المقابلة الشخصية في جامعة البحرين

[hussain.f]

السلام عليكم

انا تاريخ 24 مقابلتي حق الالتحاق للجامعة ممكن تساعدوني شنو الاسئلة الي بيطرحه عليي الدكتور وهل بيكون بالانجيليزي او بالعربي ؟ وشكرا

 

[المهندس عبدالله]

السلام عليكم

انا تاريخ 24 مقابلتي حق الالتحاق للجامعة ممكن تساعدوني شنو الاسئلة الي بيطرحه عليي الدكتور وهل بيكون بالانجيليزي او بالعربي ؟ وشكرا

بالعربي...بجيك أسئلة نفس ويش اسم ولد عمي اله ما يزورني و ويش أكلتي المفضلة و بس دردشة ما منها فايدة

 

[Sara.s]

السلام عليكم

انا تاريخ 24 مقابلتي حق الالتحاق للجامعة ممكن تساعدوني شنو الاسئلة الي بيطرحه عليي الدكتور وهل بيكون بالانجيليزي او بالعربي ؟ وشكرا

بالعربي يسالونك بس مادكر شنو كانت الاسئله بس يعني اسئله عامه

دفعه 2014 اكيد يدكرون ان شاء الله يفيدونك بس هو يختلف من شخص للثاني الاسئله بس على نفس الطريقه

 

[مارد المصباح]

السلام عليكم

انا تاريخ 24 مقابلتي حق الالتحاق للجامعة ممكن تساعدوني شنو الاسئلة الي بيطرحه عليي الدكتور وهل بيكون بالانجيليزي او بالعربي ؟ وشكرا

وعليكم السلام والرحمة
الا فيك عزيزي

شوف هذا الموضوع وان شاء الله بتلاقي فيه اجابات اغلب اسئلتك
* مَوضوع لأسئِلَة مُقابلات القبول في الجامِعَة ..

وفي مواضيع غير مثبته في نفس القسم ممكن تفيدك بعد
​

 

[Prince.11]

الأسئلة تكون بالعربي ..
وتكون أسئلة عامه ..
ويمكن سؤال لو سؤالين ليش اخترت هالتخصص ..

لكنْ اذا التخصص تبعك في مقابله ..
اهني راح المقابلة تختلف ..
وراح تكون الأسئلة تخص التخصص أكثر ..

مثل طلبة كلية المعلمين - العلوم الصحية - ديكور او فنون - وبعض التخصصات الثانية ..

 

[hawraal]

الأسئلة اللي اتذكرها :

- شنو بتسوين إذا احد اساء للبحرين .

- من اللي فتح البحرين . ( أحمد الفاتح )

- إذا واجهتش مشكلة شلون بتتعاملين معاها .

و كأنه سألوني متى استقلت البحرين . (1971)

- و قالوا لي بيت شعر ما عرفت لمن .

- شنو هدفش في الحياة .

 

[Noise-X]

من الأسئلة اللي جتني:
- منو فاز في إنتخابات مصر :mellow: << كانت المقابلة عقب فوز مرسي بيوم
- أسم شاعر بحريني معاصر
- أسم شاعر بحريني قديم
- شلون تستخدم الأنترنت عشان تبحث << يزعم سؤال حق التخصص
- شلون تعزز القيم الوطنية في الاطفال

وفي بعد جم سؤال هرار

 

[royal-rose]

الاسئلة اللي اتذكر سألوني اياها ..
- شلون تدافعين عن البحرين اذا احد اساء لها ؟
- شنو مفهومج ل عبارة الولاء للوطن ؟
- من اللي ارسله الرسول (ص) الى البحرين حامل رسالة الاسلام ؟
- جم عدد لاعبين فريق كرة اليد ؟ ( هاي سؤال ضحكني و قلت رقم غلط )
- كنت حاطة الرغبة الاولى هندسة ف سألوني عنها و انا واقعًا م اعرف عنها ل ذاك الزود و جاوبت جي يعني بس ، الا المصري يسوي طبعًا اللي قاعد هناك دكتور ف الهندسة و طارت الجبهة ، حاججني بعد و قال اللي تقولينه مو صح ( يعني حاول تكون عندك معلومات وافية عن التخصص اللي تبيه )
- شنو نقاط الضعف و القوة عندج ؟
- وقت فراغج شلون تملينه ؟

ف اشيا وايد بعد بس م اتذكر ، كانت مقابلة طويلة
بس هرارية و م لها داعي

اييييي

قالو اسم منطقة ف البحرين و قالولي ف اي جهة تقع من البحرين ، م فهمت الاسم اول مرة اسمعه ، بس قلت ف الجنوب ​

 

[royal-rose]

قبل لا تدخل اسأل اللي دخلو قبلك عن الاسئلة ، يعني غالبًا اسئلة المعلومات العامة مثل الشي تصير​

 

[Msha3r Ensan]

انا مقابلتي 18
انزين
نحمل شي يوم المقابلة
أنا يوم التسجيل سلمتهم كلشي

 

[رَحِيــلْ ،]

انا مقابلتي 18
انزين
نحمل شي يوم المقابلة
أنا يوم التسجيل سلمتهم كلشي

ما تحمل شي على ما أعتقد.. اللهم إلا بطاقتك السكانية على ما أتذكر

 

[رَحِيــلْ ،]

بالمناسبة المقابلة كلش ممتع شعورها ، كأنك تقعد تهدر وياهم لا صعبة ولا شي
وإذا ما عرفت سؤال عادي قول ليهم ما أعرف وبكل ثقة حاول تجاوب

أتذكر سألوني شنو اسم الجبل اللي في عمان ؟
قلت ليهم ما أعرف!
وساعدوني قالوا إنه على لون من الألوان
إلا أقول ليهم أحمر أصفر أخضر
اطنز واحد منهم قال إشارة مرور صارت دي
وقالوا ليي اختاري واحد عشان إجابة نهائية وده يزعم > اللي يسمعهم من سيربح المليون
انزين قلت ليهم أصفر عفر، قالوا ليي غلط أخضر .


كله هرار المقابلة يسألون عنك عن شخصيتك عن التخصص ليش اخترته وما إلى ذلك.. من هالقبيل


+ الأعضاء اللي ساهموا بأسئلة عن إذنكم ، بفتح موضوع جديد خاص فقط بالأسئلة
بجمّع فيه الأسئلة من هالموضوع = بقتبس مشاركاتكم +موضوعي السابق
+ إذا جفت شي من إهني والله مناك بعد بحطه .

​

 

[Prince.11]

انا مقابلتي 18
انزين
نحمل شي يوم المقابلة
أنا يوم التسجيل سلمتهم كلشي

اذكر يوم المقابلة رحنا مبنى s18 ..
خلونا نقعد هناك فترة بسيطة ..

بعدين نادوّ علينا موظفين التسجيل ..
كانو قاعدين على كمبيوترات مقابلينا ..

يطلبون منّا آخر الأوراق الثبوتيه ..
الشهادة تبع الفصل السادس - افادة تخرج - حسن سيرة وسلوك ..

بعدين يعطيك بطاقة فيها وين المقابلة تكون ..
كانو المقابلات في سكاشن البسنز و الاداب ..

اذكر البطاقات فيها الوان بعد ..
بناءًا على بطاقتك تركب باص معيّن ..

تنتظر يفول الباص ويمشي الى الكلية الي فيها المقابلة ..
يخلونك تنتظر في قاعدة ، حتى يوصل دورك وتدخل السكشن ..

اذكر خلونا ننتظر في قاعد السلام في البسنز ..
الي هو مدرج السلام ..

هذا يوم المقابلة الي صار لينا ..

في شيء يبون النسخة الاصلية منه .. بس ماذكر اذا كان الشهادة أو افادة التخرج او شهادة حسن سيرة و سلوك ..
​

 

[رَحِيــلْ ،]

في شيء يبون النسخة الاصلية منه .. بس ماذكر اذا كان الشهادة أو افادة التخرج او شهادة حسن سيرة و سلوك

عدل كلامك.. أحين استرجعت الذاكرة..
لأن أول ما تسجّل تكون إفادة التخرج + شهادة آخر فصل مو موجودة
فنوديهم يوم المقابلة..


أني اللي خذوهم نسخة من آخر شهادة + إفادة التخرج
حملت ويايي شهادة حسن سير وسلوك بس ما خذوها رجعت بها

​

 

[وحيد كالقمر]

انا سألوني

- سنة جم صارت البحرين مملكة
- شلون يكون الولاء للوطن
- سألوني عن اسامي ثلاث جزر للبحرين
- عمل تطوعي اسويه لمجتمعي ( قلت ليهم انظف الساحل واصلا ديرتنا مافيها ساحل هههههه )
- ثلاث موانئ في البحرين ( هذا السؤال جبت فيه العيد وقاموا يضحكون عليي

وبس خلك ريلاكس وايزي

 

[Msha3r Ensan]

يا شعب
أنا متخرج 2013/2014
سلمتهم نسخة من شهاة الثانوية الأصلية "الصفرة" لكل الفصول
و سلمتهم نسخة من إفادة التخرج الأصلية " الصفرة"
بس يوم التسجيل ما أخذوا شهادة حسن سيرة و سلوك
يعني اروح بس بالبطاقة الذكية او البطاقة الذكية و الشهادات الصفرة ..؟؟
و الله ما تدروووووووووون ..؟؟

 

[المهندس عبدالله]

يا شعب
أنا متخرج 2013/2014
سلمتهم نسخة من شهاة الثانوية الأصلية "الصفرة" لكل الفصول
و سلمتهم نسخة من إفادة التخرج الأصلية " الصفرة"
بس يوم التسجيل ما أخذوا شهادة حسن سيرة و سلوك
يعني اروح بس بالبطاقة الذكية او البطاقة الذكية و الشهادات الصفرة ..؟؟
و الله ما تدروووووووووون ..؟؟

انته روح بكل اوراقك احتياط لا تتوهق...ويش لو دقت عليهم و صارو يبون شهادة حسن السيرة و سلوك شلون بوتصرف شيل كل شي وياك احسن

 

[رَحِيــلْ ،]

يا شعب
أنا متخرج 2013/2014
سلمتهم نسخة من شهاة الثانوية الأصلية "الصفرة" لكل الفصول
و سلمتهم نسخة من إفادة التخرج الأصلية " الصفرة"
بس يوم التسجيل ما أخذوا شهادة حسن سيرة و سلوك
يعني اروح بس بالبطاقة الذكية او البطاقة الذكية و الشهادات الصفرة ..؟؟
و الله ما تدروووووووووون ..؟؟

سلمتهم إياه يعني خلاص ما يبون نسخة ثانية
بس مثل ما قال الأخ الكريم [MENTION=28591]المهندس عبدالله[/MENTION] احتياط احمل وياك ما بتخسر شي سواء خذوهم او ما خذوهم .

 

[مها العنزي]

كان يوم مُمتع صراحة،وجداً أستمتعت.
وكان أكثر شي عاجبني موضوع الباصات.
والدكاترة كانوا جداً متساهلين معاي ومُمتعين ويسهلون الموضوع والأسئلة قدر الإمكان يعني.
سألوني أسألة كثيرة وكان من بعض الأسئلة كان يقول لي الدكتور إختاري رقم ويطلع لي سؤال وأجاوبه،وطلع لي عن الخليج بس ما عرفته وخلاني اختار رقم ثاني وجاوبته.
الأسئلة اللي أتذكرها؛
١:- شلون تدافعين عن البحرين اذا احد اساء لها ؟
٢:ليش أخترتي هالتخصص؟
٣:شنو قدمتي للبحرين؟
٤:ليش اخترتي جامعة البحرين؟
٥:شنو خلفيتج لهالتخصص وشلون تتعاملين معاه؟
٦:شنو نقطة ضعفج؟>ما قدرت أجاوب صراحة.
٧:لو طلبوج دولة ثانية تشتغلين عندهم بنفس الشغل اللي مقدمينه لج البحرين بس براتب أعلى،تقبلين؟
٨:من قدوتج بالحياة؟وليش؟
وهذا اللي أذكره،وبس والله.​

 

[أمواج]

- أسم شاعر بحريني معاصر

ناصر بن حمد :laughing:

حتى بمقابلة الجامعة حظكم أسئلة أدبية :tearsofjoy:

الحمد لله ما كان فيه مقابلة ولا شي على دفعتنا :sweatsmile: