عندما تخنقك العبـرة وين تروح / تروحين ؟!

اقوم تارة و اكبو تارة اخرى على وجهي و لا احد لا احد الا الله ابث له شكواي و مناجاتي فلا يوجد عندي احد غير الله ابث له ما قد ألم بي
 
عن نفسي اخر شي افكر فيه اني اصيح
اكابر عباره :bleh:
ما احب اصيح واضعف
بدل لا اضيع وقتي اصيح اقعد افكر شلون احل المشكله
تخنقني العبره اي بس ما تنزل دمعتي واذا نزلت فـ هي غصب عني
ماعندي غير حجرتي
اقعد افكر افكر ويظل الموضوع شاغل بالي لما احصل له حل
يمكن البكاء يفيد احياناً وألجأ اليه في حال لو إنّي انظلمت
بس ما اخليه يأثر عليي وانشغل فيه بدون ما اخذ حقي


احمد لله على وجود ناس في حياتي يخففون عني ، اوثق فيهم واعتمد عليهم
هذا الشي اللي يهون عليي كثير من المشاكل :smile2:
 
أنت ...


1/ أين تذهب عندما تخنقك العبرة وتبكي ؟
في حجرتي ع سريري ووجهي في المخده عشان محد يسمع :no:


2/ ماهو شعورك بعد البكاء ؟
كلما اصيح بعد ابي اصيح اذا شي يستاهل اكمل صياح لين م اتعب وانام عقب اقعد مريضه لما شي م يستاهل اتصل الى اي احد واقعد اسولف واضحك وانسى



3/ هل تشعر بالراحه لانك نفست عن اللي بصدرك ؟ أم بالجبن والعجز لانك بكيت ؟
اي اكيد اشعر بالراحه واذا فيني صيحه بعد عادي اكملها
:99:

تحياتي / نسمـة عبير

[/QUOTE]
 
*

ما تطيح الدمعة إلا إذا في شيء يستاهل أن اصيح على شانه
ويا أروح الحمام أسبح
أو البحر أطالعه وانسى روحي ساعة لو ساعتين

أكيد راحة ..

.
.
 
اضافة لي::

البحر
الهدوء
الهوا الطلق مع كوب كوفي احيانا او شاي // عايشة الجو
اتصال باحد الاقارب
النظر الى وجه امي - ابي
احتضان جدتي
البكاء
سماع القران الكريم
النظر الى صور جدي الله يرحمه

كلها اشياء تريحني
 
يعني البنات كلهم يحضنون الدبدوب انزين بسم الله نبدي / 1/ أين تذهب عندما تخنقك العبرة وتبكي ؟
اشغل الشفر اطلع افتر في الشوارع مت ديرة لديرة واقعد اسب الي يطلعون علي والسواق المزعجين غالبا اروح الساحل احدق وادا دقت علي اقحص بالموتر

2/ ماهو شعورك بعد البكاء ؟
غالباً ما أبكي على الأمور الدنيوية مابكي الا في مصاب أهل البيت او عند فقد حبيب و والشعور هو الرضى بالقضاء والقدر ..


3/ هل تشعر بالراحه لانك نفست عن اللي بصدرك ؟ أم بالجبن والعجز لانك بكيت ؟ اشعر بالراحة لان البكاء يفرغ الهموم بالنسبة لي وكاني افتح صفحة جديدة من بعده
 

يختلف من موقف لموقف

بعض الأحيان يكون خوف وندم من الله
وبعضها تكون ضيقة ضغوط الحياة ومشاكلها

أبسط مثال عن الخوف والندم
اذا كنا في مكان عام دعاء أو قراءة أو قرأن
كثير من الاحيان مانقدر نسيطر على روحنا..!

وأبسط مثال عن ضغوط الحياة ومشاكلها والضيقة...!
صار لي موقف وكنت بالجامعة .. رفيقتي تدري عنه
تقول لي أنتين أوكي .. أرد عليها بثقة أكيد .. تعرفيني قوية
بس مرة كنا نتكلم وبرا واقفين .. رفعت النظارة بس صحت

آحنا صح أقوياء بس نحتاج نفس عن اللي داخلنا
الصياح مو حل ولا ضعف .. مجرد نطلع أشياء محبوسة ومكبوته!

كما أدعي أني قوية ماأحب أحد يجوفني بهالموقف!
رغم أنه نبرت الصوت والملامح تفضح!

 
ما عندي مكان أروح ليه :rolleyes2:
أتغبن و ساعات تطيح دمعة عن خاطري بس بسرعة اغاور عشان لا أحد يشوف

أدش اسبح و أظل ساكتة

بس مارتاح أبداً ..و طول اليوم تفكير و لين يأست نمت
و ساعات ما أنام يجيني أرق
 
يعني ما تفرشون السجاده ولا تقرون قرآن و ادعيه و تصيحون لربكم الا حزة مصايبكم و لما تخنقكم العبره هههه

ما بجاوب على سؤال الموضوع بس بقول / عشان ما تخنقك العبره و تصيح واظب على صلاة الليل و شوف الفرق في حياتك

الله يجبر بدموعكم :RpS_tongue:
 
صباح البهجة والله يبعد عنكم كل ذرة حزن ودموع تطفئ روعة يومكم...

/ أين تذهب عندما
تخنقك العبرة وتبكي ؟
في أغلب الأحيان ألجأ للوحدة أثناء البكاء .. فأنا أكره أن يكون وجودي معكرا لأجواء السعادة أينما كنت حتى وسط أحبابي.. وألجأ كذلك للاستحمام والبكاء بصوت عال مع صوت الماء ..

2/ ماهو شعورك بعد البكاء ؟
راحة لا توصف ... كما لو أن صخرة قد انزاحت عن صدري.. ربما يعود السبب للتخلص من الشحنات السلبية المضرة.. لا أعلم


3/ هل تشعر بالراحه لانك نفست عن اللي بصدرك ؟ أم بالجبن والعجز لانك بكيت ؟
البكاء سلاح ذكي لا يتخذه غير المرء ذو القوة الحقيقة الكامنة في عقله وقلبه.. من يملك العقل والفكر لابد له أن يملك قلبا حقيقيا يفرح ويبكي ويعشق :smile2:

أسعد الله أيامكم دوما


 

1/ أين تذهب عندما تخنقك العبرة وتبكي ؟

حجرتي

2/ ماهو شعورك بعد البكاء ؟

اذكر ان الي صيحني شي عادي مايتسمى "مصيبة" والمفروض ما اصيح
بالاحرى احس ب "خجل" من خالقي
:99:
#وكم_لله_من_لطفٍ_خفيّ

3/ هل تشعر بالراحه لانك نفست عن اللي بصدرك ؟ أم بالجبن والعجز لانك بكيت ؟
اي اشعر بالراحه
:rolleyes2: .
 
بمناسبة الموضوع ..
أحياناً احس روحي مضايقة بدون سبب , وهالشي اعتقد مو بس يصيدني
وقرأت مره ان لين نحس بهالحالة نسبح 100 مرة بقول (بسم الله الرحمن الرحيم)
وفعلاً من احس بضيقه من غير سبب اواضب على التسبيح باسم الله الرحمن والرحيم
واحس براحة نفسية :smile2:

حبيت افيدكم عن تجربة :smile2:
 
1/ أين تذهب عندما تخنقك العبرة وتبكي ؟

الى الله


2/ ماهو شعورك بعد البكاء ؟

تفكير متشوش جدا + افكار مختلطه + احيانا ندم + نعاس

3/ هل تشعر بالراحه لانك نفست عن اللي بصدرك ؟ أم بالجبن والعجز لانك بكيت ؟

بالعجز



 
1/ أين تذهب عندما تخنقك العبرة وتبكي ؟
آهم شي آكون بروحي .. آلمكآن مو مهم وآجد ..

2/ ماهو شعورك بعد البكاء ؟
على حسب .. هو آرتآح , بس آحس بآلضعف ..


3/ هل تشعر بالراحه لانك نفست عن اللي بصدرك ؟ أم بالجبن والعجز لانك بكيت ؟

تقريبآ جآوببت فوق ..
هو أرتآح ..
بس آحس بآلعجزز آكثرر ..
م آحب آنغصب ع آن آحس ب شعور معين , حتى لو بعدين بيخليني أرتآح
م آعرف آششرح آلي ف بآلي :nosweat:

تحياتي / نسمـة عبير
..
 
أسمع قصيدة تستحق اسم القصيدة، أبكي :tears: أدعو أناجي، أنام. اهني أرتاح.
بعدها.. أدخل لعالم شخوص القصة وابتلش بمشاكلهم وأمشكلهم، وأضيعهم وأحيرهم، أوصل ذروة الأحداث، أتعبني أتعب أبطالي وقرائي. #أكتب ، اهني أتعب، تعب لذيذ :99:.
معليش تحمست في الإجابة :rolleyes2::blush-anim-cl::whistling: #مش_نفسية :RpS_lol:
 
عن نفسي
احزن بس اكتم في قلبي مره
تنين ثلاث عشر وبعدين تطيح الدمعه
لما تطيح الدمعه اروح اقفل ع روحي الباب
يزعم بنام وابند اليت وابكي اذا خلصت
امسح دموعي ابتسم و بعدين ارجع عند اهلي
 
للاسف انا ما اصيح ولا تطيح دموعي الا اذا اشوف موقف مهول قدامي .. مثلا ام تودع ولدها

بس اذا تخنقني العبرة مثل اي انسان اقعد بروحي في مكان واشغل عزا او موسيقى واقعد افكر طول الوقت في اللي صار ولو صار غيره ولو ماصار

انا شخصيا احسد حواء على انهي بسرعة تقدر تطلع القهر بالدموع عكسنا اللي نكتم على صدورنا لين ما ننبط
 
1/ أين تذهب عندما تخنقك العبرة وتبكي ؟
اقعد في مكاني أفكر في شي حلو او احبه ,, او اكلم صديقي

2/ ماهو شعورك بعد البكاء ؟
فااااااضي . أحس روحي خالي من كل شي

3/ هل تشعر بالراحه لانك نفست عن اللي بصدرك ؟ أم بالجبن والعجز لانك بكيت ؟
اثنيناتهم ,, بس الاغلب احس بالعجز
 
عجبتني السـالفـة اقصد يعني وين تروح لما تحـزن ،،
بس احنـا البنـات ما يصير نطـلع في أي وقـت كـان ..
إلا بموافقـة الاهـل زعلنا أحنـا نروح حجرتنـا نصيح شوي
ونرد نرجع ع حالنـا الطبيعي كانـة ما صار شي والافضل واحد يصيح بروحـة
عشـان لا يشوفنك أحد من البيت و ينتشر الخبر ترى فلان يصيح ترى فلانه تصيح
ويجتمعون حولك عن نفسي غالبـا ً ما التزم بالصمت اذا أحد جرحنـي او غلط علي
بس مجـرد ما يمشون او يتركوني بروحي اصيح (( ما تجيني الصيحـة الا بعد ما تخلص السالفة بالساعات ))
:blushing:
نفس شيء وياي
 
عودة
أعلى أسفل