حوار ساخن بين آدم و حواء ....

[المهندس عبدالله]

والله .. قارني عادات وتقاليد الحاضر .. بماضي البحرين أيام العز :\

أيييه.. أيام اله الواحد يتزوج وهو ما يعرف من تزوج
أي أيام أول؟!

بنسبة لسالفة إن الواحد يتقدم لأكثر من واحدة في نفس الوقت هي ما سمعت عنها إلا في التلفزيون **شكله ما عدنا إحنا هل ثقافة**

1) إله أشوفه إنه يا يخلي "خطابة" تدور على المواصفات المطلوبة، بعدين يشوف البنية ويقرر - في نفس الوقت أو خلال أيام معدودة -...
2) أو يجيبون له البنية يشوفها ويقرر (عاد هذي تصير كأنها معرض ) <<< هي حق المتفلسفين يعني، وللأمانة البنات يعرفون ويش السالفة يعني
3) وإذا عجبتك وحدة لاحقها ملاحق (متخرفن ) عادي!! لين حصلت عنوانها بيخطبونها لك ** عا هذي أنا أستحي أسويها **
4) كان عدنه كلام عن فلان محجوز لفلانة.. وجدي - قصص حب حرفيًا - بس أحين إندثرت عشان الأمراض الوراثية.. وغير المشاكل والبلاوي اله تصير ، حاليًا أشوف راجعة هل موضة بس مو بين الأهل ، الوالدة من المعارضين لهل موضوع من كل الإتجاهات (من اله يقولون كون روحك - تقصد إشتغل فقط -)
بس سالفة إنه تتقدم لوحدة وإنته مو حاطنها في بالك ما أشوف لها داعي.. أحس قاعدين تقولون خلها سبير للطوارئ!!!! وإله يبي يتفلسف أكو طريقة 1 و 2 واجد مناسبين ليكم

 

[عاطفة انثى]

والله .. قارني عادات وتقاليد الحاضر .. بماضي البحرين أيام العز :\

عاد انا وحده ماتعرف كثير عن هلعادت فلا تاخذني

 

[غريبة الدار]

بعد ما تجاوبون على سؤال أخونا عبدالله ..

جاوبوا على هالسؤالين:

1- مجتمعنا أحين.. الحمل صاير مبكر .. (مرحلة الخطبة) .. من يؤيد و من يعارض ؟ -أهم شي الأسباب-

2- نحول الموضوع لشيء مفيد .. ما هي الأسئلة التي نطرحها في المقابلة ؟ .. وما هي الأسئلة التي لا يجب علينا طرحها ؟

1- امممم محايد
إذا خلاص مضت فترة من العقد الشرعي خلاص ثنينهم حلال على بعض-ولو كان البعض يسميها خطوبة- وتعرفوا على بعض تأكدوا من مشاعرهم توفقهم الفكري والأخلاقي وأنه خلاص هذا الشخص المناسب في الوقت المناسب والمكان موجود والأستقرار والأستعداد النفسي والمادي موجود والقدرة على تحمل مسؤلية طفل فا ما في مشكة .
بس إنه للحين مو وثقين من بعض ولا تأكدوا من مشاعرهم والمكان مو موجود ما عدهم استعداد مادي...........الخ
هني أعارض -ممكن الطفل القادم يكون ضحية طلاق (ومجتمعنا مو ناقص ) نبي نبني ما نبي نهدم ولو بنهدم بسبب إنه البناء مثلا أساسه خطاء فايكون بأقل الخسائر الممكنه -معنوية ونفسية وغير السمعة وندخل في حرب كل واحد يلقي اللوم على الثاني وكل واحد يبي ينتقم ويكون ضحيتهم طفل بريء كل ذنبه أنه أمه وأبوه استعجلوا واختيارهم كان خاطئ

2- حبذا لو ما اتكون اسئله متكرره وممله ومقرؤه من النت أو من المعارف و الأصدقاء / وكأنها استجواب أو تحقيق أو امتحان( أنتون تسألون وهم يجاوبون ) تعرفون بنفسكم تذكرون معلوماتكم هوياتكم وش تحبون وش تكرهون مثلا الموصفات اللي تتمنونها في شريكة حياتكم /تبينون وضعكم الأقتصادي والمادي مو سالفة مادية بس علشان اتحطونهم في الصوره إنه أنا قدرتي وضعي جدي من البداية عشان بعدين لا تنصدم متوقعه شي ويطلع أقل وهي ما اتعودت على الأقل في بيت أبوها وما تقدر تتحمله (تجنبنا للخلاف مستقبلا) وعقب تعطيونها مجال تتكلم عن نفسها وإذا في شي تبون تعلقون عليه أو ما ذكرته وتبون تعرفون عنه تسألون
الأسئلة التي لا يجب طرحها : كم وزنش ؟ إذا مثلا وحده عمرها 22 أو أكثر ما تسألون ليش للحين ما تزوجتين إذا موظفة لا تسألون كم راتبش إذا طالبة لا تسألون كم معدلش اممم تقريبا الأسئلة اللي تكون كم............؟ يمكن بستثناء العمر اللي ساعات الأهل ما يعطونه بدقه أو يغلطون فيه ينقصون سنه سنتين ثلاث 4 أو يزيدون .

 

[عاطفة انثى]

بعذ اذنكم حبيت افتح نقاش جديد

هل الرجل مغرور لدرجة ان لا يحاول ان يفهم المرأه
و هل ياترى المرأه غامضة لدرجة ان لا يحاول الرجل ان يفهمها

رأيكم في هذا​

 

[Muhammad Aldumistani]

بعذ اذنكم حبيت افتح نقاش جديد

هل الرجل مغرور لدرجة ان لا يحاول ان يفهم المرأه
و هل ياترى المرأه غامضة لدرجة ان لا يحاول الرجل ان يفهمها

رأيكم في هذا​

أنا أحب أحاول أفهم الناس .. بس الأنثى غامضة للرجال

 

[عاطفة انثى]

أنا أحب أحاول أفهم الناس .. بس الأنثى غامضة للرجال

عن نفسي اشوف ان الرجل اكثر غموضا
بينما المرأه كما يقال كتاب مفتوح
مو لاني مرأه لا بل الاني احاول كثيرا ان افهم احد بني ادم
و فشلت في هذا

 

[وحيد كالقمر]

أعتقد العكس
الرجل عنده standards وصفات ماتتغير تجعل التعامل معه أسهل

أما المرأة صعب تفهمها ملامحها تقول شيء وهي تبغي شيء ثاني
تشوفها تطلب شيء وتالي تنجف عنه

 

[أمواج]

بعذ اذنكم حبيت افتح نقاش جديد

هل الرجل مغرور لدرجة ان لا يحاول ان يفهم المرأه
و هل ياترى المرأه غامضة لدرجة ان لا يحاول الرجل ان يفهمها

رأيكم في هذا​

الرجل يشوف المرأة غامضة
المرأة تشوف الرجل غامض

الاختلاف الطبيعي بينهم هو الي جاعلنهم يتكاملون
والتقارب والنقاش والمصارحة والمشاركة تخليهم يفهمون بعض بشكل أفضل

 

[NoOony.A]

بعذ اذنكم حبيت افتح نقاش جديد

هل الرجل مغرور لدرجة ان لا يحاول ان يفهم المرأه
و هل ياترى المرأه غامضة لدرجة ان لا يحاول الرجل ان يفهمها

رأيكم في هذا​

لا
شسبب الي يدفعه ف إن مايحاول يفهمها أصلا؟ الا اذا اهي أغلقت ع نفسها و مافتحت المجال لطرف الثاني ف إن يستكشفها يتعرف عليها و يفهمها و يعرف شنو جوهرها الداخلي

مثلا اني شخصية مو غامضة، لكن لو حبيت اكون شخصية غامضة صعب احد يستكشف شنو اني و ذاتي او حتئ يفهمني ؛ أقدر اغلق ع نفسي و ما اخذ و أعطي الا بالحدود الا أني راح اسمح فيها علشان ما اعطي مجال لطرف الثاني
او ممكن البعضض حتي ينفهمون من غير حتى مايتكلمون

او في حال عدم فهم الرجل للمراة ممكن يكونون مختلفين ؛هذا بيئة و هذي بيئة جدا مختلفة ؛ هذا تفكير و هذي تفكير؛ ممكن يؤدي ان مايقدر يوصل لنتيجة و مايقدر يفهمها او تفهمه
يعني ما اعتقد الرجل غبي لدرجة انه مايقدر يفهم المرأة ! يعني مافي غرور ف الكون يمنع الرجل من انه يفهم المراة الا اذا كان غرور غبي

لأن المرأة و إن بلغ غموضها؛ تظل إنسانه حساسة شفافة عاطفية يسهل لأي الرجل الوصل لها و لقلبها و لفهمها و كسبها
أكيد يعني مو أي رجل الا إلي يستحقها : )

 

[Shah7]

بعذ اذنكم حبيت افتح نقاش جديد

هل الرجل مغرور لدرجة ان لا يحاول ان يفهم المرأه
و هل ياترى المرأه غامضة لدرجة ان لا يحاول الرجل ان يفهمها

رأيكم في هذا​

طريقة تفكير الرجل وتفسيرة للأمور تختلف عن المرأة،فالمرأة عندما تتصرف بشكل معين او بنية معينة في الواقع قد لا يفهمها الرجل بالشكل الذي تعتقدة فإما ان يفهم بشكل مغاير عن المقصد اويحتار والسبب ان المرأة لا تضع في عين الأعتبار الإختلاف الفكري بين الجنسين فتعتقد ان الرجل يفهمها تماماً كما تفعل صديقتها المرأة
ولا يلاحظ هذا بالنسبة للمرأة في تصرفات او افعال الرجل وفهما لأن غالب الرجال يعنون تماماً ماقد يصدر منهم من كلمات بشكل واضح غير مبطن فهذه الطبيعة بالرجل تولد لدية صعوبة في فهم الغموض او الكلام الذي ينافي القصد منه...

 

[إيقاع]

شفت هالصورة في الانستقرام وضحكتني. في نفس الوقت خطرت لي عدة أفكار وتساؤلات. ما بقول شي منها الحين.. عشان يكون الموضوع مفتوح حول الصورة لنقاشات الجنسين بما يخطر ليهم بعد رؤية الصورة.

 

[Jouan7]

شفت هالصورة في الانستقرام وضحكتني. في نفس الوقت خطرت لي عدة أفكار وتساؤلات. ما بقول شي منها الحين.. عشان يكون الموضوع مفتوح حول الصورة لنقاشات الجنسين بما يخطر ليهم بعد رؤية الصورة.

ما اعرف ..
عشان ما تكتب انها تحب مثلا او في شخص بحياتها ..
كتبت جذي ..
او انها ما لقت الشخص المناسب

 

[أمواج]

مشاهدة المرفق 16802

شفت هالصورة في الانستقرام وضحكتني. في نفس الوقت خطرت لي عدة أفكار وتساؤلات. ما بقول شي منها الحين.. عشان يكون الموضوع مفتوح حول الصورة لنقاشات الجنسين بما يخطر ليهم بعد رؤية الصورة.

احس لما تقول البنت هالكلام تبي توصل فكرة انها مرغوبة لكنها هي الي ترفض
أو يمكن ما تقبل بالألقاب الي تطلق على العزباء
أو انها توصل رسالة بمعنى أني الي اخترت حالتي الاجتماعية بنفسي مو شي انفرض عليي
أو انها رافضة فكرة الزواج من أساس فما اختارت عزباء تترقب زواجها

 

[NoOony.A]

إلي واثقة من نفسها عادة و غالبا ماتبرر

ما يبرر إلا فعلا الي يحس بالنقص

أتفق مع @أمواج بوجهة نظرها سليمة تماما

بس ليمن الوحدة تمشي و تتكلم او تحاول تثبت لناس العكس
بما إنها فعلا رافضة الفكرة او لها أسبابها الشخصية و إن تكن ؛ليش تحاول بهالأسلوب انها تجيب لنفسها الكلام و توجه الأنظار عليها بالمسببات ؟ يعني تعال طالعوني ماتزوجت بس مو ماتزوجت لأني طايحة بجبد نفسي !! لا لاتفهمون غلط

يعني وش بستفيد لو تكلمت اوه تقدمو ليي واجد اوه تقدم ليي ذاك الدكتور ... امشي و اتكلم بين الناس
الواقع شنو؟شيقول و عليه؟
عساش بس تقدمو ليش و انخطبتين! في النهاية حتى مفهوم اقبال الرجل ف إنه يتقدم لبنت مو بالضرورة إنه خلاص يعني موافق100% و هي الي مصدقه روحها اني الي أرفض
خير؟ محد ميت ع أحد ؛ ممكن الرد يجي بأسلوب مذوق أكثر الفكرة مو في بالي حاليا او ليي اسبابي الي تمنعني ما ابي الحين او ما صار نصيب ووالخ
ف الاخير انتين تتسمين عزباء مهما قلتين و قنعتين نفسش سواء من اسباب شخصية او غيرها

يعني اني أستنقص من البنات الي يمشون بين الناس يسوقون لنفسهم و يقولون تقدمو لينه و خطبونه و جاني فلان و فلان
يعني وش تبين تقولين ؟ اني مرغوبة و حليوة و يخطبوني!؟


نقص هذا

 

[اسراء سوسو]