لكل حواء تهتم بنفسها ... خلطات ... مكياج ... ملابس ...

[Ms.Angel]

ثانكس اجمل احساس

يبيلي اجرب غسول غارنيه لايت
لانه اغلب الغسولات جربتهم وما يناسبون بشرتي

لي عوده بالاغراض الي استخدمها حاليا ​

 

[رَحِيـــقْ !]

تجربتي الجديدة .. دايما اجوف هالجهاز لمن اروح البرادات او الصيدليات .. وعزمت اشتريه وفعلا

تجي مع الجهاز 14 قطنه .. للتنظيف العميق ... واذا خلصو في نوعين من القطن يبيعونهم بالبرادات ..
مخصصين ليها .. حبييتها عدل ، شعوور عجيب ومنعش .. وسعرها حليو


​

 

[9AF2_95]

موضوعكم حده عجوووووووبي


من قبل كنت مجرد اقرأ خلطات في النت ..
مارحت جربت الخلطات اللي فيها اشياء مبالغ فيها
لكن جربت اشياء متواجد بكل بيت و حسيت بتعطيني نتيجه في الاخير
و من تجرباتي للبشرة :
مثل ماذكرتوا الليمون مع الشكر وايد تمام ^_-
& ماسك العسل " تتركينه ربع ساعه على الوجه " (( تصير بشرتج صافيه ))
& الفازلين اللي محد يستغنى عنه
&ماي الورد
& صابون كركم " كارتونتها خضرها "
وايد زينه
تنفع للي بشرتهم دهنيه و اللي فيهم حب الشباب
" و اللي فيهم حب في وجههم .. يقدرون يستخدمون قطور العيون يحطونه على الحب .. راح يخلي الحب ييبس و شوي شوي يتقشر بروحه و مع الايام يروح اثره ^_-

و بمناسبة الشعر .. فالشعر مايعتمد على الشي اللي تستخدمونه بس ..
ف الاساس اهو شلون تغسلون شعركم ..

و بالنسبة للأسنان : طبعاً الكل يفرش اسنان بمعجون و خلاص انتهت السالفه خخخ ×)
بس في أوادم اللي يعانون من اصفرار الاسنان ..
ف انصحهم يضيفون مع المعجون (عسل ,ملح , ليمون) .
و بعد للي يبي اسنانه بيييضة بييضة .. يتم يفرك اسنانه بقشور الموز وايد تمام و بتلاحظون النتيجة مجرد لو جربتوه لفترة بسيطة بس ..

 

[FATO L]

قرأت الموضووووع كاامل والله يقدرني اجرب كل شي كتبتونه فيه ..

عن نفسي للوجه :
اغسله بصابونة كركم الهندية ام ربيتين ونص <<< حتى للجسم جنان
بعدين انضف ب اسكينول بقطنه بعدها احط ف قطنة ماي ورد وامسح بها وجهي
ومرة في الاسبوع احط كريم فيوسدين او فيوسيكورت قبل ما انام لتقشير الوجه ويوم ثاني اغسله ..

احلا غسول استخدمته غسول قارنيه بالليمون .. يبيض وأحسه يورد خدودي شوي
وللترطيب استخدم فازلين في الليل والصبح كريم بيبانثين <<< لين بتطلعون لازم تحطون وراه كريم حماية من الشمس .. اذا ماتستخدمون كريم الحماية لاتحطونه وانتون طالعين ..

البودرة استخدمت ماكس فاكتور وبورجواز وماك <<< كلهم حليوين عليي وكل مرة استخدم وحدة غير ( بس الأفضلية لبورجواز )
وحق الإشفة قبل ما انام احط فازلين فوقه حمره سحرية ولين اقعد من النوم اقشرهم بفرشاة اسنان لين ماتصير اشفتي خالية من أي تشقق .. بعدين احط مرطب لابيلو

للهالات تحت لعيون ما استخدمت أي شي .. كلا اقول بحط خيار واتخايب

أما بالنسبة للشعر :
قبل ما اغسله ادهنه بزيت سمسم <<< تقريباً كل الزيوت استخدمتها بس اكثر شي عجبني السمسم و النارجيل ( خفيفين على الراس وريحتهم خفيفه ماتعور الراس والنتيجة تمام )
وعشان القشرة .. ما أستخدم شي حقها .. اكتشفت طريقة بروحي من بعد استنتاج من قراءة وبحث عشان تروحح :sly: ..
ومشيت على الطريقة والقشرة خفت تدريجياً .. احين فيني خفيييف يعني يطلع بس مو بشكل واضح

المهم الطريقة هي :
طبعاً من فيكم ماتحب تسبح بماي حار ؟
عقب ماتخلصون الحمام بكون مشحون بخخار من الماي الحار .. فتكون فروة الشعر معرضة للرطوبة والرطوبة من عوامل تكون القشرة !
فاحنا وش لازم نسوي ؟ نهوي الحمام وقبل مانفوط شعرنا ننفشه لتحت وتنفضونه لمدة دقيقة تقريباً ( اني أحسب لل 60 وأوقف )
بعدين افوط شعري بطريقة خفيفة وما اكتم عليه وأرد انفشه لمدة دقيقة تقريباً
وبعدين اطلع واني مغطتنه ..
ثاني شي درجة حرارة الغرفة لازم تكون طبيعية مو معرضة لتهوية المروحه أو المكيف ، وتخلون شعركم يتهيأ على درجة الحرارة مدة 5 - 10 دقايق وبعدين تردون تنفشونه .. وجدي من فترة لفترة انفشوه لين ما يجف نهائياً ..
وبهيك القشرة مابتاخد راحتها عشان تطلع ..
الزبدة .. لاتعرضون شعركم لدرجات حرارة مختلفة دفعة وحده من غير مقدمات ولاتكتمونه وتغطونه وهو رطب !

لترطيب الجسم استخدم فازلين الصبار ..
ولتفتيح الأماكن الغامقة .. زيت اللوز المر مرتين في اليوم الصبح والليل وبعد التقشير وقبله <<< نتيجة مضمونة
ولتقشيره ما استخدم شي <<< خايبه
استخدم فرشاة كبيرة للجسم قرأت عنها انها تقشر الجلد الميت ومن فوايدها بعد تمنع نمو الشعر تحت الجلد وشريتها .. ( تحصلونها في بودي شوب وفي الصيدليات وشفت منها في برادات جواد )
فعلاً تقشر واحس ماله داعي لكريمات الواجده ولهرار

بعد ازالة الشعر استخدم كريم فيوسيدين مره في اليوم لمدة 3 ايام متتالية عشان مايطلع حب
وبعد حفاف الوجه احط روبه ..

حق الإيد كريم فازلين الي حق الإيد .. أحبببه ينعم ويفتح

*ملاحظة : لاتطلعون في الشمس وانتون حاطين هالكريمات فازلين او فيوسيدين او بيبانثين .. لأن يقولون يسود ويطلع بقع في الوجه !

اتمنى أفدتكم وسلامتكم .

​

 

[Mrs.chic]

من وين تشترون صابونة الكركم ؟!
و شلون اعرف ان هذي هي الأصلية ؟!

 

[FATO L]

من وين تشترون صابونة الكركم ؟!
و شلون اعرف ان هذي هي الأصلية ؟!

في منها في صيدلية رويان وتحصلينها في البرادات العادية
ماعتقد في منها تقليد .. كتبي اسمها في قوقل وبتطلع لش صورتها

 

[حلم أنثى]

صابونة الكركم
عجيب
تركتها وقبل فترة جفتها
وقررررت استخدمها عطول
وايد مناسبة
تجفف بشرتي احيانا
اسخدمها خصوصا اول ماقعد

تنظف وتروح الحبوب
وعجيبة


احصلها في الانوار
واغلب البرادات
بس مو كل سوبر ماركت فيه

 

[سيما]

عندي مشكلة وابي مشورتكم .....
بشرة وجهي من النوع الجاف ... جفاف حاد لآخر درجة (بسبب الحساسية واسباب مرضية آخرى) .... جربت كل أنواع الكريمات للبشرة ... والنتيجة أنهم يسببون حرقة في الجلد فلا استطيع أبقاء الكريم على بشرتي حتى للو 5 دقائق. لابد لي من استخدم كريمات طبية و مستحضرات طبية آخرى.
لذلك هل جربتم كريم طبي معين يساعد على إخفاء الجفاف الحاد ...؟؟

في مطرب من الصيدليه اسمه Qv واجد يمدحووونه

بالاضافه الى الفازلين و هو رخيص و قوي طبعا بس خليه قبل النوم مو تواجهين الشمس لان تسمر اذا بالفازلين

+

الموضوع لطييف لو زين نرد تفاعل فيه احنا البنوتات ​

 

[بنفسجيه.~]

الموضوع لطييف لو زين نرد تفاعل فيه احنا البنوتات

اي فعلا حليو الموضوع..
بشوف الاشياء المكتوبة و باخذ منها اللي احتاجه
اني مو من النوع اللي من يسمع عن شي كريم او خلطة رحت سيدا اجربها! >ما احب التجارب
ما اجرب الشي الا المضمون و متاكدة انه اوكي ..و اذا شفت شي اوكي و عجبني على طول عليه ما اخيله الا اذا فيه اليه بديل افضل منه

بس عندي مشكلة انه بشرتي دهنية و كانت قبل فيها حبوب شوية مو واجد لكن مع بداية هالسنة مرة وحدة قام يطلع حبوب بشكل كبير! ما ادري ويش السبب بالضبط ! "يعني اكلي ما احب الدهون و الكريمات ما اغير فيها واجد" ..الحين خف بس يبيين فيه اثر بقع ...
فافكر اخذ هاذي صابونة الكركم ..تنصحوني بها لو في شي انسب؟
"اُفضل تكون صابونة مو كريم"

 

[سيما]

اي فعلا حليو الموضوع..
بشوف الاشياء المكتوبة و باخذ منها اللي احتاجه
اني مو من النوع اللي من يسمع عن شي كريم او خلطة رحت سيدا اجربها! >ما احب التجارب
ما اجرب الشي الا المضمون و متاكدة انه اوكي ..و اذا شفت شي اوكي و عجبني على طول عليه ما اخيله الا اذا فيه اليه بديل افضل منه

بس عندي مشكلة انه بشرتي دهنية و كانت قبل فيها حبوب شوية مو واجد لكن مع بداية هالسنة مرة وحدة قام يطلع حبوب بشكل كبير! ما ادري ويش السبب بالضبط ! "يعني اكلي ما احب الدهون و الكريمات ما اغير فيها واجد" ..الحين خف بس يبيين فيه اثر بقع ...
فافكر اخذ هاذي صابونة الكركم ..تنصحوني بها لو في شي انسب؟
"اُفضل تكون صابونة مو كريم"

يعتمد ع الجو ترا و طريقة الاكل

بالاضافه ان البشره الدهنيه تحتاج عنايه اكثر من غيرها

فأول نصيحه بقولها لش غسلي وجهش اكثر من مرة او مرتين

في غسول من كلين اند كلير يخفف التدهن مال الوجه و اللمعان عن تجربه الاختراع حده لطيييف

صابونه الكركم زينه تلاقينها بالصيلاديات و الهايبر ماركت و هيك
​

 

[بنفسجيه.~]

يعتمد ع الجو ترا و طريقة الاكل

بالاضافه ان البشره الدهنيه تحتاج عنايه اكثر من غيرها

فأول نصيحه بقولها لش غسلي وجهش اكثر من مرة او مرتين

في غسول من كلين اند كلير يخفف التدهن مال الوجه و اللمعان عن تجربه الاختراع حده لطيييف

صابونه الكركم زينه تلاقينها بالصيلاديات و الهايبر ماركت و هيك
​

استخدم احيانا من كلين اند كلير اللي يزيل الرؤوس السوداء >بس مو على طول
اي واحد تقصدين >يمكن توضيح ؟

و صابونة الكركم افكر اجربها لانه اسمع ينصحون ابها واجد

 

[سيما]

استخدم احيانا من كلين اند كلير اللي يزيل الرؤوس السوداء >بس مو على طول
اي واحد تقصدين >يمكن توضيح ؟

و صابونة الكركم افكر اجربها لانه اسمع ينصحون ابها واجد

دورت بالنت ما لقيت مثل الا استخدمه بالضبط

بس اهو مثل العصاره يجي لونه ازرق و مكتوب عليه لتحكم بلمعان الوجه

+

اني كنت مدمنه كريمات و غسول و سكراب و و و

لين ما صارت بشرتي من دهنيه الى مختلطة و صار جفاف واجد

فقمت اخفف حالياً بس ماليي غنا لازم استخدم سكراب و غسول و اقنعه بس ما اغير عن الماركة الا اتعود عليها

لان قبل كل نوعيه استخدم اكثر من ماركة و ساعات بنفس الوقت

و في طبع اقل شي اغسل وجهي مرتين الى 3 بالمرة الوحده

و مرات توصل ل 5 الله وكيلش :mellow:
​

 

[ورد~]

.


;كششوخِي المَوضوع!
سوّيت ليه دعَاية عند صديقتي.
أني استخدّمت من فترة كلين آند كلير للرؤوس السودآء
الماما تقُول لي قام يطلِّع ليش حَب من استخدمتينه.
> تقول لي أصلاً ما فيش بس أني أحس في
.
ترَّى الخيَّار و الروب يمدحُونَّه
بنجرِّب تجاربكُم
و شُكراً على طرح المَوضوع.​

 

[سيما]

.


;كششوخِي المَوضوع!
سوّيت ليه دعَاية عند صديقتي.
أني استخدّمت من فترة كلين آند كلير للرؤوس السودآء
الماما تقُول لي قام يطلِّع ليش حَب من استخدمتينه.
> تقول لي أصلاً ما فيش بس أني أحس في
.
ترَّى الخيَّار و الروب يمدحُونَّه
بنجرِّب تجاربكُم
و شُكراً على طرح المَوضوع.​

اييي الغسول جربته ما حسيت بمفعول قوي

+

شنو ماركات الميك اب الا تستخدمونها؟

خل نتكلم عن الميك اب مو كلا عنايه و بس ههههههه ​

 

[زَ.]

خوش موضوع

 

[سيما]

خوش موضوع

ننتظر تفاعلكم ​

 

[ورد~]

@سيما

للأسف مو من صُوبي الميك أب ><
أني احترت أصلاً وش أجرّب > بس عجبتني سالفة الصابُونة إلي ف البداية
ويش تحطون في إيدكمم > ايدي صايره سودا غير عن فوق xD

 

[نونوتكعيب]

الموضوع حلوو
انا اكثر شي احبه الاشياء الطبيعيه ف بقول عن الاشياء الي جربتها


الشعر :
هالفتره سويت خلطه تفتح لون الشعر ، انا شعري اسوود وابيه بني
المهم الخلطه عباره عن : عسل ، ليمون ، شاي البابونج ، ماي
بدون مقادير واشياء دقيقه بس تكثرين على حسب كثافه الشعر ( الاحسن يكون الماي اكثر من العسل )
في طرق وايد تحطينه على شعرج بس انا حسيت انظف طريقه ان احطهم كلهم في وعاء كبير وعميق واقلب راسي وابلله بالخلطه طبعا يكون الشعر جاف تخلينه لين شعرج يتبلل منه ، بعدين تغطينه بورق نايلون تالي تلفينه بفوطه لان بينزل شوي على الرقبه وجذي ف الفوطه ماتخليه يلعوز ، كلما تخلينه لمده اطول يكون احسن ، انا اخليه 7 ساعات

احين يمكن رابع مره اسويها وصج في تغيير ملحوظ باللون ويبين اكثر بالشمس ، شعري ناعم بالاصل بس حسيته صار يلمع اكثر وصحي


البشره :
قبل لا انام احط فازلين << عيوز هههههه
لا مو عيوز بس جفت فوايده وايد وقلت بجرب
انا استخدم فازلين بزبده الكاكاو اخليه للويه واليد ، صراحه عجيبه ترطب البشره وتنعمها
والصابون استخدم غسول الهمالايا بالنيم والكركم

وللشفايف :
استخدم مرطب همالايا بعد بزبده الكاكاو ، ريحته حلووه ولي فتره استخدمه


وفي شي ماستخدمه وايد بس على حسب المزاج ، احط ماي ورد بالقطن واخليه فوق عيني حق القيلوله يقولون زين بس ماواصلت عليه عشان احس بفرق


وان شاءالله بجرب طريقه oil pulling
قريت عنها اكثر من مره انها وايد زينه للثه والفم
يستخدمون زيت جوز الهند ، بجربها وبخبركم بالنتايج

 

[victory]

حبييت الموضوع

احب هالسوالف تقريبا كل 4 ايام اسبوعيا اسوي ليي ماسك ( عسل + روب + طحين << عشان يجف ويتقشر

وطبعا قبل لا انام اشحن جسمي كله كريم وشفايفي فازلين

استخدمت صابونة الكركم بس ما عجبتني لان بشرتي جافه حسيت تجففها ازيد :sly:

احب لما اطلع احط كريم طبقة خفيفه على وجهي فوقه BB كريم احس يصير في وجهي لمعة صحية

 

[إعلاميه*]

يالله أعشششق هالمواضييع ..

تصدقون عاد انه عنايتي زود عن اللزوم , عسى ما اسمع عن كريم او صابونة او خلطة او زحرماان زيينين اشتغلت على روحي

آخر مره خذيت قناع الذهب من ايران .. عجييييب حدده .. ينعم البشرة بس يلصق يلوع الجبد

استخدمت كذا شي وماجفت نتيجة لاثار الحب , انه فيني شوي اثار حب من الشمع .. هي مرة وحده شلت ويهي فيه وطلع لي


مادري تعرفون شي تمام حق الاثار ؟


وشكرا عالموضوع الجميييييل