ARAB110
مادة اللغة العربية خفيفة مثل المدرسة نحو و بلاغة ونصوص
ITCS114
مادة برمجة تابعة الى السي اس الاول وأتوقع اسهل منه
ENGL155
ما اتذكر المادة بالضبط .. اتوقع فيها قرامر و اتركز على الرايتنق
PHYCS102
غير عن الفيزياء الاول .. هذا المقرر كهربا تقريبا .. ويحتاج متابعة مثل الفيزيا الاول
ITIS103
المادة اذا ما اتغيرت فهي سلايدات و حفظ وتجمع بين البزنز والآيتي بالجزء النظري .. العملي اكسل و اكسس و هالسوالف السهلة
MATHS102
كلكولاس٢ ادسم من الاول ويحتاج حل تمارين واجد
ITCS254
شنو اسم المادة ؟
كأن دي المادة الي فيها لوجك ؟ .. اذا هي فالمادة فهم و نمطها قريب الى الماث وتحتاج حل تمارين .. بس اسهل من الماث
ISLM101
مقرر عادي يحتاج حفظ و سهل .. يعني نفس نمط المدرسة تقريبا
ما اقدر اقول لك شنو تاخذ من ال ٥ مواد .. بس حاول اتشوف تواريخ الفاينال + اتنوع بين الفهم و الحفظ واتكون مواد متوازنة ويعتمد عليك شنو الاشطر فيه .. القرار لك
* عن نفسي مثلا ما افضل تاخذ فيزيا و ريض مع بعض لان الثنتين دسمين
* مواد السي اس والمواد الي تفتح مواد بالخطة لا اتأخرهم
* اذا ما اتحب الحفظ لا تاخذ دين و آي اس مع بعض
* اقدر اقترح ان تاخذ ITCS114، ITCS254، ENGL155 والبقية اختارهم
طبعا صار لي مدة من اتخرجت و اخذت المواد ففيه احتمال اتبدلت بعض الاشياء .. بالتوفيق
