هل تؤيد دراسة الفتيات للهندسة

هل تؤيد دراسة الفتيات للهندسة

  • نعم

    الأصوات: 146 78.9%

  • لا

    الأصوات: 39 21.1%
  • مجموع المصوتين
    185
اني اقول البنات قدها وقدود في كل شي
مو كل البنات هع
خل الدلوعات ع صوب
 
السلام عليكم

مثل ماقالوا بعض الاعضاء ان في تخصصات تناسب البنات و في تخصصات ماتناسبهم

بس في النهايه كل واحد يتخصص التخصص الي يريحه و يحس ان مناسب لقدراته و ميوله

و ما اايد ان الواحد يدش الهندسه بس علشان الشهاده لأن ذي تفكير مو منطقي

اول شي بيكون تعب عليه لأن هالتخصص مو سهل

و ثاني شي يمكن يضيع سنوات من حياته ويكون ماحقق الي يطمح له

و اصلا بالتحديد العماره و التصميم الداخلي اجوفه انسب للبنات اكثر من الشباب لما فيه من ابتكار و تصميم

بس مايمنع ان الشباب يدشونه

و في النهايه كل واحد له وجهة نظر
 
لا والله ام كاسر واضح انج قدها وقدود
 
خخخخ
بس اني مو بالهندسة اني حقوق
الهندسة يبي ليها تدقيق ورسم وهاي لاشياء اني ماعرف ليها
 
ARGMAN قال:
YELLOW SHADOW
من الي انتقص من قيمة البنات؟ من الي سخر؟؟ ههههههه
انا اشوف كلمن يمدح في البنات :p

الخلاصة: فيه تخصصات تميل الى الرجل ويميل اليها (تناسب الرجل أكثر من المرأة)
وفيه العكس بعد محد نكر !! يعني انا لو اشوف رجال مصمم ازياء بنات بكل اختصار (اتضايق)
اضغط هنا للتوسيع ...


ههههههههههه ليش تضايق احسن مصصمين الازياء رجاال
احسن الطباخين رجاال
>>>اللحين انتون ماتنتنقصوون من البناات الا من الصبيان مساكيين :nosweat:
--------------
وجهة نظري في المووضووع
اي تقدر ليشششششششش لآ!!
أساسا اني كليه علوم بحول مدنيه عالاقل التعب والكرف الي نسووييه على شي يستاهل اسمها هنندسه رزة
صراحه رحت فيزيااء طبيه كبديل للطب بس اني ماحب الفيزياا
اهو صج المدنيه فيها بس ان شالله الله يقدرني :rolleyes2:
 
ما في اي تخصص من التخصصات يكون مخصص او محكور على فئة انها تدرسه

يعني ما نقدر نقول الهندسة للشباب بس مو للبنات

على العكس ساعات تلاقين شباب ناجحين في تخصصات البنات مثل (الطبخ + الخياطة )
واكيد في بنات راح تنجح في الهندسة والخ

يعني اهو على العزيمة والأرادة =)
 
?????ماادري

والله بصراحة نفس ماقالو بعض الاعضاء على حسب الارادة والعزيمة والبنت

بس ابي اسال ؟؟؟؟
شنو الفرق بين الهندسة في العمارة والهندسة المدنية وشنو صعب فيهم؟؟افيدوني
 


tammy tailor

صح كلامج بس انا قاعد اتكلم عن قاعدة، أو عرف، لكن كل قاعدة لها شواذ، والعرف مب دين!!

Ro7ylak

المدنية لها علاقة اكثر بجسد الديزاين << مصطلح ألفته الحين

باختصار الي اعرفه ان الهندسة المدنية للشوارع والمدن، يعني موادهم مثلاً:
highway
ويدرسون كله عن الاسمنت وانواع الاحجار
بالاضافة لمواد البناء وشلون يصبون وجذي

الهندسة المعمارية شغلهم في الديزاين نفسه
يعني الدايمنشنز مال البيت، طول العمارة، مواقع الغرف... الخ الخ
 
محد قال ويش رايه بهندسة الحاسوب للبنت أنا من وجهة نظري أشوفه يناسب البنت و الولد في آن واحد ؟!!
 
hanan313 قال:
محد قال ويش رايه بهندسة الحاسوب للبنت أنا من وجهة نظري أشوفه يناسب البنت و الولد في آن واحد ؟!!
اضغط هنا للتوسيع ...

اتفق معاج، لكن تخصص هندسة الحاسوب مايتبع تخصصات كلية الهندسة اللي يناقشونها الزملاء في هذا الموضوع
 
uob-bh قال:
اتفق معاج، لكن تخصص هندسة الحاسوب مايتبع تخصصات كلية الهندسة اللي يناقشونها الزملاء في هذا الموضوع
اضغط هنا للتوسيع ...

لكن بعتقادي أنه هندسة مثل باقي تخصصات الهندسة
 
hanan313 قال:
لكن بعتقادي أنه هندسة مثل باقي تخصصات الهندسة
اضغط هنا للتوسيع ...

بالتأكيد تخصص مهم وكانت رغبتي الاولى ولا زالت ولكنني نقلت الى الميكانيكية قبل أن أبدأ دراسته، ولكن عدم كتابة هذا التخصص في هذا الموضوع لا يعني التقليل من شانه، اطلاقا، بل لأن الموضوع مدرج في قسم الهندسة فالاخوان فضّلوا نقاش التخصصات التابعة لكليتهم لذلك لم تتم كتابته، ولكن يمكن ادراجه ونقاشه :smile:
 
تعليق بخصوص هندسة الحاسوب:-

اذا معظم دراستهم في ال Hardwares فطبعاً راح يكونون من صوب كلية الهندسة

لكن اذا معظم دراستهم في ال Softwares فراح يكونون من صوب كلية تقنية المعلومات

و هذا الكلام من وجهة نظري
 
هندسة الكمبيوتر كانت فرع من قسم الكهربا

يوم فتحوا كلية الآي تي نقلوهم هناك:nosweat:


انا اعتبرها من تخصصات الهندسة وكانت رغبتي الاولى وان شاءالله بدرسها في المستقبل:showoff:
 
هندسة حاسوب جدا سهله مقارنة في تخصصات الهندسة جدا جدا جدا سهله !

هي فقط تخصص كمبيوتر متطور ! مع احترامي لهندسة الكمبيوتر .. بس من الظلم اشمالهم بالمهندسين :D
 
بشكل عام من وجهة نظري الشخصية التخصصات التي تختص بالتصميم وما الى ذلك تناسب ولكن تخصصات التي تتطلب النزول الى حقل العمل لا تتناسب وفق للمجتمعانا

التخصصات التي تشمل الجانبين (مثل الكهربائية) تناسب ولكن فرص العمل المناسبة للبنات قليلة
 
عليكم السلام ورحمة الله وبركاتة

مافي مشكلة
لكن مو كل التخصصات اوكي
 
bayern قال:
هندسة حاسوب جدا سهله مقارنة في تخصصات الهندسة جدا جدا جدا سهله !

هي فقط تخصص كمبيوتر متطور ! مع احترامي لهندسة الكمبيوتر .. بس من الظلم اشمالهم بالمهندسين :D
اضغط هنا للتوسيع ...

ابدا ابدا ابدا ابدا ابداااااااااااااااااااااااااااااااااااااااااااااااااااااااااااااااااااااااااااااااااااااااااااااا
موسهلة مو سهلة مو سهلة
حراااااااااااااااااااااااااااااااام عليكم:schmoll:
وتعتبر هندسة:RpS_sleep: وصعبة
:smile:
 
سلام عليكم ..

أنا أشوف أن الدراسة ونوعها يعتمد على شخصية الشخص نفسه ..يعني سواء يناسبأو لا
يعني نعرف بنات حالهم حال الأولاد سيارات ومكانيكا وتبعها ..ونعرف أولاد يحبون التصميم والإبتكار ففعليا يعتمد على شخصية الطالب نفسه ..وإذا فكرنا فيها من ناحية المجتمع فالمجتمع صار متقبل أكثر لدراسة البنات العندسة بشكل أكبر من قبل بنسبة كبيرة .. وإذا رحنا للمناطق المحافظة تبقى للبنات القدرة على دراسة التصميم الداخلي والهندسة المعمارية لأنها مناسبة بدرجه عالية لأنوثة البنات وقدرتهم على التصميم والإبداع ..

وفالنهاية هي مجرد وجهة نظر..
 
انا هندسة مدنيه وماشاء لله احس البنات اكثر من الاصبيان .... وحتى الاشغال والاسكان والوزارات الي رحتها في وظايف وايد تناسب البنات ومب شرط ... انا اقول الابنيه تتحمل كل شي والاراده تسوي كل شي وكل واحد وحريته
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل