
ضغط في كلا التخصصين
اما عن سوق العمل ماعندي خبره عنه بس انه متحيزه للمعماري لان في بالي هندسه يعني هندسه معماريه وبس

موفقه ...

 

[A Challenger]

بالعكس التصميم الداخلي طلبة التجاري يقدرون يمشون فيه لان مافي شي من الفزكس و هلطخة المعماري فيه !

 

[Elshymaa]

التصميم الداخلي رائع وفيه ابداع واحساس بالفراغ وحسن التقسيم الفراغ لمتطلبات المعيشه

 

[Elshymaa]

السلام عليكم ..

فالبداية بعرفكم عن نفسي .. انا ايمان طالبة من دفعة 2012 تخصصي تصميم داخلي بس للحين في الكورس الاول تمهيدي ..
.. انا احب التصميم الداخلي و كان حلم حياتي ادرسه لانه عندي نوعع من الموهبة في الرسم واحس التخصص وايد يناسبني .. انا كنت تجاري وتخرجت بالثمنيات التصميم كان رغبتي الاولى وقبولني و قدمت الامتحان ونجحت الحمدلله . بس شنو المشكلة اللكل يقوولي ممكن يكون عليج صعب لانج كنتي تجاري .. بس انا مقتنعة انه قد ادرسه و انجح فيه وبعدين مافي شي سهل كل شي يبيله دراسة قامو يقولون لي تخصصج ماله مستقبل :tears: !!
والكل يقنعني انه احول حق هندسة معمارية و انا حدي متوقهة نصحووني
وشكرا لكم مقدما .. واسفة اذا طولت عليكم

العماره و التصميم الداخلي يحتاجون الى حس فني و مادام عندك هذا الاحساس وموهبه الرسم توكلي على الله واذا احتاجتي اي مساعده لا تترددي في مراسلتي
صفحتي على الفيس بوك (sketch) Engineering & art home