لكل حواء تهتم بنفسها ... خلطات ... مكياج ... ملابس ...

[..أتومآ..]

شكله من محل دايسو لا ؟

إختي يبيعون منه في الصيدليات

​

 

[صاحبة الظل]

شكله من محل دايسو لا ؟

مسامحة خيو توني ارد عليش
لا مو من هالمحل بس مثل ما قالت اتوما متوفر في الصيدليات

 

[بســــــكوتــــــة!]

هلا بنوتات
حبيت اسألكم بنسبة للحبوب السودة الي تطلع على الخشم تعرفون شي اشيلها
جرب كريم نيتروجينا للحبوب السودة هو اخففه بس وقت ما تحطينه بس ارد يرجع يعني ما استفدت منه
وجربت كلين اند كلير كلش دا ابدا ما منه فايدة
فشنو اتعرفون من كريمات او طرق الازلة الحبوب السودة

اختي انا كانت عندي نفس المشكلة فنفسج جربت كل انواع المنظفات وما فاد مرة كنا رايحين محل اسمه صبايا يبيع اغراض صالونات من كريمات وصبغات وغيره فجفت عندهم لصقة إلي تنحط على الخشم قلت ليش ما اجربها!! طبعا جربتها اول مرة والدهون إلي كانت سادة مسامات خشمي كلها طلعت على اللصقة فقمت احط لي كل اسبوع لصقة إلين ما حسيت انه راح بشكل شبه تام وبعدها قمت كله استخدم سنفرة المشمش حق ويهي (افضل النوع التايلندي لان فيها حبيبات اكثر) فمايبينون الحين وطبعا كل ما احتاج اللصقة موجودة عندي لاني الحين من زمان ما استخدمتها

وهاي صورة الغلاف

اما بالنسبة لطريقة الاستخدام فهي كالتالي:
1- تبللين الانف بالماء الدافئ
2- تاخذين اللصقة وتشيلين غلافها
3- تحطينها على الانف وتحاولين تشيلين اي فقاعات هوائية تحت اللصقة
4- تبللين اصابعج بماي دافئ وعقب تبللين سطح اللصقة لكن مو تبللينها بشكل مفرط
5- تخلين اللصقة على الانف لمدة 15- 20 دقيقة عشان تجف
6- تشيلين اللصقة وعقب تغسلين الانف جيدا وتجففينها بفوطة


والنتيجة اختي بكون مرضية

 

[طفله بحرينيه]

اني من زمان اراقبكم عبارتن هههههههه بس استحي اشارك
اني بطبعي احب اجازف في جسمي وفي شعري وفي كل الاختراعات
ولله الحمد خلال شهرين جفت نتيجة لاكثر من شيء
اول شيء وجهي اعاني عقب الحفاف من حب وعندي اثار حب وكنت ماقدر اطلع بدون خافي عيوب او بودرة وهالشيء مضايقني
طبعا اطلعت على هالموضوع واستخدمت غسول ماجفت احد كتب عنه بس كللللش حليو وتمام ينظف عدل عدل وينعم الوجه وفادني
واستخدمت قناع الطين وكلش حليوو بس اذا تميت اسبوع ما استخدمه يدهن واجد وجهي
واستخدمت كريم روز
كلهم مع بعض

بصراحة بقى اثار الحبوب 10%
رغم اني ماداومت عليهم متقطع بس فعلا النتيجة عاجبتني واحين مو كل مرة احط بودرة او خافي عيوب
حتى فالجامعة ساعات ما احط كلش ماستانسه
في خلطة بشتريها بـ 13 اسمها بيوتي
يقولون كلللش اوكيه ناوية اشتريها واداوم عليهااا


بس استخدمت شيء بس عبارتن محد تكلم عن هالنقطة فلين وصلتون لهالاشياء وحلولها بحط الي استخدمته
لان النتيجة واووووو

 

[c o d e]

ماتحطين ماي ورد عقب الحفاف ؟
يصك المسامات ويخفف من الحبوب , يمكن بشرتش حساسة بعد ,,

بالعكس خيو , حطي تجاربش عشان الكل يستفيد =)

 

[موج هادي]

وه .. واخيرا وصلت اخر صفحة ..

تعبت + عجبني المووضووع عددل ..

بقول ليكم تجاربي ..

بالنسبة للقشرة ..

استخدمت شامبو اسمه فونجيتار .. غرشته بيضا ومكتوب عليه بالووردي ..

فعــلا .. خلال اسابيع .. راحت القشرة .. لكن من تركته .. ردت رجعت ..



حب الشباب + الاثاار

استخدم كريم ريحته كريهه شوي .. من الصيدلية ..

نسيت اسمه .. هوه عصاره ..

احطه عل الحبة .. وترووح ..

واستخدمت بعد كريم من العطار .. بس بدوون اسم ..

غرشة بنية صغنونة .. والي داخلها لونه اصفر ..




استخدمت قناع الطين من هميلايا .. والغسووول ..

وااجد وااجد زين ..


وطبعا مداومة على المعجووون ..





لي رجعه بوصفات جديدة

 

[عبير البنفسج]

اني للحين استخدم منتجات هملايا لان جد فن

و ننتظر الباقي

 

[flower_aj]

وااااايد عجبني الموضوع , وحلوة معلوماتكم
.
انه بالنسبة لي , بشرتي حساسه , وكان فيني حب شباب وايد , بس استخدمت غسول كليراسل والحمد لله قل الحب

 

[ملكة^_^الاحساس]

انه فيني اثر حب الشباب اوماعرف شاسوي شلي الطريقه

 

[mute]

اني حب الشباب يزيد ويخف بسبب هرموناتي ...

وما يفيد وياه شي

 

[روح البحر]

هلووو بنات

يعطيكم العافيه
انا اعاني من الشعر الصغار تحت الجلد في الساقين صايرين كأنهم حبوب سوده منقطه

جربت اشيل الشعر بكل شي مافي فايده شهر عن شهر يزيدون صاير المنظر قبيح وخشونه مو طبيعيه

شالحل

 

[ماث ستيودنت]

^^^
شكلش تشيلين ببراون ..
خليه يطلع كامل و شيلي بالحلاوة او الشمع .. جم مرة و بصير اوكي ..
و رطبي بشرتش ..

 

[ماث ستيودنت]

السلام عليكم ..
الموضوع حليو جدا ..
و قريته من البداية للنهاية
بل وايد تحوسون في بشرتكم اني اخاف
ما احب الخلطات الطبيعية احس مفعولها بطيء و اني اتملل بسرعة ..

بالنسبة للقشرة اني استخدم شامبو كلير وايد فادني لان كان شعري كله قشور و نفس الجبال في فروة راسي و حبوب و حكة لكن استخدمت كلير و صار تمام و ريحته حليوة ..
اني ما استخدم كريمات لشعري لاني ما احب الدهن .. اذا كلش كلش استخدم بديل الزيت بانتين ..

بالنسبة للوجه استخدم كلين اند كلير الاخضر بس اذا حسيته جاف احط كريم جونسن شوي على الخدود :

^^^
هالكريم صديقي و صديق اياديي

اما الاستحمام استخدم سايل الاستحمام يا ديتول يا لوكس :

لوشن استخدم فازلين بالصبار

مزيل رائحة استخدم ليدي سبيد ستيك رول او ريكسونا :

و ساعات استخدم هالبودرة :

اممممم هذي الاشياء اللي استخدمها ...
و لابيلو للشفايف اني كله شفايفي جافين عندكم حل ليهم ؟

شدخل حاطة اغراضي ههههههه بس اقول ليكم يعني لا تصيرون وايد مهووسين و اجوف من نفسي

تحياتي ​

 

[c o d e]

السلام عليكم ..
الموضوع حليو جدا ..
و قريته من البداية للنهاية
بل وايد تحوسون في بشرتكم اني اخاف
ما احب الخلطات الطبيعية احس مفعولها بطيء و اني اتملل بسرعة ..

بالنسبة للقشرة اني استخدم شامبو كلير وايد فادني لان كان شعري كله قشور و نفس الجبال في فروة راسي و حبوب و حكة لكن
استخدمت كلير و صار تمام و ريحته حليوة ..
اني ما استخدم كريمات لشعري لاني ما احب الدهن .. اذا كلش كلش استخدم بديل الزيت بانتين ..

بالنسبة للوجه استخدم كلين اند كلير الاخضر بس اذا حسيته جاف احط كريم جونسن شوي على الخدود :

^^^
هالكريم صديقي و صديق اياديي

اما الاستحمام استخدم سايل الاستحمام يا ديتول يا لوكس :

لوشن استخدم فازلين بالصبار

مزيل رائحة استخدم ليدي سبيد ستيك رول او ريكسونا :

و ساعات استخدم هالبودرة :

اممممم هذي الاشياء اللي استخدمها ...
و لابيلو للشفايف اني كله شفايفي جافين عندكم حل ليهم ؟

شدخل حاطة اغراضي ههههههه بس اقول ليكم يعني لا تصيرون وايد مهووسين و اجوف من نفسي

تحياتي ​

يه يه , تقرير كامل
الشامبو هالنوعية كأن مرة شفت يتكلمون عنه مو زين ومانعينه في الامارات (في دبي مدري وين ) .
+ المزيل بعد هالنوع مو اوكي , اذا تقدرين اخذي واحد طبي أفضل
في واحد اسمه salt of the earth , واحد ثاني بعد بش مو ذاكرة الاسم ( يمكن حطوه اهني في الصفحات اللي قبل )

 

[ماث ستيودنت]

اي اني بعد وصلني عن الشامبو تقرير بس حسيت هرار

بالنسبة للمزيل هو اهم شيء ما يسد المسام مو طبقة يعني نفس السائل هو .. داك اللي نفس الشمع خطير ..
​

 

[♑•.мзŗмăįԀ]

عَن نفسي استخدم من سنتين ..
صنَدل..

صنَدل عبارة عن ماده طبيعيه
مثل البودر لونها لون التٌراب .. اشتريها عادتن من عٌمان ..

اضيف لها ماي وَرد .. واحطه لين مايجف
النتيجة جدا جدا جدا جدا
مفيده للويه

ان شاء الله ابيعونه بالحواج او ماشابه ..

لان ماقط شفته اهني .. وانه اشتريه من عمان ..
الي يحصله يخبرني ..
والي يبي صورته بعد يخبرني وبصوره لكم

 

[mute]

اني استخدم شامبو لورياااال ... حليو للشعر يجي شامبو بروحه وبلسم بروحه

حتى استخدم سيروم تصفيف الشعر من لورياال حده حليو

تمسحين ابه الشعر وهو مبلل قبل االاستشوار

الكريم للامانه ما جربته​

 

[mute]

شامبو وبلسم

اني استخدم شامبو لورياااال ... حليو للشعر يجي شامبو بروحه وبلسم بروحه

حتى استخدم سيروم تصفيف الشعر من لورياال حده حليو

تمسحين ابه الشعر وهو مبلل قبل االاستشوار

الكريم للامانه ما جربته​

 

[ماث ستيودنت]

السلام عليكم
اممم ويش فيكم ساكتين ..
بغير السالفة الحين ..
ويش تلبسون تحت العباية للجامعة ؟
اني بنطلون و فانيلة خفيفة لان معظم الاحيان عبايتي مصكوكة ..
و اي حذاء و انتوا بكرامة تفضلون اني اي شيء فلات بس اغلب الاحيان صندل ..
​

 

[♑•.мзŗмăįԀ]

كله صنآآآآآآآآدل !
مريحين واحسن ..

بس اتوَرط فيهم اذا بجي اتمسَح للصلاه