روآيـة روعـة لعضوتكم حٌـور ( عينآك موطني )

[♑•.мзŗмăįԀ]

|| الجزء التاسع والعشرين ~ ||
::
::

وصل خالد ولكن حاس انه نوايا هالبنت خبيثه ,, وخايف انه تتضرر علاقته بعد معاناة من اصلاحها وصل وهو يستغفر ربه ومو عارف اللي يسويه صح ولآ لأ

جرآح : شفيك خألد ؟
خالد : سلامتك , وصلنا بس انا حاس انه ورا هالبنت مصيبة احساسي يقولي هلون

جرآح بضجر : صل ع النبي خذ الي تبيه واطلع ,,

خآلد : يالله

نزل خآلد ووراه جراح .. وصل للشقه اللي دلتهم عليها روعه كان شكلها مخزي ويجيب الشك والريبة وخاصه انه هالشقه بعيد عن الناس

روعه بابتسامة خبث : هلا باللي نورنا هلآ

خآلد بغضب : هاتي اللي اخذتينه دام النفس عليج طيبة

روعه بضحكه عالية واستهزائية : هد يا الحلو لك اللي تبيه بس مو قبل ماتشوف المفآجئه اللي محضرتنها لك
..
جرآح : صج انج قليلة ادب يالله هاتي اللي اخذتينه خلينا نمشي

بجانب اخر كانت تستمع لتلك الضحكه الهازئه سارة وهي ع باب الشقه ..

وصلت وعينها تمتلأ حرارة ,, الدمع والقهر

روعه وهي تناظر ورا جرآح ومو مكترثه بكلآم الاثنين : آهآآآآآ تمام وصلت المفاجئه ,,

ساره بعيون تدمع وصدمة كبيرة غير انفاس بجيها ..

خالد الي التفت لورا لقى احلى ملآك بشكله التعبان وبشهورها الاخيره المفروض ترتاح .. وعيونها بدموع غيرة وعتاب ! وقهر ورسمة مجهولة لا نعلم محتوى مضمونها ..

سارة اللي ماقدرت تتحمل هالموقف هاي اخر شي كانت تتوقعه من جراح وخالد ,,

وسارة اللي ماحاولت تفهم الموضوع وتعطي فرصه للنقاش والمجال للحديث ..
لانها بدون سابق انذار .........
اختفت فجآه عن ناظري جراح وخالد ,, وبسرعه فائقه .. لانه الموقف نفسه جراح وخآلد وبشقه معزولة عن الناس ,, وبنت بهالشكل !! ليش ؟!

خآلد بثورة غضب صفع روعه ... صفعه خلها توتعي لآفعالها الجهنمية ..

جرآح اللي مسك خالد .. : خآلد ,, خلها تولي هاي وحده حقيرة ,,, ما تستاهل تنجس روحك فيها .. خلنآ نمشي ,,
خآلد بغضب كبير : والله والله لو يصير في سارة شي بتدفعين الثمن غالييييييي ..

اختفى جراح وخالد عن روعه ولكن صفعه خالد خلفت في روعه الكثيييييييييييييييييييير الكثير هذه المره ,,, من افعالها الوقحة ,, !! واعمالها اللي تخلي الناس تكرهها ,, فقدت وظيفتها وفقدت اهلها وفقدت صداقاتها وفقدت اكثر ناس طيبة مثل بدر وزياد ,, وخسرت بنت عمها والكثير الكثير من حياتها ,,, !

::
::

جراح وخآلد اللي مالحقوا ع سارة ,, واختفت من بين ايديهم ووهي بخطر لانه بشهورها الاخيره ,,
جراح بحسافه : مالحقت عليها يا خالد .. ! مادري بآي طريج راحت ,,

خآلد بآلم : حسبي الله ونعم الوكيل ,, يالله ندورها اكيد ما بعدت عن اهني

جراح : يالله
...

ساره بدموع حرقة ,, خآآلد ! ايي منك هالشي ,, وجراح اخوي !! عضيدي تسوي فيني هلون ليـــش ؟؟ نزلت راسها وبدموع حرارة من القلب .. حبيبي خآلد

++ ياليتج يا سارة فهمتي خآلد قبل هالوقت .. جآن عرفتي كل شي ++

خآلد بغضب وهو يضرب ع السكآآن : ماترد على التلفون ,, مآآآترررررررررد

جرآح بآلم : خآلد صل ع النبي الحين اتصل في بدر وزياد يدورونها معانا ,,

خآلد بآلم والدمعه ع وشك السقوط ,, : خآيف عليهآ يا جرآح .. اذا صادهآ شي ما بسآمح نفسي ,,

جرآح الي نزل من السيارة واتصل في بدر ,,,,

بدر : هلااااااا هلاا بالغالي توك ع البآل

جرآح بضجر : وينك بدر ؟

بدر اللي تغير صوته : جرآح شفيك ؟؟

جرآح : بعدين اخبرك الحين موب وقته .. لازم نحصل ساره ,, لانه زعلت ومانعرف وينها !

بدر : سآآرة ؟؟

زياد اللي من سمع اسم سارة التفت ,, الى بدر مباشرة ..

بدر : خلآص فهمت الحين انه وزياد نطلع .. !
زياد : عسى ماشر ؟
بدر : يالله بقولك بالطريج ..
زياد : خير ان شاء الله ,,,


::
::

الساعه : 3:30 ظهرا ,,,


عبير بتردد : يمى ؟
ام خآلد وهي تجهز طاولة الأكل للغدا .. : خير يمى ؟
عبير : يمى لا سارة ولا بدر ولا خآلد بينوا !!
ام خآلد بوسواس : شقصدج يمى (وبدون تفكير ) ,,,,,, قومي قومي اتصلي فيهم
عبير بخوف ,, : ان شاء الله يمى ..
الا بدخلة خآلد وجرآح .. ! ... والضجر باين على محياهم بالاضافه الى التعب ..
عبير بخوف : خآلد ؟ جراح ؟؟ وين سارة ؟!


جراح بآلم : مآندري !
ام خآلد وقلبها يرقع من الخوف : شنو يعني ماتدرون ؟؟

جرآح بضجر وخآلد مو قادر ينطق من خوفه عليهآ : زعلت وطلعت ولآ ندري وينهآ .. مآترد ع التلفون ..

ام خآلد اللي توهآ بتتكلم .. الا بدخلة زياد وبدر ..
بدر بحزن ويأس .. : مالقينآهآ ..
خآلد اللي نزل راسه بالارض .. وبعيونه الف دمعه ودمعه وزيآد بالمثل .. هاي الغاليه موب اي انسانة .. هاي الحنونة هاي الملاك هاي الي اذا مشت الكل يحترمها يوقرها .. هاي سارة اللي ملكت الدنيا بابتسامتها ,, الغاليه ..

زياد بقلة صبر : بنطلع ندورها مره ثانيه .. ولا يهمك يابو وليد ..

خآلد بابتسامه الم : تسلم يا الغالي ..

طلعوا مره ثانيه ع اساس البحث من جديد عن سارة .. سارة اللي تعذب الكل بابتسامه منها
سارة الحنونة الطيبة اللي قلبها يشيل الكـل ، ! وين رحتي وخليتي الكل في دوامة من بعدج
مرت سآعتين آخرى من البحث ولكن دون جدوى ,, ! خآلد وجرآح عجزوا وقف خآلد لآنه فعلآ تعب ! وقلبه يررقع بخوف
دقايق الا بدر بصوت متقطع : خآلد تعآآل بسرعه لقينآآ سارة على شارع ( ....... )

خآلد بفرحة : صج بدرر ! طمني عليها اهي بخييييييير ؟؟؟
بدر بضجر ,, : بسرعه خآلد لآ تطول ! ناطرينك ..
خالد : آلو ,, بدر ؟؟ رد علي ..؟؟؟؟؟
قط لتلفون بسيارته وركب مع جراح الى الجهه المقصوده

::
::








خآلد الي وصل : هآ بدر وينهآآ سآرة ؟؟ تقول اهني !!
بدر اللي موب عآرف شقول لأنه يدري بمعزة سارة وزيآد اللي قلبه متقطع : ساره صآدهآ حآدث ونقلوهآ
خآلد بصدمة وهو يسمع صوت الآسعاف يتوارى من بعيد : شـــــــــــــــــنو ؟؟
جرآح بآلم : بدررررررر اختي صار فيهآآ شي !! تكلم قوووول ,,
زياد بضجر : صلوا ع النبي ماندري ,, يينا متآخرين يالله خلنا نمشي ,,
بدر : يالله نلحقهم .. مآندري عن اي شي ان شاء الله كل خير ,, !!

::
::

بدر الي كان يدور على عمى وهو مو عارف ليش سارة زعلانه وليش قلبهآ مجروح من خآلد وجرآح ,, ! لو يدري بدر انه هو السبب بكل هالمصيبة شراح يسوي !

وشبصير لو عرف انه حبه دمر حب وحياة وكيان اخوه . اللي مستعد يضحي بكل شي علشانه .. !؟
تأأبعوأ معأأنأ ,,

::
::
كآن ذلك الممر يضم جرآح وخآلد وبدر وزيآد اللي كآنوا وآقفين بدون اي نفس ينتظرون اي حد يطلع ويطمنهم وخالد اللي الدنيا فيه ضيقه كانها قبر صغير
شسويت بحبيبة قلبي .. كل ماقول الدنيا بتسعد من بينا يزيد الهم والمشاكل
هاي ملاكي وقلبي وحياتي .. دقايق قطع هالتشتت صوت الطبيب ..
خالد بلهفه : دكتووووووور طمنييييي ؟

الدكتور وهو يناظر هالنظرات التعبانه : البنت حالتها تعبانه وايد والحادث كان قوي واحتمالية تدخل بغيبوبة بعد 24 ساعه والجنين راح يكون بخطر .. فلازم نسوي عملية فورا ونخليه تحت المراقبة ..
صــــــــــــــــــــــــــــــدمة وقعت على راس بطل قصتنا .. سارة بهالحالة بسببي
جراح اللي نزل على الارض وبعينه الف دمعه ودمعه وزياد وبدر !! علامات استفهام كبيرة !!
هذا واقع او خيال ؟!
بدر بضيج و بهمس : لا حول ولا قوه الا بالله العلي العظيم

,,
::
::

كانت هذه اللحظات مريرة بالنسبة لخالد ,, سارة سارة ساررة حب حياتي يا سارة حبيت من قبلج بس انتي حب دنيتي .. قلبتي حياتي فوق تحت من عرفتج
شلي سويته ياخالد ,, اومأ برأسه وفي عينه الف دمعه ودمعه وكل دمعه تحكي معاناة يديدة ,, شكله الحزن ماراح يفارقك يا خالد السعاده موب لاقيه دربها معااك
تذكر كل الذكريات ضحكتها ابتسامتها دمعتها وناستها زعلها ... كل هالشي كان كبير بالنسبة لخالد ,,, !

.......... مرت سويعات قليله دون ان ينطق خالد بكلمة تعبر عن الموقف ..

سعاد اللي وصلت وقلبها يرقع من الخوف : جرااااااااااااااااح يمى اختك وينها ؟؟ شفيهاا
جراح الي ضم امه بقوه وهو يبجي ..

سعاد تساقطت دموعها ,, وتباعدت عن جراح توجهت الى خالد وخالد دون ان يرمش له عين هذه المره لانه ماحدث كارثة !! : يمى خالد ؟؟ سارة شفيها تكلموااااااااااااا شفيكم ساكتيييييييييييييييين ,, قولوا لي بنتي شفيهااااااااا ؟؟
.....
بدر : عمتي صلي ع النبي .. للحين مافيه اي اخبار .. ادعيلها تقوم بالسلامه .. !

سعاد وهي تبجي : ويلي عليج يابنتي ...

::
::

كان موقفا صعبا .. لا يستطيع خالد ان يختار ..لانه لا يوجد خيار اساسا كان مضطرا الى التوقيع وهو مقهور متندم لما حدث ,,كانت من اتعس سويعات حياته الكل كان موجود تلك الليله .. لآنها ليلة ولاده سارة ولكن دون ان تشعر بهآ ,, دون ان تراه للوهله الاولى ,, دون ان تحس بشعور السعاده التي تشعرها كل ام بعد ان تفجر مابداخلها ,, عندما تلامس يديها يد صغيرها ..

::
::

كانت سويعات مؤلمة فعلا ,, على الجميع ,,, ابو ناصر اللي رد لآنه تعب .. ومايقدر ,, انه يسهر وايد ,, وام ناصر ردت معاه مع توصياتها للجميع انه يبشرها بالاخبار الحلوه
ومعاهم هدى ,, !

بدر وزياد .. اللي راحوا بعد علشان بكرا ملتزمين بطلبية ومايقدرون يتآخرون ,,

فتم جراح وخالد ,, وعبير وهند وسعاد وام خالد ,,
كان الكل ع اعصابه وخاصه خالد ,, ياويل قلبك يا خالد موب مستعد تسمع مصيبة يديدة ,,





::
::

الساعه 1:30 صباحا ,, !

طلع الدكتور ,, من غرفة العمليات .. وبان عليه الانهاك والتعب ,,
سعاد بدموع حرقه وآلم : ها يادكتور ,, !
خالد مع عمته وبصوت تعبان وآآيد : دكتور طمنآآآ
الدكتور بآبتسامه آمل : الف مبروك ياكم ولد مثل القمر ,,
خالد بعدم اكتراث : زوجتي ؟ زوجتي ,, شلونهاااااا ,, بخيييييييييير ؟؟
الدكتور : للآسف زوجتك دخلت بغيبوبة وتحت رحمة رب العالمين ,,
سعاد وهي تبجي .. من قلب ,,
ام خالد وهي تبجي بعد .. تبجي ع سارة وتبجي ع حظ ولدها المتعثر ,, وتبجي ع فرحتها بولد خالد .. وكانت دمعه اخرى لعدم وجود ابو خالد بهذه الليله ليشهد هذا الحدث ,,,

كانت هنالك تناقضات كثيرة ,, لم نفهم مغزاها ,, بدمعه ام خالد ..

وعبير وهند الي ماسكين يد بعض ,, وعيونهم تعبر عن مشاعرهم ..
عبير بخطوات ثقيلة ,, راحت للممر الآخر ,, جراح اللي كان يالس ع ذاك الرخام البارد ,, يرتجف خوفاا ع عزيزته سارة ,, وبعينه دموع كثيرة لآول مره كان هذا المشهد يمر على عبير ,, لم ترى قبلا جراح بمثل هذه الحالة ,, نزلت بمستوى جرآح ..

عبير بابتسامه وهي تدمع بدموع رقيقه ع وجنتيها : جراح
جراح بصمت .... !
عبير : جرآح شفيك .. ؟ صل ع النبي ليش ترجف ,, انت تعبان ؟
جراح بصوت مخنوق : اختي ياعبير ,, اختي .. سارة ..
عبير بهمس : لا حول ولا قوه الا بالله .. جراح هاي ارادة رب العالمين
جراح بضجر وحزن : ونعم بالله ..

::
::

كانت ليالي عصيبة جدا .. تمر على العائلات الثلاث .. لم تكن مثل التي سبقتها ..

كانت هذه الليالي تشع بمزيج من الحزن والكآبة .. توقفت الضحكات .. وعاد النحيب والبكاء من جديد ... !

كان هنالك من يتألم ايضا ... ناصر .. كانت تلك الذكريات البالده تمر بمخيلته .. يتذكر ضحى ..

صدى ضحى بذلك المستشفى ذو الجدران البارده ..
لم يهنئ احد بنومة .. هانئه ..

مرت اسابيع متتالية .. !

غادرت عبير بدموع حارقة لتلك الغربة ... وفي قلبها مزيج مؤلم
خالد .. الي اخذ اجازه طويلة لآول مره ياخذ مثل هالاجازه كان دائم النوم والسهر مع سارة

كان كل يوم يكلمها .. لعلها تستيقظ من سباتها العميق ..

لعل هذه الدمعه المعلقه آن لها ان تجف .. قريبا ..

مرت الاسابيع الثلاثه ببطئ شديد مع بروده الجو ..

::
::


وآن لوليد آن يكبر ويستيقظ هو الآخر .. !

::
::

. بـ ع ـد مرور 6 ايام من ذلك اليــــــــوم ..

سعآد بفرحة عارمة : صجججججججج خاااااااااااااااالد ؟ من صجك تتكــــــــــــــلم ؟
الكل اجتمع يم سعآد .. والابتسامه تعلو شفاها ..
ام ناصر بتعب : عسى ماشر يا سعاد ؟ شلي صاير
سعاد بفرررررررحة : صحت بنتي صحتتتتتتت
الكل بابتسامه عميقه : الحمدلله .. الحمدلله .. !

.....
ساره بتعب .. : يمــى وين .. ( بكلمات متقطعه ) .. وين ولدي ؟
سعاد بابتسامه : ولدج موجود .. يبتي احلى قمر يا بنتي ..
....
بدر وزياد الي من سمعوا خبر سارة فرحوا .. وما زال الخبر مجهول ,, ليش سارة بهالحال ,, !
خالد الي دشش ومعاه) .. وليد ) كان حامله بدينه الثنتين

..
كان وليد يحمل ملآمح الاثنين عيون سارة .. وملآمح خآلد ,, كان مثل القمر ..

خآلد بتردد : عـمتي ..
سعاد بفرحة : هاته فدييييييته هالولد ..
ساره بابتسامه لمنظر وليد مع سعاد .. ولكن .. لم تعرر خالد اي اهتمام وكآنه خالد ماله وجود بحياتها ,,, !

النرس : مسامحه بس الياهل مايصير يتم اكثر برع ..
سعاد : طيب بيي معاكم ..
النرس بابتسامة عذبة ,, : حياج ,, خآلة

::
::

كانت الاجواء اشبه بعاصفه هبت ودمرت كل ماتراه امامها
كان الصمـــت .. يسيطر على تلك الغرفه ..

خآلد بابتسامه تعب : حمدلله ع سلامتج

ساره بصمت ,,, دون ان تنطق بكلمة وآحـدة ..

خآلد بضجر : شفتي وليد ,, يشبهج وايد ههه مثل القمر ,,

ساره كذلك لم تعير خآلد ادنى اهتمام ,,

كان خالد دائما حكيما لم يشأ ان يتكلم بهالموضوع .. لانه الموضوع موب وقته

وتوه ساره قايمة بالسلامة من بعد هالفتره الطويلة اللي عاشتها بالمستشفى ,,

سعاد الي ردت بابتسامه كبيرة ,, مستانسه ع حفيدها ,,
ساره : يمى ,,
سعاد الي مسحت ع راسها : خير يمى ..؟
وخالد ينتبه باهتمام ,, لكل حركة تصدر منها ,,
سارة : متى بنروح البيت ,, ؟
سعاد بابتسامه : قريب يمى ,, ام خالد بتسويلج اكبر حفلة بمناسبة ردتج بالسلامة ,,

سارة : يمى .. ابي ارد معاج البيت .,
خالد بصدمة وسعاد بصدمة اكبر ,, : ليش يمى ؟
ساره بصمت .. !!
::
::
خالد كان وايد متضايق طلع ,, بره يتمشى وبقلبه حسرة ,, ليش يا سارة ؟ ليش تعامليني بهالطريقة ’’ ؟! ياليتج تفهميني ’’ ؟ مثل ما انه تفهمتج ..

ياليتج تحسين ان انه انسان من حقي اعيش ,, مثلج ,, عندي مشاعر ,,

الا بطريجه بدر وزياد
..
بدر : خآلد ؟؟ تستاهل سلامة الغالية ..
زياد : تستاهل سلامتها يا الغالي ..
خالد : الله يسلمكم ..

بدر بفرحة : وين بتروح ؟ مو واحشتنك ؟؟

خالد بقلبه : واحشتني موت ,, بس ياليت اهي بعد ..

خالد : تعباان ,, بروح ارتاح .. تقدر اتم مع عمتي ؟ وتشوفها اذا محتاجه شي او لأ ,,

بدر الي حس انه فيه شي : ان شاء الله ..

زياد الي هم حس انه الموضوع فيه ان .. معقولة خالد الي ماداوم من اسابيع ,, علشان سارة ويوم صحت بيمشي ,,؟؟

غادر خالد .. ولم يعد تلك الليلة ,, اتى الجميع لزيارة .. سارة ..
عبير الي كان اتصالها سبب سعاده جراح ..
عادت الفرحة من جديد للجميع ,, بعودة سارة وولاده وليد ..
وليد .. الي مصيره ما زال مجهول .. ؟
ام ناصر : بسآلكم ؟ وين خالد ماله حسس ؟
ساره الي تضايقت ,, لسببين لعدم وجوده ولسيرته ..


++ شهالتناقض يا سارة ؟؟ ++

الكل تلك الليله يسال عن .. خالد ,, خالد وين رحت ذيج الليله .. ؟؟

::
::

الى هنا تتوقف حكايتنا تابعونا بالجزء القا دم~
مع احداث جديدة ~ وباقي الحكاية تكتمل ~
شنو تتوقعون ~ شنو بصير ؟
شنو استنتاجاتكم ~ ؟!

انتظروني قريبا بالجزء 30

 

[♑•.мзŗмăįԀ]

|| الجزء الثلاثين ~ ||
كانت تمر سريعا هذه السويعات ~ عادت كما كانت سابقــآ عاد كل شي كما كان ~
حياة العزوبية ~ لخالد وسارة .. ! لانه سارة لم تعد من ذلك اليوم
وما زال الجميع .. لا يعلم ~ ما حدث تلك الليلة ~
حتى جراح ~ لم يعلم .. ماهو سر تلك الاوراق والمذكرات ؟! ..
..
هذه الاحداث ... أجلت واطالت على عشاقنا ~ قصص حياتهم ~
بدر والريم ~ قصة لم تكتمل الى الآن ~
اما جراح فما زال قلبه جريح على اسمه ~ يلاقيهـآ من وين ولا من وين ~ !! سارة كانت ماتكلمه ~ وعبير الي سافرت ~
بدون ماتكتمل فرحتهـآ ~ ,, !
اما سعاد وام خآلد ~ فهـم .. سعيدين بولادة " وليد " وليد الي كان مثل القمر من جماله ~ ولكن بطل قصتنا خالد ~
شنو حاله وهو يشوف ولده بالحسرة ~ !!
,,
هند وجاسم .. الي قرروا مايطولون ~ بفترة خطوبتهم ~
وكان يبي يتزوج هند ~ بوقت قريب ~ !
،،
اما هدى وناصر .. احلى علاقة اخوية مرت ..
ناصر الي ولده يكبر ويكبر ~ وهدى وناصر علاقة جميلة جدا ~
بين احلى اثنين ~ لعل هدى تحمل قلبا طيبا ~
اما روعه .. فأختفت تماما .. ولم تعد ولم نعد نراها من تلك الليلة ~
لعل تلك الليلة ~ علمتها انه هذا الاسلوب هو اكبر خطأ تسويه
وانه قلوب المحبين لا يمكن تفريقها ابدا ~
..
:: الساعه التاسعه والنصف .. صباحا ::
مكتب خالد ~
عاد خالد .. مره اخرى الى شغله ~ .. وكان وده انه هالامور ما صارت وكان وده انه سعادته تدوم ~
بس الظاهر يا خالد الله كاتب لك الشقى وين ماتروح ~ !!
مسح ويهه بيده ~ وقرر يتصل لسارة ~ يشوفها اذا محتاجة شي
بالرغم انه ما كان يقصر بالمصروف والاغراض الي يشتريها لولده كانت تكفيه وزياة ~
هذا خالد الي نعرفه ~ !! خالد الكريم ~ الي ما يستسلم ابدا ~
خالد الصبور ~ !!
..
رن الهاتف بينما كانت سارة تداعب صغيرها ~ الي كل مايكبر يوم عن يوم تكون ملامحه " خالد " .. !
سارة الي من شافت رقم خالد اعتفس ويهها وبدون نفس : آلو ؟
خالد بابتسامة لعذوبة صوتها : شلونج سارة ؟!
سارة : بخير ~
خالد بضجر : عسى دوم .. كنت متصل اشوف اذا محتاجة شي ~
سارة بملل : لا شكرا ~ ذا احتجت شي بخلي امي تخبرك ~
خالد بآلم : وليش مب انتي ؟!
سارة : خالد بليز ~ جرحتني بما فيه الكفاية ~
خالد : وتحرميني من ولدي ؟ وتحرميني اشوفه يكبر جدام عيني .. هذا ولدي مثل ماهو ولدج ~ ليش تعامليني بهالطريقة وانتي ماعطيتني مجال اقولج الي صار ~
ساره : هه مايحتاج .. وفر ع عمرك وولدك وقت ماتبي تشوفه تعال شوفه ~ محد ماسك والحين تبي شي ؟!
خالد بضيج : سلامتج ~
ساره : حياك الله ~
انقطع الاتصال بين سارة وخالد ~ وكان سارة تحجرت مشاعرها ~
امسكت بيدي طفلها ~ واخذت تبكي ~ تبكي لشخصية ليست هي .. ليست سارة من اعتدنا عليها بداية القصة
قسى قلبج ياسارة .. على اعز الناس لج ~ !!
..
زياد كان يشعر بالضجر لولادة سارة ~ ربما يا زياد لم تستطع الى الان نسيان سارة ~ سارة من ملكت قلبك وروحك ~
وتركتك وحيدا كما فعل السابقون ~
زياد كان بقلبه حرة ونار .. شلي صار ؟ شلي صار ؟ كان متضايق بس بنفس الوقت ضيقته على ولد خالته كانت اكبر
لانه قاعد يشوف سعادة من بنى وحقق احلامه واعتبره اخوه الكبير قاعدة تضيع بين يدينه ~ !
..
اما بدر فما زال سرحان بعالم اخر .. عالم يرى نفسه مع الريم
ريم القلب .. الي ملكت قلبه وعقله ~ ..

STOP
نطلع بره القصه اشويه ~ بعالمنا الحالي ما نلاقي مثل هالحب
ولكن قصتنا لازم تكون عبرة لكل شخص يحب ولازم مايضحي بحبه تحت اول عقبة تصيده ضد هالحب ~
مثل مايقولون مافيه مشكلة بدون حل ~ ولازم كل انسان يفكر بالحل الصحيح من البداية ومايترك الظروف .. تسيطر عليه ~

..
ابو ناصر : ها يا اختي .. ماعرفتي شفيها بنتج ~ مايصير كملت الاربعين يوم واهي عندنا من حقه زوجها يردها باي وقت ,,
حرام الي قاعده تسويه ~
سعاد بآلم : انت متضايق من وجودها ؟ يا اخوي
ابوناصر : افا بس ياختي افا ~ تقولين هالكلام .. اذا ما لمكم بيتي تلمكم عيوني ~ بس حرام معور قلبي هالفقير خالد ,, ما يستاهل الي قاعده تسويه بنتج ~
سعاد : كلمتها يا بو ناصر بس مافيه فايدة ~ مب راضيه تتكلم ولا تقول شلي صار ~ ولا راضيه تسامحه وترجع ~
بوناصر بضجر : لا حول ولا قوة الا بالله .. خلاص بكلمها انه بعدين وبشوف شفيها ..
........

الشباب ..

بدر بالم : معور قلبي اخوي احسه رجع لحياته القبلية وحياة الملل الي يعيشها بدوامه اموت واعرف شلي صار
جراح ساكت بضجر ومايبي يتكلم ويقول الي شافه ~
زياد بتردد : جراح ليش ساكت ؟ انت كنت مع خالد .. شلي صار
بدر بفضول وعينه تروح لزياد مره وجراح مره ثانيه : انه عندي احساس كبير انه انتوا الاثنين .. خاشين عني شي وهالشي يخصني انه ويخص اخوي ماتتكلمون ؟
جراح الي ما زال صامت ~
زياد : بصراحة بدر ؟
بدر : اكيد زياد قول ~ ..
زياد : الي صار لاخوك كله بسبب روعه ~
جراح انصدم شلون زياد يدري !؟ معقولة خالد خبره ~
بدر بصدمة : شلون ؟ وروعه وين اصلا ؟!
زياد بتوتر : بدر ~ روعه ماتبيك تاخذ الريم ~ لانه روعه تصير بنت عم الريم ~ واهي تبي ريم لاخوها ~ وحاولت وماقدرت فغبائها وصلها انها تدمر حياة اعز ماعندك غير ريم ~ وهو خالد ~
بدر بصدمة وضجر : يعني تعاسة اخوي بسببي انه ؟!
جراح : لاتقول جدي يا بدر ~ هاي وحده مريضه نفسيا وماعندها هدف بالحياه ~ المفروض الحين انت تزيد عزيمتك وتاخذ الريم وتكسر شوكتهم ~ وخالد وسارة مردهم بردون لبعض ~
زياد بابتسامة : بالضبط ~
بدر بابتسامة الم .. لانه بدر بالنسبة له فركش سعادة اخوه واخوه الي عطاه كل ما يتمنى بنى سعادة اخوه على سعادته ~
مسكين يا خالد ~

..
هند وجاسم الي كانوا عايشين بسعادة ~ وعمرهم من صارت خطوبتهم لليوم صار بينهم اي خلاف ~
احلى مافيه الموضوع التفاهم ~ اذا انبى الاساس صح مشت الحياه صح ~
..
.........
:: بعد مرور اسبوع ::
طرقات خفيفة على مكتب خالد ~
خالد : تفضل ~
بدر بابتسامة : قوة يا احلى اخو بالعالم ~ !
خالد بفرحة : هلا والله .. نورتنا ~ ها اليوم عندنا .. اكيد عندك شي ~
بدر : بصراحة اي في موضوع ~
خالد بابتسامة لاخوه : قول اسمعك ~
بدر بتوتر : متى بتزوج الريم ؟
خالد بطريقة غير مفهومة : خلاص يعني مصر على الي في بالك
بدر بتردد : يعني انت مب موافق ~؟

خالد : لا انه ماقلت هلون يا بدر ~ هذي حياتك وانت ريال وواعي لكل تصرف بتسويه بس لازم تحسب حساب للزمن ومستقبلك
مب خايف هالنسرة مرت ابوها تسويلك مشاكل ؟

بدر : انه مب خايف منها ولا من غيرها ~ اصلا انه مباشرة بتزوجها وبنسافر ~ وخلها تموت بقهرها ومابيدها تسوي شي
اوراقنا كلها شرعية وعلى سنة الله ورسوله الا اذا انت تشوف شي ثاني ؟

خالد بابتسامة : حاسبنها صح يا الملعون ~ خلاص قول الوقت الي تبيه واييب لك الشيخ ونملج ~ بس ياحرام بنيه بعمرها مابتستوي لها حفلة هالشي يقهر والله
بدر : هههههههه وشلنا بالمصاريف
خالد : هههههههههههه ملعون واحد ~

..
في بيت ام حمد ~ ام حمد الي كانت تتصل بروعه طيلة هالايام الي طافت ولكن بدون فائدة ~ واليوم بس لقط الخط وياها ,,
ام حمد بعصبية : وينج انتي وينج ماتقولين لي وينج ؟
روعه بصوت تعبان : مرت عمي انه تعبانه قولي لي شتبين ؟
ام حمد بصوت عالي : ماتدبريني انه حاسه انه في تخطيط من وراي هالي عندي بتجلطني ~ ماتساعديني ونفتك ~
روعه بتعب : مرت عمي .. ساعدتج لين ماضيعتيني سمحيلي ماراح اضر اي شخص مره ثانيه ماستفدت شي باللي سويته غير اني خسرت كل شي احبه ~
ام حمد بعصبية : نعم ؟ عيدي ياعمري شلي اسمعه كلام يديد ,, انتي مصيرج بيدي
روعه بضجر وتعب : هه مرت عمي تعبت منج انه الي بوديج بستين داهيه اذا ما خليتي كل شي يمشي مثل ماهو ,,
ام حمد : وقمتي تهددين ؟ تهددين بشنو ها ؟
روعه : مرت عمي مابي اطولها معاج ~ بس اذا ماوخرتي عني بقول لعمي عن كل شي مخططه له ~ يلا باي ~
ام حمد بغضب ~ شلي قاعد يصير الكل انقلب ضدي ~ جدي بتخسرين الكل يا ام حمد عيدي حساباتج ~ وعيد تخطيطاتج ماكو شي راح اصير بدون يد مساعدة ,, يد وحده يا ام حمد ماتصفق ..=)
....
اما عبير الي اليوم ~ .. كانت شبه فرحانة خلصت محاضراتها ~ من وقت ~ عبير الي احتشمت روحها واحتشمت حياتها لدرجة تخلي محد يتجرأ .. يتقرب منها ..
عبير الي كانت فرحانة انها متأكدة راح تسعد اخوها وترفع راسه ,, وتتمنى السعادة لبدر اخوها العزيز الي وحشهـآ .. وحشته هبالته وحركاته ,, وام خالد تاج راسها .. وقدوتها .. وطبعا الي مكانه بالقلب ومايروح عن بالها ابدا " جراح " .. !!




بعـــد مرور شهر ونص ~ ..
كان وضع ام حمد في تدهور ~ وخاصة بعد ما ابتعد عنها الكل ~
صعب نشوف ,, روحنا بهالعمر ْ وحيدين بدون احد نشكيليه همومنا ,, ويتحمل فينا .. ويراعي مشاعرنا ..
ابو حمد الي سافر مع ربعه الى ماليزيا .. منذ اسبوعين ونصف ..
وريم الي دايما بغرفتها .. وماتطلع ابدا .. !
وحمد الي يرد اخر الليل ويروح يرقد مباشرة ,, !
كان الوضع قاتل في ذلك المنزل ~ ! وين صوتج يا ام حمد .. !
..
اما في بيت خالد فهو لا يقل عن بيت ام حمد .. ولكن يوجد هنالك حركة دائما .. ام خالد حوالينها اعيالها الي تحبهم ويحبونها يهتمون لها .. وتهتم لهم .,, ! وطبعا الاخت الكبيرة " ناهد " كانت بين فترة وفترة تيي ,, وتييب معاها ولدها .. ولدها الي شكله صاير جميل وقمري ,, !!
..
بيت بو ناصر كان هنالك حركة ايضا .. ولد ناصر .. وهند وهدى .. وجراح ,, وجاسم .. كان الكل يعمل لأجل مستقبل يحلم به .. كان الكل يريد ان يصبح سعيدا ,, ويسد باب الحزن ويوارى جثمان الماضي بعيدا ,,
كانت كل الامور تسير كما هي ولم يتغير اي موضوع ,, ولم يتغير اي ساكن حول ماجرى ,, !
صدق المثل الي يقول " الخبر نفس الخبر " ..


..
اليوم هو يوم الجمعه .. وهو يوم التجمع المفضل لدى العائلتين .. الكل غسل ايده من سالفة سارة وخالد .. ولكن خالد مسكين .. ما زال يتعذب .. حول غياب سارة .. سارة الي اتعود ع ضحكتها وحسها بالبيت .. انه احبج يا سارة ومستحيل اخونج ~ ياليتج تسمعين لي ولو خمس دقايق ..
..
ام خالد : ها يمى ؟ مابتيي ويانا ؟!
خالد بضجر : لا يمى تعبان انه اليوم ,, !
ام خالد بزعل على ولدها : ليش يمى ؟ مب لازم تروح تتطمن ع ولدك ؟ ولا قلبك قسى يا يمى ؟ مو هذا الي كنت تتمناه ؟
خالد بابتسامة : يمى يا يمى .. ماحب اشوفج تزعلين ,, مابيج تزعلين بيوم ولا يتكدر خاطرج ,, انتي عندي الدنيا ومافيها ,, ماتدرين شلون دمعتج غاليه عندي ,,
ام خالد الي مسحت دموعها : عيل قوم يايمى قوم وياي ,,
خالد باستسلام : ان شاء الله يمى ..
الا بنزلة بدر ,,
بدر : ها يمى جاهزين ,, !؟
ام خالد بابتسامه : اي يمى بننتظر اخوك يبدل وبنمشي مع بعض ,,
بدر بابتسامه : ان شاء الله عيل بروح اشوف زياد دقايق وبرجع لكم
ام خالد وخالد : ع خير ,, !
,,
هند بدلع : جسوم ,,
جاسم : عيون جسوم .. قلبه وروحه وحياته ,, امريني
هند بضجر : ابي اطلع من الجامعه ,,
جاسم الي بطل عينه : شنووو ؟ لييييش ؟
هند الي قعدت ع الكرسي : بس مالي خلق دراسة تعبت وانه ادرس ,,
جاسم بابتسامه وراح قعد يمها : شوفي هند عمري ,, بخليج كل شي تسوينه وتلبسين الي تبينه واي شي تبينه بصير تحت امرج .. بس الا دراستج .. لا تخلينها تتأثر .. واذا زواجنا بأثر عليها .. انه مستعد أأجل الموضوع ..
هند بضجر : بسس انه ...
جاسم : الا دراستج ياهند .. محد بينفعج .. انه ماتغربت علشان ابي اتغرب واتونس .. انه اتغربت علشان دراستي وادري محد بينفعني غير شهادتي فشيلي هالموضوع من بالج .. وبحركة لطيفه ع ويه هند " زين ياحلوة ؟ "
هند بابتسامة : ان شاء الله ..
جاسم : فديتج حياتي .. يلا قومي نبدل بييون بيت عمي الحين ~
هند بابتسامة : يلا ~
..
كان لجاسم تاثير كبير على قرارات هند .. كانت هند تعتبر جاسم الزوج والحبيب والاخو والابو والام وكل شي .. جاسم من طبعه الحنون المزوح الطيب .. الي قلبه ع نواياه طيبة ..
....
سعاد بعد ماجهزت : ها سارة يمى ؟ لا تقولين لي مابتنزلين بعد ؟
ساره بابتسامة : بالرغم انه مالي خلق .. بس بنزل لعيونج ..
سعاد الي قعدت يم بنتها : يمى ام خالد مرت خالج خوش ادمية وقفت معاي بكل مشاكلي .. كان مثل الاخت حقي وماظنها بتضرج بيوم .. لا تدخلين مشاكلج بخالد فيها .. اعتبريها امج الثانيه .. ومسكينة ماصدقت ع الله تشوف هالحفيد ,, !
سارة باستسلام : ان شاء الله يمى كاني ببدل وببدل وليد معاي ~
سعاد بابتسامة : يالله همه يمى ,,
سارة : ان شاء الله ,,
....
فعلا كان حديث سعاد خاليا من الخطأ , ام خالد مالها خص ,, باللي يصير بين سارة وخالد ,, مهمها يكون اتم مرت خالها ,, الحنون الطيب الي ماقصر معاهم بشي ,, ويتم وليد حفيدها ,,
.....
بدر وجراح الي اللتقوا ,, مع زياد ..
زياد الي احواله ماشية ومايحب اخبر احد بالي يفكر فيه والي شاغل باله ,, زياد الي من يوم يومه كتوم .. ومايحب يتكلم بشي ,,
اخذهم الحديث ,, وكان الجميع مبتسم هذا اليوم ~ .. !!
....
اما في بيت ام حمد .. !
ام حمد الي كانت تطق الباب بطرقات مخيفة : ريــــــــم ردي علي ياريم ~
ريم بفزع .. : شفيج يا خالتي ؟
ام حمد بتعب : تعبانه ريم تعبااااانه لحقي علي ,,
ريم بتوتر : خآآآلتييييي خآآآآآآآلتييييييي شفيج يا خالتي ,,, ؟؟

ياترى شنو تتوقعون باحداث قصتنا القادمة ... ؟ وشنو اليديد بصير
في مجرى يديد بينفتح في قصتنا ولا لاء ؟!
شنو امنياتكم بعد هالبارت ؟ وشنو بصير في ام حمد ؟
وشنو توقعاتكم ؟ واستنتاجاتكم ؟ تابعوني قريبا ~ !!
بالجزء الــ31 ..