شاي بابونج ❀

c o d e

.
طاقم الإدارة
تاريخ التسجيل
3 يوليو 2007
المشاركات
4,232
المجموعة
أنثى
الدفعة الدراسية
معلومة خاصة
الكلية
كلية العلوم
التخصص
.


All about what chamomile means



U R welcome​
 
حبها
احترمها
عزها
طبطب عليها
اهتم فيها
ودللها ،،


Yourself !!


على قد ماتعطيها الدنيا كلها تعطيك ،
ناس حلوة رايءة تحب الفرح ،
شخصيات كل واحد منهم متميز بشي ،
ناس ماتدري شلون الله يسخرهم لك ،
علوم وتقنيات تتيسر لك ،،،


طيب ،
والأوغاد المنيلين بستين نيلة ؟
هذلين بعد منهم فايدة ،
يستاهلون شكرا وحدة فقط ،
يطلعون النسخ الدفينة بداخلنا،
نسخة كيدهن عظيم كمثال XD

اللي قبلهم يستاهلون
" شكرا جدا جدا جدا "
و بصوت محمد إمام بعد ،،،



Yourself should be the first one you give it the chamomile means …



❀ البابونج يعني لي
السلام
الهدوء
مخ مرتاح ،
جد مرتاح !
من الركيض ورى فكرة ورى خوف ورى هم ورى…
اللي أشربه حاليا بابونج مع سباطعشر عشبة ،،


سألته مرّة ،
دكتور ليش مسوي الأكاديمية ؟
>>الكل مسوين حقهم تجمع ، جمعيات ، ندوات…
الا الايجابيين والسعداء وال…..
مساكين محد مفتكر فيهم !
تلاقيهم فئة صغيرة ويمكن مع الايام تختفي ،
مع انها أهم حلقات المجتمع ..

اليوم معظم اللي طالعين بالساحة
متعلمين فيها او من ناس فيها ،،،


لا لا ،
مو لازم نصعد الجبل ولا نعبر القارات ،
الله خلقنا شعوبا وقبائل لنتعارف ،
أول شعب وأول قبيلة هي احنا نفسنا ،
مو قادرين نفهمنا ونحبنا ونساعدنا ،
هل كيف بنعطي غيرنا !



حبها
عزها
وارحمها
 
  • Like
التفاعلات: o n e
عجبتني هذي اللستة !
To (travel) List

سيريلانكا ،
البوسنة ،
وجنوب أفريقيا ♡

قبل ؟
كنت أغار لما اسمع :
سافروا ، نجحوا ، وصلوا ….

ألحين ؟
يا اخي سافروا !
سافروا وصوروا وانبسطوا ،
الدنيا محتاجة منكم واجد ،،،


،،،،،،،،،،،،،،،،،،،،،

سيدة ، بسميها أم بدر
ما احتكيت فيها واجد
بس هالجم مرة
كفيلة اني ارسم صورة عنها ،،
مرة قالت " إيه ، اشفيها الدنياه "
بلهجتها المحرقية الحليوة ،،،

هي وحدة من جماعة تحب الفرح ،
ناس روحهم حليوة مفرفشة ،
صرت استعمل جملتها ،
ايه والله ، اشفيها الدنيا !

أم بدر ، الله يرحمها

الناس اللي مثلها
او مثل عبدالحسين عبدالرضا
او غيرهم وغيرهم ،
الدنيا محتاجة منكم واجد ،،،
 

هذي الموسيقى ؟
وا جد أحبها ♡

و الفكرة تنحب ،،،
عندي مذكرة هدية
واجد اكتب فيها بهالفكرة ،
اكثر كلمة
مشكور الله …


الكتابة ؟
اليوم افكر في ( اخلق عالمك الذي تريد )
اخلق create
يعني شي مو موجود ،،،
ما ينشاف ولا ينسمع ولا ينحس ….
الكتابة اول step لل create

كانت فكرة بالمخ ، وألحين حروف تنشاف
مع الوقت بتكبر ،،،

الفقرة مملة ،
بس واجد من اللي كتبته اهني : happycryface :

في واجد tools ،
وما تكلف ،
بس طبع الانسان يحب يتسلق الصعاب ،
أو غافل
أو تبرمج ،،،
 


امممم ، هذي بعد لحنها ♡
افهم ان في ألحان
و كلمات
تعجبني ،

بس ما افهم في الصوت والمقامات
ولا قراءة النوتة ،،،
اللي عزفتهم كلهم ٢ وقصار …


* جهز البابونج مع اللافندر والستعشر عشبة >,>

مرة ،
وحدة جميلة من اللي اتعلم منهم ،
جميلة وقوية ،
تتكلم عن دراستها للصوت ،
مدربتها قالت :
لو الصوت يطلع من الشاكرا الاولى ،
شاكرا الجذر والأمن ،
بيكون أثره غير ،،،

من اهني ،
عرفت ليش زمان
بس يقرون على التعبان يصحى ،
ايه ، ولو بمسحة ايد نبي !!


الصوت تشافي ،
البابونج يعني لي التشافي ،،، ❀
 
~ على ألحان أتيش دوغان

******

اليوم احتجت كرفس وما كان في ،
اضطريت احصد اللي زرعته مع انه صغير ،
على فكرة ،
مافي نفس حلاة (تاكل من اللي زرعته ! )
بعدها بشوي وصلتني كمية منه ،،،

موجود كان بها ،
مو موجود نمشي بالموجود ،،
ليش التعقيد ،،

احب التبسيط ،
لأن عند الله سعة ،،،



مو لازم المرض يتشافى بِ وفقط بِ ،
لكل داء دواء
علمه من علمه وجهله من جهله ،،

زمان ،
سخر مني احدهم ،
لا اعرف لِمَ ،
فسؤالي قمة في الذوق ،
اين مركزكم !
بعدها بلحظات مسح البوست بأكمله ،،،

الصوت برأسي أخبرني حينها ،
" اللي عطاه العلم ، قادر ياخذه منه ، مو ؟
قادر يعطيني منه ؟ "

كما أذكر ،
لم يكن الصوت دعاءا عليه ،
هي تقنية اسميتها مؤخرا
( يارب تديني عربية ) ،
اقتبستها من صورة لعبلة كامل
بهذا التعليق المكتوب :
لما تكون مظلوم
وتعرف ان لك دعوة مستجابة .
يعني نخليها كردت يتجمع !


لا أقول بأني مَلَك ،
وربما لا اريد ان اكون ،
هي رحلة الحياة نتعلم منها ،،،
تعلمت
ان مو لازم المرض يتشافى بِ وفقط بِ ،،،


أحب التبسيط ،
مرات يكون التشافي كيميا عناصر تنخلط وتنأكل بس ،
مرات تشافي فيزيا ،
مرات صوت
مرات
شي ألحين ماله اسمه ، ومسمينه سحر !


الأكسس بارز مادري وين احطها ،
كلها نقاط على الراس وجملة تنقال ،
يوم سويتها !
كنت هناك فوق الغيم ،
الأفكار والأصوات كلها ص ف ر !!
اخذتها عشان اطبقها على ♡
ولو ما شفت النتيجة ما صدقت ،،،
كلها نقاط ،،،


حليوة شغلة نعرف ان في نقاط لكذا وكذا ..
أحب جونغوما ،
كنت أقول الله !
جان زين أعرف في النقاط ،
أشغل قوقل براسي ويا سلام


في نقطة ،
عاد اهي صدق مو صدق ،
( مادري )
بس عجبتني وتشتغل ،
سميتها نقطة فيتامين دال ،
عند الرقبة والظهر ،
تنشحن بالشمس ،،،


( مادري )
لأنها مو قرآن ،
يمكن يجي يوم ماتشتغل
لا هي ولا غيرها ولا شي من اللي نعرفه ،
وتطلع غيرها صح ،،

بس في مبدأ ،
أنا ءلبي دليلي ~
 
التعديل الأخير:
151E93B6-1FB1-404D-8514-2835BDEDF44A.jpeg


السمع والبصر والفؤاد ،
عن كلهم كان مسؤلا ،،

قد لا توجد حقيقة مطلقة ،
ويتبعثر الوسط
ونضيع ،
هل يعجزه أن يمنحنا البوصلة ؟

من يتدرب على مسامع وبصيرة وحدس نبيل ،
سيعرف النبلاء ،

التغريدة ،
ذكرتني بما اخبرت الرب يوما أني اريده ،،،


بخميسٍ ونيسٍ من ذات الأيام ،
خرجْت معي هناك إلى البحر ،
الهوا والماية اش حلاتها ،
الناس والجهال ،،

يقول الرومي :
هو طريقك وحدك ،
قد يرافقك فيه أحدهم ،
ولكن أنت ستكمله …

اكملت الخميس هناك على البحر ،
بمكالمة طويلة جدا مع إحداهن ،
اخبرتني مرةً بأن صديقاتها معجبات
بطريقتها ونظرتها للحياة والمواقف ،
ما يحتاج تقول ، أدري
من كثر ما أزن على راسها XD

نعم ،
أعلم كم أن كلماتي بلسم
حتى وان لم تحل اي عقدة ،،،


شئنا أم أبينا ،
بوعي أو بدون ،
ما نستمر بتلقيه من ( المحيط ) ،
يؤثر بشكل أو بآخر فينا ،،،



بعضها لا نستطيع تغييره
أو جلب ما نريده كبديل ،
ولكن ،
Start with what u have …



اللوحة على مكتبي ،
ورود من تلويني بوسطها عبارة :
I AM HAPPY SONG EVERY TIME



لوحة ،
كلمات ،
ناس ،
أو شاي ،،،


لوحة ،
كلمات ،
ناس ،
شاي ،
أو صوت ،،،


تحمل نية شخص ما ،
لتكن شفاءً ،،،
 
عودة
أعلى أسفل