كتب ونوتات هندسه سنة اولى

[انثى ناعمه]

هلا ,,

شنو احتاج من كتب او نوتات لذي المواد ؟

الماث 101 , توفيق بوطينه
الفيزكس 101 , رضا بنائي
السي اس 103 , يعقوب عاشير
الانج 101 , . Hafeedh Ebrahim وغيروها لمارتن باركر

 

[عبقري]

أهليــن أختي ,,

الماث أنصحج تشترين الكتاب لأنج بتستفيدين منه في 101 و 102 و 103 ,, في الخطة مكتوب كل الدروس وشنو الأمثلة اللي ينصحونج تطالعينها و أرقام الأسئلة اللي تحلينهم .. إذا أنتي من النوع اللي يدرس من الكتاب اشتغلي عليهم على الاقل طالعي الأمثلة وحلي اللي تقدرين عليه من أسئلة التمارين ودكتورج أعتقد أسمه دكتور خالد توفيق بوطينة دكتور مو واجد أوكي بس مو سيء أنتبهي لشرحه واللي يكتبه على السبورة هم زين ,, بس لو تطالعين الكتاب وتحلين التمارين أول بأول أضمن لج الــA

الفيزكس 101 مادري عن الدكتور بس الكتاب ما اعتقد تحتاجينه و أساساً ما بتفهمين منه وااجد أنصحج جوفي طلبة خذوا المادة وخذي منهم نوتات وعلما اعتقد او مثل ما سمعت دكتور رضا زين ,, بس "نذل" مع اللي يحطهم براسه بس انا مو متأكد من هالكلام

السي اس مادة حلوة بس مادري ليش الناس ما يحبونها ,, بس ترى هذي المادة مثل السلسلة ان ضيعتي درس واحد أضمن لج تضيعين في المقرر كله .. دائماً أحضري وسجلي نوت أول بأول وحلي تمارين ولازم تفهمين ولا ترى بتضيعين .. بس بالنسبة لي كانت مادة ممتعة

الانج أخذي الكتاب وسوي اللي تقدرين عليه

هذي نبذة مختصرة يعني .. ولو أحتجتي أي شي قولي بس

بالتوفيــق لج أختي وللجميع ..