حذف الملفات من الموبايل

[c o d e]

السلام عليكم

شباب , في طريقة نمحي الملفات من صور وصوتيات وغيره بطريقة نهائية ؟
اقصد غير الطريقة العادية , على ما اسمع ان حتى لو حذفناهم بهالطريقة ممكن يتطلعون بطريقة بروفيشنال

هل صحيح هالكلام ؟

 

[UOB-BH]

وعليكم السلام ورحمة الله وبركاته

- شنو نوع التيلفون؟
- الملفات موجودة في ميموري التيلفون الـ BUILT-IN أو الميموري الاضافية الـ PORTABLE اللي تقدرين تشيلينها من التيلفون؟

 

[c o d e]

سوني اريكسون w995
في شي في الاضافية وفي شي في الاساسية

 

[UOB-BH]

المشكلة أنا استخدم نوكيا =) لكن خلنا نتكلم من وجهة نظر تقنية

الميموري كارد المنفصلة تقدرين تسوين لها فورمات بعد توصيل التيلفون بالكمبيوتر واختيار Mass storage من التيلفون، نروح My computer وبنلاقي ميموري التيلفون الخارجية كأنه فلاش ميموري ونقدر نسوي لها فورمات، ولكن هالنوع من الميموري يعتمد مبدأ وجود قسم للمحذوفات كما هو الحال مع هاردسك الكمبيوتر، يعني دائما هناك طرق لاسترجاع (جزء) من الملفات المحذوفة لأصحاب الخبرة. فأنا أفضل اذا بتبيعين الجهاز وفيه أشياء خاصة في الميموري فلا تبعينها مع التيلفون حتى بعد الفورمات الشامل.

أما بالنسبة لميموري التيلفون، فإذا سويتي لها فورمات ((شامل)) محد بيقدر يسترجع منها شي لأنها built-in ، للأسف ماعندي فكرة عن السوني أريكسون، لكن لاحظي ان هناك نوعين من الفورمات للتيلفون، فورمات سريع جزئي وفورمات شامل، احرصي على تطبيق النوع الثاني. مثلا النوكيا نقدر نسوي فورمات سريع من التيلفون، لكن لمسح جميع البيانات بشكل نهائي نغلق التيلفون ونضغط ثلاثة أزرار (* + 3 + زر الاتصال) لمدة 5 ثواني متواصلة ثم نعيد تشغيل الجهاز بنلاقي ميموري الهاتف ممسوحة وكأن الجهاز جديد.

أنا بحثت عن السوني ووجدت بس هالطريقة للفورمات، طبعا أول انسخي كل الملفات اللي محتاجتها إلى الميموري الخارجية
(الاعدادات >> عام >> ارجاع الاعدادات الأصلية >> إعادة اعداد شاملة)
لكن مادري مدى فعاليتها، وان شاء الله مستخدمي السوني اريكسون يفيدونج أكثر

 

[c o d e]

يعطيك العافية صادق , ألف شكر