بخصوص المعهد البريطاني للغات ؟؟؟ ممكن مساعده

[غلا القلب]

مساء الخير ابي استفسر عن معهد بريطاني ابي اطور لغتي و استمر فيه المعهد بس ابي اعرف متى يبداء التسجيل و الدوام الرجاء الافاده ضروري ...اللي يعرف لا يبخل علينا و ياريت تقولولي و ين موقعهه بالضبط

 

[ولد القمر]

مساء النور^^

للتفاصيل -->
موقع المعهد:
http://www.britishlanguagecentre.co.uk/general.htm

المعهد يصير صوب مدرسة سار الثانوية

وهذي خريطة توضيحية
http://bara3m.vacau.com/image447284.png


​

 

[ifta92]

مساء النور
معهد البريطاني للغات معهد جميل ويساعد على تطوير اللغة

أوقات الدوام مفتوح من الصبح لساعة 10
والدورات عبارة عن شهرين
ورسوم الدفع بالبطاقة البنق أو الفيزا كارد
إلى إذا غيروه أحين

الدراسة لعمر 18 فما فوق تكون مساءً
من الساعة 7:30 لساعة 9:30 كما أذكر

وبقيت التفاصيل ذكرها أخي ولد القمر ​

 

[غلا القلب]

متى التسجيل بالدوره أي شهر يبداء و هل ممكن نستفيد و نطور اللغه بسرعه و الا بعد يبله فتره

 

[Al-Mosawi]

مساء الخير ابي استفسر عن معهد بريطاني ابي اطور لغتي و استمر فيه المعهد بس ابي اعرف متى يبداء التسجيل و الدوام الرجاء الافاده ضروري ...اللي يعرف لا يبخل علينا و ياريت تقولولي و ين موقعهه بالضبط

هلا اختي الدورة الجاية تبدي من تاريخ 17-6 على ما أظن ..
فسجلي من الحين لين تبين
بس بتكون يومياً ولمدة 3 أسابيع .. حق تكمل قبل رمضان .. ورمضان اجازة
و الدوام الحين من 7:50 إلى 9:50
و اذا ع تطوير اللغة بتتطورين هم يركزون ع القرامر واجد ..
بس يبي لش وقت شوية لان الدروس بطيئة تكون حق تتركز الاساسيات

 

[غلا القلب]

يصير اسمتر بعد لمده 6 شهور او سنه كامله ؟

 

[غلا القلب]

في بعد رمضان ؟ الدوام 17 -6 يعني و يخلص قبل رمضان انزين في دوره عقب ابي استفسر مو هاي مال البرتش كونتس نفسه مو

 

[غلا القلب]

هو نفسه البرتش كونتس و الا غير اللي صوب المنامه

 

[Al-Mosawi]

هو نفسه البرتش كونتس و الا غير اللي صوب المنامه

لا اختي دا غير عنه دا صاير فالجنبية صوب مدرسة سار وماليه ارتباط فيه ومو تبعه
و فيه دورة غير دي بس عقب رمضان بعد بس ما قالو لينا التاريخ ..
بس لين تبين تسجلين لعقب رمضان روحي من قبل رمضان سجلي حق الامتحان والمقابلة
و عقب بيطرشون لش تاريخ الدوام

 

[المرمريت]

طيب انا بعد ابي اسجل بالمعهد
اروح لهم شخصيا للتسجيل او اتصل لهم او شلووون افيدوني
ومتى بيتصلوا عشان اختبار ومقابلة

 

[qassoomy]

طيب انا بعد ابي اسجل بالمعهد
اروح لهم شخصيا للتسجيل او اتصل لهم او شلووون افيدوني
ومتى بيتصلوا عشان اختبار ومقابلة

انا درست عندهم كورسين و استفدت واجد
هناك معهدين مختلفين الاول اسمة
British Council
و الثاني
British Language Centre

انا درست في الثاني
نرجع للفروق اللي بينهم الاول نظامة قديم جدا و يهتم فقط من ناحية الــreading و الــwriting
اما الثاني نظام حديث و يشمل جميع القواعد من الــ reading و الــwriting و الــlistening و الــspeaking
و في المعهد يشجع الطلبة علي المحادثة باللغة الانجليزية انا كنت مستصعب هالشي لانة ما اعرف اتكلم من الاساس
بس خلال كورسين قدرت اتكلم انجليزي و آخذ و اعطي ويا الاستاذ اللي هناك

بس للاسف اهملت اللغة و طارت اذا رحتوا و درستوا حاولوا تحافظون عليها

بالنسبة لسوال الاخت تروحين لهم شخصيا و تسجلين
و للامتحان و المقابلة يتصلون
انا كنت متوتر من المقابلة عالاخص في الانج بس كان كلش عادي و طلعت و انا اضحك بعد

و بالتوفيق للجميع

 

[المرمريت]

تمام مشكور عزيزي على الاجابة ان شاءالله الاسبوع هذا اروح اسجل واني كنت اقصد الي انت درست فيه شكرا جزيلا