علوم الحاسوب لطالب تجاري

[112Moosa]

السلام عليكم
أنا طالب تجاري توجيهي السنة الجاية حاب ادخل جامعة تخصص علوم الحاسوب ف بغيت أسأل
هل اقدر اكمل في التخصص ومايكون صعب عليي و اجيب معدل فوق ال 3 أم ان مااقدر اكمل فيه ؟
وهل مواد الفيز والكيم والريض بتكون صعبة عليي ومابيكون شرح هذه المواد عدل؟
أتمنى تجاوبوني و أكون شاكر لكم

 

[أمواج]

عليكم السلام

ما اتوقع انه صعب .. يعتمد عليك بعد شنو وضعك مع المواد ؟
أوردي هم مادتين فيزيا / مادة كيميا / 3 مواد ماث / مادة احصاء >> حسب خطتنا ما اعرف الخطة الحالية وضعها

خيار نظم معلومات أقرب عادةً لطلبة التجاري لأنه يجمع بين مواد الآيتي ومواد البزنز
بس ما يمنع ان خريج التجاري يتخصص علوم حاسوب

موفق اخي

 

[112Moosa]

عليكم السلام

ما اتوقع انه صعب .. يعتمد عليك بعد شنو وضعك مع المواد ؟
أوردي هم مادتين فيزيا / مادة كيميا / 3 مواد ماث / مادة احصاء >> حسب خطتنا ما اعرف الخطة الحالية وضعها

خيار نظم معلومات أقرب عادةً لطلبة التجاري لأنه يجمع بين مواد الآيتي ومواد البزنز
بس ما يمنع ان خريج التجاري يتخصص علوم حاسوب

موفق اخي

أنا اطلعت على خطة تخصص نظم المعلومات بس الصراحة ماعجبني التخصص مثل علوم الحاسوب
علوم الحاسوب احسه يناسبني اكثر
بس هل مواد الفيز و الكيم و الماث اول مقرر من كل مادة يتم شرحه بشكل ممتاز بحيث ان طلبة التجاري أو إلي مادرسو هل مواد في المدرسة يفهمونهم بدون مشاكل ؟؟

 

[أمواج]

أنا اطلعت على خطة تخصص نظم المعلومات بس الصراحة ماعجبني التخصص مثل علوم الحاسوب
علوم الحاسوب احسه يناسبني اكثر
بس هل مواد الفيز و الكيم و الماث اول مقرر من كل مادة يتم شرحه بشكل ممتاز بحيث ان طلبة التجاري أو إلي مادرسو هل مواد في المدرسة يفهمونهم بدون مشاكل ؟؟

يعتمد على الدكتور
فيه دكاترة شرحهم تمام و فيه دكاترة لا

اوردي الحين مصادر الدراسة واجد .. الكتب و اليوتيوب و الملخصات و النوتات .. ما بضيع ان شاء الله

 

[المهندس عبدالله]

ما عليك من الحجي اله ينقال تره اله عدهم خبرة يعطونك آراء وحلول ضيقة المدى.. دائما حاول تصير متفتح في أفكارك ونظام حياتك وبتحصل درجات أعلى من طلاب العلمي...

ونفس ما قلت لك خلك مكافح وما يوقف في وجهك شي، أهم شي ويش تحب تسوي في المستقبل؟

 

[Mohammed_13]

يمكن يكون هالرد متاخر شوي، بس حبيت اتكلم عن تجربتي بما اني طالب تجاري وخريج علم حاسوب.

بالنسبة لمواد الرياضيات و الفيزياء او مواد كلية العلوم بشكل عام، اي في البداية كنت احس روحي ضايع وماادري وين الله حاطني بس بعد فترة بديت اعتمد على نفسي وادرس من يوتيوب وصرت اجيب فيهم درجات زينه A في بعضهم.

إذا كنت حاب التخصص وعاجبنك بتقدر تمشي وبتجيب درجات زينه بس لازم تتعب على روحك خاصتا في اول الفصول بما انه مواد العلوم بتكون شويه جديده عليك.

 

[112Moosa]

يمكن يكون هالرد متاخر شوي، بس حبيت اتكلم عن تجربتي بما اني طالب تجاري وخريج علم حاسوب.

بالنسبة لمواد الرياضيات و الفيزياء او مواد كلية العلوم بشكل عام، اي في البداية كنت احس روحي ضايع وماادري وين الله حاطني بس بعد فترة بديت اعتمد على نفسي وادرس من يوتيوب وصرت اجيب فيهم درجات زينه A في بعضهم.

إذا كنت حاب التخصص وعاجبنك بتقدر تمشي وبتجيب درجات زينه بس لازم تتعب على روحك خاصتا في اول الفصول بما انه مواد العلوم بتكون شويه جديده عليك.

مشكور اخوويي على ردك
بس شنو هي طبيعة العمل مستقبلا اذا عندك خبرة ؟
وكم يكون الراتب تقريبا ؟
وهل خريجين هل تخصص يتوظفون بسرعة ؟

 

[Mohammed_13]

مشكور اخوويي على ردك
بس شنو هي طبيعة العمل مستقبلا اذا عندك خبرة ؟
وكم يكون الراتب تقريبا ؟
وهل خريجين هل تخصص يتوظفون بسرعة ؟

العفو، للاسف مااقدر افيدك بهالاسئلة بما اني للحين ماحصلت شغل

 

[Red Roses]

أتمنى تفيدوني انا نفس السالفة بتخرج من ادبي معدلي 96 و درجاتي كانت عالية فوق 95 في الكيم و الريض و الفيز بس اكيد ان مواد الجامعة اصعب بوايد من مال مدرسة
هل اقدر ادش التخصص و اييب معدل عالي لو حطيت على روحي و درست اول بأول من اكثر من مصدر و اجتهدت ؟
و هل علم الحاسوب مجاله أوسع في التوظيف من نظم المعلومات او العكس ؟