استفساار لطلاب الهندسه الميكانيكيه والمدنيه ؟؟

Diplomatic

Well-Known Member
تاريخ التسجيل
15 يونيو 2010
المشاركات
80
الإقامة
Bahrain
المجموعة
ذكر
الدفعة الدراسية
2010
الكلية
كلية الهندسة
التخصص
Mechanical Engineering
السلاام عليكم

انا طاالب تمهيدي للحين او مااخذ هندسه ميكاانيكيه

بس كل الي يسألوني وخبرهم اني ماخذ هالتخصص يحبطني ،، خصوصا اني متخرج من علمي ،، يقولون ان المدنيه افضل او احسن خصوصاا لطلااب العلمي ... والميكانيكيه ما تناسب لطلاب العلمي ..

او هل الميكاانيكيه مهتمه بدرااسه السياايير مثل ما يقولون ؟؟


يمكن يكوون سؤالي غبي شوي بس ياريت احد يستحملني ،، خصوصاا اني طالب جديد ؟



 
والله اخوي بصراحه انه مادري اي افضل .. بس جوف انت ميولك شنو .. مثلا انه كنت متخصص هندسة ميكانيكيه بس حولت الكترونيات لاني اميل لتخصص اكثر ..
و عن اي افضل لطلاب العمي .. الله اعلم لاني متخرج من الصناعي

و انه مافهمت شنو قصدك بـ ان الميكانيكيه ماتناسب طلاب العلمي ؟..

و الميكانيكيه .. اتوقع مهتمه بكل شي ميكانيكي يعني لو تخرجت تقدر تشتغل في مصانع .. او صوب الطيارات اذا بتدخل هندسة طيران
المهم.. اي شي فيه صيانه انت بتكون اهناك المسؤول عن العمال

و انشالله اكون فدتك بشي اخوي :p
 
الهندسة الميكانيكية من أقوى التخصصات وربما افضلها

وحلو الواحد يدرسها .. أنا سمعت إن شغلهم ممتع

"

"

"

كل واحد يشوف إن تخصصه الافضل من منظوره الخاص

لكن القرار الاول والاخير يعود لصاحب الشأن في إن يحدد اللي يبيه ويناسبه

ياريت بقية الأعضاء يقدرون يفيدونك

كل التوفيق
 
الهندسة الميكانيكية مو مختصة بالسيارات لكن ممكن تكون داخله في التخصص بس بشكل خفيف .. انا شخصيا كنت صناعي واحس اني قاعد استفيد بشكل كبير من الي درسته في الثنوي وقاعد يساعدني على هالتخصص وبالنسبة الك انته ما ادري عن دراستكم في العلمي بس اهم شي انته تاخد التخصص الا تميل اليه و تحس روحك تحبه وترتاح ليه وبعد تكون عندك اراده قويه وما عليك من الي يحبطونك وماعليك من علمي وصناعي .. هالتخصص يطلب جهد كبير واراده وانشالله اكون افدتك ... بالتوفيق انشالله
 
احنا دخلنا ياخوي 100 طالب في دفعتنا وتخرجنا تقريبا 5 طلبة وجميعنا تقريبا من خريجي العلمي، الصناعي 90% منهم ما يقدرون يواصلون(بسبب مقررات الرياضيات والفيزياء)، ورغم انّي من خريجي الهندسة الميكانيكة (بكالوريوس) إلا أنني لا أفقه في علم السيارات إلا القليل القليل بسبب عدم احتواء المقررات على شي يخص السيارات إلا ما ندر :smile:
 
بما اني لايك يو ، نيو سيتودنت فما بقدر افيدك بشي
واللي قالوه الأخوة يكفي ويوفي ،
بس أخوي في شغله لازم تخليها حلقة بأذنك
" ما عليك من اي شي يقولونه لك الناس ، انت اختار تخصصك بنفسك
وخل كلشي ورا ظهرك ، مدامك حاب الشي وتبيه بيصير ان شاءالله "

الطموح شيئ جميل ماي براذر :smile:

بالتوفيق ان شاءالله
 
مشكوورين كل الي ردوو ،، وان دل على شيئ دل على طيبكم و التعااون الموجود في المنتدى ....

الصرااحه عطيتوني دفعه ،، بعد الاحبااط الي صادني خصوصااا ان كل من يسالني شنو متخصص اقول ميكانيكيه ما يصدق ويستنقص بالشيئ ،،

على العمووم رحم الله والديكم ...
 
حاضرين اخوي و بالعكس ترى ماسوينه شي
هاي واجبنه :p
 
مشكوورين كل الي ردوو ،، وان دل على شيئ دل على طيبكم و التعااون الموجود في المنتدى ....

الصرااحه عطيتوني دفعه ،، بعد الاحبااط الي صادني خصوصااا ان كل من يسالني شنو متخصص اقول ميكانيكيه ما يصدق ويستنقص بالشيئ ،،

على العمووم رحم الله والديكم ...

لا بالعكس عزيزي، بتتعلم من التخصص الكثير، الدراسة بتكون بشكل عام، يعني ما بتتخصص في شي معين، والشغل اليدوي (الورشة) ما راح يمر عليك إلا في 3 مقررات طول فترة الدراسة، مدى التخصص واسع جدا وأكثر تخصص في الهندسة مطلوب في سوق العمل بس محتاج شوية تعب وتفرّغ.

أما بالنسبة انه يستنقص من الشي، فيكفيك فخرا أن تحصل على بكالوريوس الهندسة الميكانيكة من بين عدد محدود جدا من الطلبة مقارنة بالعدد الكبير اللي يدخل سنويا (كل فصل يتخرج طالبين أو ثلاثة فقط). ^_^ تقدر تتحدى مع اللي يستنقص من قيمة التخصص فهو من أرقى التخصصات الهندسة من ناحية الشهادة، مو لأن تخصصي ولكن هذا اللي لاحظته قبل وبعد تخرجي :smile:

مجال العمل في عدد كبير جدا من الشركات الكبيرة والمصانع والجهات الحكومية والخاصة، الطيران، بابكو، ألبا، أسري، جارمكو، جيبك، محطات الكهرباء والماء، الوزارات، والقائمة طويلة.. اذا الله وفقك مع إحدى الشركات الكبيرة ان شاء الله، فمستقبل التخصص مشرق والرواتب ممتازة تصل إلى 800 دينار كبداية :smile:
 
مشكوورين كل الي ردوو ،، وان دل على شيئ دل على طيبكم و التعااون الموجود في المنتدى ....

الصرااحه عطيتوني دفعه ،، بعد الاحبااط الي صادني خصوصااا ان كل من يسالني شنو متخصص اقول ميكانيكيه ما يصدق ويستنقص بالشيئ ،،

على العمووم رحم الله والديكم ...

اتوقع الي يستنقص التخصص

يجهل بالاساس معنى هندسة!

بالتوفيق اخوي
 
شكرا لكم على جهودكم

عندي استفسار

انا طالب تخرجت من كيمياء احياء .. واكيد ما خذيت اللي هو كتاب اساسيات في الميكانيكا فيز 111 في الثانوي
لانه كان مخصص لطلاب فيزياء رياضيات ..

اول فصل في الجامعة قاعدين يعطونا physics111
وهو تقريباً مشابه لفيز 111 اللي خذوه في الثانوي

وانا احس روحي مو فاهم اللي قاعد يشرحه الدكتور واهو يقول انها اساسيات اخذتوها
في الثانوي .. فيشرحها بسرعة ..

انا بالنسبة لي ماخذيتها وطلاب وايد ماخذوا هذي الاساسيات لانها كانت محصورة في
كتاب اساسيات في الميكانيكا حق طلاب الفيز-ريض

فمادري شنو الحل بالضبط
 
البداية ممكن تكون صعبة بس ترى المقرر الجامعي أسهل بوايد من مقرر الميكانيكا :msn-wink:
يعني مجرد قوانين تفهمها وتطبق ... :RpS_sleep:
حتى من دون شرح الدكتور الواحد ممكن يفهمها ... بس شوية تركيز على المعادلات:rolleyes2:
هذي البداية فقط .. والقادم بيكون أحلى وأسهل وأبسط:shiny:

بإمكانك تحضر لسنر عند د.وليد عزام وأضمن لك إن راح تستانس من طريقة الشرح
وإذا مامايدرس هالكورس .. روحله المكتب واطلب منه يشرحلك

كل التوفيق
 
السلام عليكم ..بس حبيت أسال عن الهندسة المدنية أو الكيمائية أنا أبي أنقل للهندسة المدنية وتقديري في الثنوي كان 78 وفي الانج جيد وانا ألحين حقوق أورينتيشن يعني ..بس أبي أسال لو دخلت هندسة بأمكاني امشي ولا لا بما أنا انا في الانج جيدة بس وبعد الدراسة صعبة ولا اوك...
اتمنى تفيدوني...
 
لا بالعكس عزيزي، بتتعلم من التخصص الكثير، الدراسة بتكون بشكل عام، يعني ما بتتخصص في شي معين، والشغل اليدوي (الورشة) ما راح يمر عليك إلا في 3 مقررات طول فترة الدراسة، مدى التخصص واسع جدا وأكثر تخصص في الهندسة مطلوب في سوق العمل بس محتاج شوية تعب وتفرّغ.

أما بالنسبة انه يستنقص من الشي، فيكفيك فخرا أن تحصل على بكالوريوس الهندسة الميكانيكة من بين عدد محدود جدا من الطلبة مقارنة بالعدد الكبير اللي يدخل سنويا (كل فصل يتخرج طالبين أو ثلاثة فقط). ^_^ تقدر تتحدى مع اللي يستنقص من قيمة التخصص فهو من أرقى التخصصات الهندسة من ناحية الشهادة، مو لأن تخصصي ولكن هذا اللي لاحظته قبل وبعد تخرجي :smile:

مجال العمل في عدد كبير جدا من الشركات الكبيرة والمصانع والجهات الحكومية والخاصة، الطيران، بابكو، ألبا، أسري، جارمكو، جيبك، محطات الكهرباء والماء، الوزارات، والقائمة طويلة.. اذا الله وفقك مع إحدى الشركات الكبيرة ان شاء الله، فمستقبل التخصص مشرق والرواتب ممتازة تصل إلى 800 دينار كبداية :smile:
السلام عليكم اخي صادق
انا طالب هندسة ميكانيكية في جامعة البحرين ، وخلصت الفصل الاول ، وأيام قليلة وتفتح فترة تحويل التخصصات وبتكون لي اخر فرصة هذي حق التحويل 🥲.


بدخل في الموضوع :


عندي استفسار بخصوص تخصص الهندسة الميكانيكية ، لاني جفت في اغلب المحادثات في هذا الموقع انت فاهم فيها وعندك خبرة طويلة وعميقة في التخصص ،

انا حبيت التخصص ، ولاكن كان فكري شوي خاطئ وما بحثت فيه عدل يوم قدمت على التخصصات
كنت احب السيارات وافكر التخصص يتكلم عن السيارات وتعديلها وهكذا ولاكن اكتشفت انه هذي الشي مووجود ف التخصص بنسبة جداً ضئيلة ويتكلم فقط عن اساسياتها 😞
وسؤالي هو :
هل لازال التخصص * الهندسة الميكانيكية * عليه الطلب نفس السابق ؟ وسمعت انه الرواتب قلت وصار التخصص مو قوي ، صار لي اشهر ابحث عن التخصص واسئل، والي جاوبوني واحد قالو لي الرواتب جدًا قليلة ك ٢٠٢٣ بالنسبة لتخصصات الباقيه الي لهم علاقة بالتكنولوجيا ، وحاب اغيره واتجه الى الهندسة الكهربائية او هندسة البرمجيات على اساس اني احب البرمجة وال coding 🧑🏻‍💻
، عندك أي تعليق او نصيحة تقدر تفيدني فيها اخي ؟ 😞
 
السلام عليكم اخي صادق
انا طالب هندسة ميكانيكية في جامعة البحرين ، وخلصت الفصل الاول ، وأيام قليلة وتفتح فترة تحويل التخصصات وبتكون لي اخر فرصة هذي حق التحويل 🥲.


بدخل في الموضوع :


عندي استفسار بخصوص تخصص الهندسة الميكانيكية ، لاني جفت في اغلب المحادثات في هذا الموقع انت فاهم فيها وعندك خبرة طويلة وعميقة في التخصص ،

انا حبيت التخصص ، ولاكن كان فكري شوي خاطئ وما بحثت فيه عدل يوم قدمت على التخصصات
كنت احب السيارات وافكر التخصص يتكلم عن السيارات وتعديلها وهكذا ولاكن اكتشفت انه هذي الشي مووجود ف التخصص بنسبة جداً ضئيلة ويتكلم فقط عن اساسياتها 😞
وسؤالي هو :
هل لازال التخصص * الهندسة الميكانيكية * عليه الطلب نفس السابق ؟ وسمعت انه الرواتب قلت وصار التخصص مو قوي ، صار لي اشهر ابحث عن التخصص واسئل، والي جاوبوني واحد قالو لي الرواتب جدًا قليلة ك ٢٠٢٣ بالنسبة لتخصصات الباقيه الي لهم علاقة بالتكنولوجيا ، وحاب اغيره واتجه الى الهندسة الكهربائية او هندسة البرمجيات على اساس اني احب البرمجة وال coding 🧑🏻‍💻
، عندك أي تعليق او نصيحة تقدر تفيدني فيها اخي ؟ 😞

وعليكم السلام .. أهلا عزيزي :)
المشاركة اللي فوق أنا كتبتها قبل 14 سنة تقريبا 😅 ماتوقعت برجع أعلق عليها بعد هالفترة الطويلة
فيه بعض النقاط مازلت اشوفها صحيحة وفيه نقاط أخرى تغيرت مع الزمن

عموما، بالنسبة للهندسة الميكانيكية (البكالوريوس تحديدا) فهو بعيد تقريبا عن السيارات، خلال فترة دراستي ما كان فيه ولا مقرر يتكلم عن ميكانيكا السيارات لا نظريا ولا عمليا ! ربما تم تطوير المناهج لكن بشكل عام لا تتوقع ان بتدرس الكثير عن السيارات وربما لا شي. كذلك الجانب العملي بيكون محدود جدا. التخصص يحتاج انك تحب الفيزياء أولا والرياضيات ثانيا ويركز على علوم مختلفة تتركز في 3 أقسام:
- علم الثيرموداينمكس ويشمل:
Thermodynamics
Heat transfer
Fluid Mechanics
Power plant

علم الديزاين والتصنيع ويشمل:
Material Science
Material and mechanical systems Design
Manufacturing processes

علم الحركة ويشمل:
Dynamics
Kinematics
Vibration

بالنسبة لسوق العمل فهو تغير لكل التخصصات لأن زاد عدد الخريجين والجامعيين بصورة كبيرة جدا، سابقا كل فصل يتخرج كم طالب من هالتخصص، مثلا في دفعتنا تخرجنا ما يقارب 6 طلبة فقط لذلك يقدر سوق العمل يستوعب هذا العدد بسهولة. اليوم مازالت الفرص موجودة ولكن اللي اختلف - في رأيي - ان سوق العمل ما يقدر يستوعب العدد الكبير من اللي يتخرجون كل فصل فيكون لدينا قائمة مهندسين عاطلين على عكس قبل 14 سنة لما كتبت مشاركتي بالأعلى كان لا يوجد لدى وزارة العمل ولا مهندس مر على تخرجه أكثر من سنة عاطل عن العمل، بس هالتحدي بتواجهه في جميع الكليات وجميع التخصصات، في السابق كانت شهادة الهندسة كافية للوظيفة، أما اليوم فلازم الشخص يمتلك امكانيات اخرى مع الشهادة عشان يقدر يسوّق لنفسه وينافس الآخرين. أيضا لفت انتباهي انك تحب البرمجة وهالشي اللي أنا استفدت منه وما زلت استفيد منه، خبرتي في مجال التطوير البرمجي كانت العامل الرئيسي في تطوري الوظيفي، في جميع الشركات اللي مريت عليها ما كان فيه منافسة في هالجانب.

عن الرواتب، شي طبيعي كلما زاد الخريجين والعاطلين زادت المنافسة في الرواتب بس مازلت أشوف رواتب المهندسين مرتفعة نسبيا وعندهم فرص أفضل للتطور من هالناحية، على سبيل المثال طلبة دفعتنا اليوم تتراوح رواتبهم بين 1000 إلى 3000 وهذا يعطي مؤشر جيد نسبيا لسوق المهندسين في البحرين.

يمكن ماقدر أرجح ليك تخصص على آخر لان يعتمد على معطيات كثير تتعلق فيك، لكن اذا قررت تدرس في كلية الهندسة فحاول ما تترك هواية البرمجة لانها قد تكون النقطة اللي تميزك عن المهندسين الآخرين بما انك تقدر تدمج بين الهندسة والتكنولوجيا.

بالتوفيق
 
التعديل الأخير:
وعليكم السلام .. أهلا عزيزي :)
المشاركة اللي فوق أنا كتبتها قبل 14 سنة تقريبا 😅 ماتوقعت برجع أعلق عليها بعد هالفترة الطويلة
فيه بعض النقاط مازلت اشوفها صحيحة وفيه نقاط أخرى تغيرت مع الزمن

عموما، بالنسبة للهندسة الميكانيكية (البكالوريوس تحديدا) فهو بعيد تقريبا عن السيارات، خلال فترة دراستي ما كان فيه ولا مقرر يتكلم عن ميكانيكا السيارات لا نظريا ولا عمليا ! ربما تم تطوير المناهج لكن بشكل عام لا تتوقع ان بتدرس الكثير عن السيارات وربما لا شي. كذلك الجانب العملي بيكون محدود جدا. التخصص يحتاج انك تحب الفيزياء أولا والرياضيات ثانيا ويركز على علوم مختلفة تتركز في 3 أقسام:
- علم الثيرموداينمكس ويشمل:
Thermodynamics
Heat transfer
Fluid Mechanics
Power plant

علم الديزاين والتصنيع ويشمل:
Material Science
Material and mechanical systems Design
Manufacturing processes

علم الحركة ويشمل:
Dynamics
Kinematics
Vibration

بالنسبة لسوق العمل فهو تغير لكل التخصصات لأن زاد عدد الخريجين والجامعيين بصورة كبيرة جدا، سابقا كل فصل يتخرج كم طالب من هالتخصص، مثلا في دفعتنا تخرجنا ما يقارب 6 طلبة فقط لذلك يقدر سوق العمل يستوعب هذا العدد بسهولة. اليوم مازالت الفرص موجودة ولكن اللي اختلف - في رأيي - ان سوق العمل ما يقدر يستوعب العدد الكبير من اللي يتخرجون كل فصل فيكون لدينا قائمة مهندسين عاطلين على عكس قبل 14 سنة لما كتبت مشاركتي بالأعلى كان لا يوجد لدى وزارة العمل ولا مهندس مر على تخرجه أكثر من سنة عاطل عن العمل، بس هالتحدي بتواجهه في جميع الكليات وجميع التخصصات، في السابق كانت شهادة الهندسة كافية للوظيفة، أما اليوم فلازم الشخص يمتلك امكانيات اخرى مع الشهادة عشان يقدر يسوّق لنفسه وينافس الآخرين. أيضا لفت انتباهي انك تحب البرمجة وهالشي اللي أنا استفدت منه وما زلت استفيد منه، خبرتي في مجال التطوير البرمجي كانت العامل الرئيسي في تطوري الوظيفي، في جميع الشركات اللي مريت عليها ما كان فيه منافسة في هالجانب.

عن الرواتب، شي طبيعي كلما زاد الخريجين والعاطلين زادت المنافسة في الرواتب بس مازلت أشوف رواتب المهندسين مرتفعة نسبيا وعندهم فرص أفضل للتطور من هالناحية، على سبيل المثال طلبة دفعتنا اليوم تتراوح رواتبهم بين 1000 إلى 3000 وهذا يعطي مؤشر جيد نسبيا لسوق المهندسين في البحرين.

يمكن ماقدر أرجح ليك تخصص على آخر لان يعتمد على معطيات كثير تتعلق فيك، لكن اذا قررت تدرس في كلية الهندسة فحاول ما تترك هواية البرمجة لانها قد تكون النقطة اللي تميزك عن المهندسين الآخرين بما انك تقدر تدمج بين الهندسة والتكنولوجيا.

بالتوفيق
اعتذر عن التأخير في الرد و شكرًا اخي المهندس ، قبل فترة كنت جاهل عن هذي المعلومات وعن طريقة البحث الصحيحة عن هذه التفاصيل في التخصص ، بس فعلاً الهندسة الميكانيكية طلعت الأقوى في الكلية والامتع لي، واكتشفت فيها اشياء متعمقة وتفاصيل اكثر مثل ما انت قلتها واكثر ، و احمد ربي اني ما غيرته من بعد فضل الله وفضلكم ونصايحكم الي عطيتوني اياها ، ويعطيك العافيه والله يوفقك في الدنيا والآخرة يارب 🤍🤍
 
عودة
أعلى أسفل