خطة اللغة العربية

[afahahs]

متخصصي اللغة العربية
هل تجوفون الخطة الى حاطتنها الجامعة للمقررات في كل فصل عملية؟ يعني يمشي الطالب عليها وخلاص
لو الأفضل يسوي بعض التغييرات فيقدم تخصص ويؤخر تخصص وجدي
أرجو الإفادة

 

[قمَر]

بالنسبة ليي كنت أحاول قدر الإمكان أمشي بالمقررات حسب الأقل مستوى للأكثر مستوى
لأنها حتى لو ما كانت مرتبطة بشكل واضح إلا إن مقرر ال٤٠٠ يعامل الطلاب بأنهم طلاب مستوى رابع
فإذا كنت طالب مستوى أول بيكون الموضوع فيه بعض المعوقات عليك..
جربت هالشي أول كورس لما قالوا ليي ان الترتيب مو مهم أخذت مقرر النقد وكان شوي عميق يمكن لو كنت ماخذتنه وأني سنة رابعة أتوقع أكيد بيكون فهمي ليه أفضل وبقدر أتعامل وياه بشكل أفضل
لذا:
أني ما أنصح الطالب يتنطط في المقررات بشكل عشوائي
ولكن أحيانا قد تضطر تاخذ مقرر مثلا ٤٠٠ قبل لا تخلص من ٣٠٠
في هالحالة احس ممكن تتماشى ويا الموضوع بشكل ما
المهم إنك ما تكون مستجد وتارك مقررات ١٠٠ و٢٠٠ ورايح حق ٣٠٠ و٤٠٠
مادري فهمت قصدي أو لا
يعني مو ضروري تلتزم ١٠٠%
ان أول تخلص كل ال١٠٠
وبعدين كل ال٢٠٠
وبعدين كل ال٣٠٠
وبعدين كل ال٤٠٠
بس أهم شي حاول ما تاخذ مقررات مستويات مرتفعة (قدر الإمكان) وأنت لا زلت في بداية المشوار
علما إن ال١٠٠ وال٢٠٠ مستواهم متقارب نوعا ما
وكذلك ال٣٠٠ وال٤٠٠

كل التوفيق