تخصصات الآيتي لطلبة التجاري؟ضروري جدًا


Batoolx

New Member
تاريخ التسجيل
1 يوليو 2017
المشاركات
2
العمر
20
المجموعة
أنثى
الدفعة الدراسية
2017
الكلية
كلية تقنية المعلومات
التخصص
-
طالبة أفكر أدخل IS و لكن هل تتواجد فرص وظيفية بكثرة ف سوق العمل ؟ و شنو طبيعة المواد الي تندرس ف هالتخصص , مثلا ( فيزيا , كيميا ) < أحاول بقدر الإمكان أبتعد عن هذي المقررات .. أفيدوني :sad_1:, و هل عادي ادخل cs or se اذا كنت طالبة تجاري؟ سمعت ان لازم اكون مُلمّة بالفيزيا و الكيميا / ريض .. اقدر ادخل و بعدين اواصل ولا بواجه صعوبة كبيره؟
 
التعديل الأخير:

Blue Castle

اا Moderator - I.T. College اا
طاقم الإدارة
تاريخ التسجيل
19 أبريل 2013
المشاركات
1,639
المجموعة
ذكر
الدفعة الدراسية
2012
الكلية
كلية تقنية المعلومات
التخصص
Computer Science
طالبة أفكر أدخل IS و لكن هل تتواجد فرص وظيفية بكثرة ف سوق العمل ؟ و شنو طبيعة المواد الي تندرس ف هالتخصص , مثلا ( فيزيا , كيميا ) < أحاول بقدر الإمكان أبتعد عن هذي المقررات .. أفيدوني :sad_1:, و هل عادي ادخل cs or se اذا كنت طالبة تجاري؟ سمعت ان لازم اكون مُلمّة بالفيزيا و الكيميا / ريض .. اقدر ادخل و بعدين اواصل ولا بواجه صعوبة كبيره؟
بالنسبة لسوق العمل فتقريباً في كل تخصص فيه عاطلين و النهاية الارزاق بيد الله ، فالافضل تدخلين التخصص الي انتين حابة تتخصصين فيه و الي تميلين له اكثر ، و تقدرين تسالين المتخرجين عن طبيعة الشغل الي يشتغلونه بعد التخرج في التخصص نفسه

بالنسبة لتخصص ال is مافيه لا فيزياء و لا كيمياء ، يدرسون بعض المقررات من كلية البزنز و مقرر رياضيات واحد ( اول مقرر ) و مقرر واحد احصاء ، و 4 مقررات cs و مقررين ce ، المقررات الاربعة المشتركة و باقي المقررات هي مقررات التخصص تقدرين تتطلعين على الخطة الدراسية من هذا الرابط :
http://www.uob.edu.bh/en/images/Curriculum_Plan/IT_College/BSc_in_IS_Plan_for_2013_and_above.pdf

بالنسبة الى هل عادي تدخلين se او cs ، الافضل تتأكدين من القسم نفسه ( قسم ال cs ) من دفعتي في كذا طالب كانوا تجاري و ماخذين cs مع انه حسب ما اذكر في ورقة الخيارات كان مكتوب ان cs لتخصص العلمي بس حالياً ما ادري فالافضل تتأكدين من القسم هذا اميل رئيس القسم تقدرين تتأكدين منه :
[email protected]

اخر شغلة ذكرتين ان الي يدخل ال cs او se لازم يكون عنده المام بالفيزياء و الكيمياء و الرياضيات ، فعلياً مواد الفيزياء و الكيمياء ما تفتح شيء في تخصصنا بس لازم ناخذها هم مقررين فيزياء الاول فيزياء عامة و الثاني له علاقة بالكهرباء الاثنين سهلين امانةً ، بالنسبة للكيمياء مثل الشي كيمياء عامة مثل الي درسوه مال العلمي في الثانوي مو صعب ( الاثنين مو صعبين اذا حليتين مساءل و تابعتين اول بأول ) بالإضافة الى هذا الشيء في الخطة الجديدة الي الى 2016 فما فوق الكيمياء صار اختياري بما معناه تقدرين تاخذين الكيمياء او مقرر ثاني من كلية العلوم مثل الاحياء biol102 ما ادري اذا في خيارات ثانية او لا اتوقع اذا اطلعيتن على الخطة تعرفين اكثر

بالنسبة الى هل ال cs و se فيهم رياضيات ، عندنا في ال cs ، 3 مقررات رياضيات ، مقرر إحصاء ، بالإضافة الى 3 مواد تخصص مرتبطة نوعاً ما بالرياضيات ، بشكل عام كل المقررات تحتاج تحلين تمارين كلما حليتين تمارين اكثر بتفهمين طريقة المسائل و الحل اكثر

هاذي خطة ال se اذا حابة تتطلعين عليها :
http://www.uob.edu.bh/images/Colleges/IT/SoftwareEngineering.pdf

و هاذي خطة ال cs :
http://www.uob.edu.bh/en/images/Curriculum_Plan/IT_College/BSc_in_CS_Plan_for_2013-2015.pdf
ما حصلت اخر خطة لل cs بس الفروق كلش بسيطة فتقدرين تاخذين فكرة عامة عن مقررات التخصص

بالتوفيق ان شاء الله
 

_ALI_

Well-Known Member
تاريخ التسجيل
5 فبراير 2014
المشاركات
1,226
المجموعة
ذكر
الدفعة الدراسية
معلومة خاصة
الكلية
كلية تقنية المعلومات
التخصص
Computer Science
بالنسبة لمستقبل طلبة IS في سوق العمل فعلى الاغلب ما اليهم مستقبل و هذا كلام من موظف صارحنا به و السبب هو ان التخصص غير متعمق في البزنز او الحاسوب .. فما يقدرون يوظفون طالب ما يفهم في التخصصين
 
التعديل الأخير:

ولد القمر

اا مشرف الشؤون الطلابية اا
طاقم الإدارة
تاريخ التسجيل
24 أغسطس 2010
المشاركات
2,290
العمر
27
المجموعة
ذكر
الدفعة الدراسية
2010
الكلية
كلية تقنية المعلومات
التخصص
Computer Science
بالنسبة للمسار في المرحلة الثانوية

قبل 7 سنوات تقريبا كان النظام القديم موجود..
اللي درس تجاري بالنظام القديم يواجه صعوبات كبيرة جداً نظراً لمحدودية المواد اللي يدرسها

وبالذات في مواد الرياضيات
كان الطالب ياخذ 3 مقررات ريض فقط خلال 3 سنوات .. وكانت دراسة عامة في الجبر والإحصاء

مع توحيد المسارات زاد محتوى مقررات الريض.. علشان جذي قلت الصعوبات الى حد كبير..

ونفس الكلام لبقية المقررات

.
.
بخصوص المستقبل:


من وجهة نظري..
الافضل دائماً أن يدرس الطالب تخصص يرغب فيه.. والازراق بيد الله سبحانه

اذا درست شي ما ترغبه.. طبيعي ما راح ترغب للوظيفة..

.
.

موفقين..
 
التعديل الأخير:
تاريخ التسجيل
11 يوليو 2014
المشاركات
5
المجموعة
أنثى
الدفعة الدراسية
2013
الكلية
كلية تقنية المعلومات
التخصص
Information Systems
إذا كنت توحيد مسارات و بعدين دخلت تجاري
فعادي تاخذ CS،

تخصص IS مافيه مواد علمية غير مقرر رياضيات و مقرر إحصاء، و هالمقررين فيهم من إلي درسناه بالثنوي الشي الكبير.

فيه 4 مواد CS و مقرر واحد CE
الباقي كله مواد التخصص بالإضافة للمواد المشتركة في كل التخصصات.

الناس بدأت تفهم للتخصص أعتقد، شفت أكثر من إعلان يطلبون خريجين نظم معلومات.
 

أمواج

ll Super Moderator ll
طاقم الإدارة
تاريخ التسجيل
17 يناير 2010
المشاركات
14,051
العمر
27
الإقامة
البحرين
المجموعة
أنثى
الدفعة الدراسية
2010
الكلية
كلية تقنية المعلومات
التخصص
Computer science
حبيت تخصص ال SE
فيه مواد واجد من خطة السي اس
لكن كونه يركز على مجال واحد .. يسمح للطالب ان يكون متخصص في شيء معين فقط
هندسة السوفتوير معناها ان أي أبلكيشن/برنامج ... (سوفتوير) نشوفه لازم يمر بكذا مرحلة عشان يطلع صح
مو مباشر يجي المبرمج ويحط الكودات مثل ما البعض يتوقع
حتى ان شركات السوفتوير لازم عندها أقسام عدة لمختلف الخطوات
لازم يمر
1. بمقدمة فيها يحدد البروسس والخطة للعمل وتنظيم الوقت
2. يجمع متطلبات البرنامج .. شنو البرنامج لازم ينتج .. شنو المستخدم يحتاج .. شنو الشروط اللازم توافرها
3. التحليل .. فيه طرق واجد بحيث بالتفصيل كل فنكشن أو متطلب شلون بيتكون و شلون التواصل بين مكونات بيئة السوفتوير المنتج
4. يبدأ بالديزاين .. يصمم واجهات البرنامج والتنقلات شلون بتصير والالقوريثمات والديتابيس
5. بعدها يكون البرمجة .. اهني المرحلة الي يبدأ دور المبرمج فيها ولازم يكون ملتزم بالأشياء المخطط ليها الي بالخطوات السابقة
6. التست أو الاختبار بحيث يختبر ان البرنامج سليم من جميع النواحي ولما ينتهي يطلع البرنامج للمستخدم

طبعا ممكن خلال هالخطوات نرجع لخطوات سابقة ونمشي في الدائرة من جديد
ونتظيم الخطوات هذي وشلون نرجع فيها تتحدد بواسطة بروسس يتم اختيارها من عدة طرق من أول بداية المشروع

طبعا هذا كله احنا في السي اس ندرسه في مقررين فقط ونطبقه في مقررات ثانية من ضمنها مشروع التخرج لما يكون سوفتوير
و عندنا الديزاين نتظرق ليه في مقرر + جانب من طرق التحليل في مقرر
بهذا التخصص بتكون كل خطوة تندرس بأدق التفاصيل في مقرر بروحه
بالنهاية بكون الطالب مؤهل ان يتخصص ويشتغل في شركات السوفتوير انجنيرنق
فلازم يكون حاط في باله ان هذا مجاله الي يبيه

السي اس مجاله أوسع وتخصيصه أقل .. يعني ان الطالب الي يدرس علوم حاسوب بشكل عام .. بيدرس كذا مجال وفرع من السي اس
بعدين يقدر هو يركز على مجال واحد حابه ويتخصص فيه عقب التخرج
لكن للأسف في البحرين مجالات الأشغال ما فيه شي تخصصي أو قليل جدًا يمكن .. يعني لا تقول مثلاً بتخصص بس أشتغل عالديتا بيس أو بس بمجال الذكاء الاصطناعي
يمكن أكثر مجال هو السوفتوير انجنيرنق الي فيه شوي تخصص بفرع من علوم الحاسوب في الأشغال
وبعد السوفتوير انجنيرنق يعتبر عنوان عام .. يعني كل خطوة منه ممكن تكون تخصص للطالب .. مثلًا يصير ديزاينر أو بروقرامر أو محلل أو .. الخ
 

Red Roses

Member
تاريخ التسجيل
20 يونيو 2019
المشاركات
7
العمر
18
المجموعة
أنثى
الدفعة الدراسية
2019
الكلية
كلية ادارة الاعمال
التخصص
e
شنو التخصص الأفضل من حيث سوق العمل نظم المعلومات أو المحاسبة او الادب الإنجليزي(ترجمة) ؟
 

المتواجدون حاليا في هذا الموضوع (الأعضاء: 0, الزوار: 1)

أعلى أسفل