موقع طلبة جامعة البحرين

يمكنك تصفح الموقع كزائر ولكن ندعوك لتسجيل عضوية خاصة بك لتحصل على كافة الصلاحيات مثل تنزيل ملفات المكتبة وقراءة تعليقات هيئة التدريس وغيرها. يمكنك الحصول على عضوية مجانية بالضغط على زر تسجيل. إذا قمت بالتسجيل مسبقا فيمكنك الضغط على زر دخول.

تسجيل دخول
  • قسم المكتبة الجامعية مغلق مؤقتا بعد الاستهداف التي تعرضت له بعض خدمات أمازون في البحرين، جاري استرجاع الملفات ونقلها إلى سيرفرات جديدة وسيتم بعدها اعادة افتتاح المكتبة

طالبة جديدة وابي رايكم او نصيحتكم

همس الوجود

Well-Known Member
تاريخ التسجيل
7 سبتمبر 2010
المشاركات
1,077
المجموعة
أنثى
الدفعة الدراسية
2010
الكلية
كلية العلوم
التخصص
الاحصاء وبحوث العمليات
السلام عليكم ورحمة الله وبركاته:smile:

بما اني بكون ان شاء الله طالبة جديدة في كلية العلوم من الكورس الجاي:blushing::blushing: وما اعرف اي شي:RpS_blink:
ابي اي نصيحة تخطر في بالكم لي اولااا ...:RpS_sleep:

ثانيا اذا ماعليكم امر ابي اسماء احسن مدرسين لمواد كلية العلوم

وفي النهاية بسالكم ليش كلية العلوم الكلية الوحيدة الهادئة في الجامعه مافيها حيوية :RpS_lol::RpS_lol: تنطرون ادخل معاكم يعني :shiny:

وشكرا لكم :blush-anim-cl::blush-anim-cl:​
 
كل اللي اقدر اقوله ليش لا تاخذين الفيز ويا دكتورة حنان لو شنو يصير :bleh:
واذا تقدرين حاولين تاخذينه ويا السيد عدنان لأنه روعة الصراحة ^_^
 
وعليكم السلام ورحمة الله وبركاته

الله يوفقج ويسر لج امورج وهالله هالله بالمعدل حاولي قد ماتقدرين تخلينه فوق عشان ترتاحين من العباله بعدين


انه ماعرف كل الدكاتره بس بعضهم درسوني ماث فـاللي اجوفهم ممتازين

الدكتور العجيب عبدالسلام المناعي حبوب لآخر درجة درسني ماث 103

والدكتور محمود عباس أخلاقه عآلية يبسط الأمور بس احياناً تنصدم بالأمتحان من كثر مايسهل لك الدرس إذا انتي علمي لاتشيلين هم يدرسني 104

ويازينها كلية العلوم احلى كلية بالجامعة ,اياااام الأورينتيشن كنا فيها صج زقرت
مو كلية البزنز اللي كأنها سوق السمج

​
 
ههههههههههههه سوق سمك اقصد يعني لان يقولون كل مايدرون بالي حواليهم ...
تسلم
مشكورين ماقصرتون الله يعطيكم مناكم اي انا ابي اسم الدكتور والماده
على طاري الفيز عندي 4ساعات لو اخذه صيفي يكون اسهل لي بالتستات ؟ والدراسه وجذي
 
عليكم السلام و الرحمة ^_^

كلية العلوم يبي ليها تعب شويتين ،
و التعب ما يطلع من اول كورس يطلع عقب :RpS_wink:
لا تخافين :shiny: في نفس الوقت لا تتساهلين ..

عن الفيز ،
بالنسبة ليي الكورس الصيفي متعب :RpS_wink: و ما انصح فيه !

هذا موضوع مجمعين فيه آراء الدكاترة :

https://www.uob-bh.com/forum/showthread.php?t=8951&page=1
و هذا لأي استفسار عن مادة او دكتور :
https://www.uob-bh.com/forum/showthread.php?t=6424&page=1

بتستفيدين منهم إن شاء الله

مُوفقة ~
 
مري قسم الرياضيات اخذي الخطة الدراسية للتخصص عشان تعرفين المواد المطلوبة عليج
موفقة ان شاء الله
 
كليه الميتين !
انه ازيد من سساعه ماقدر ادخلها شلون يستحملون الى يدرسون اهناك مادري
كلش حيويه مافيه حتى اوادم ماجوف فيها نادرا يعني !
بالتوفيق :)
 
كليه الميتين !
انه ازيد من سساعه ماقدر ادخلها شلون يستحملون الى يدرسون اهناك مادري
كلش حيويه مافيه حتى اوادم ماجوف فيها نادرا يعني !
بالتوفيق :)

:nosweat: يا ساتر !
كليتنا هالشي فيها زين , وهم في نفس الوقت شين
زين تحصل لك اجواء هادية
بس اللي شين , انهم معزولين عن العالم , مو حركيين او عندهم مثل نشاط باقي الكليات ( الطابع العام اقصد )
 
في الخطة في موقع الجامعه
بس بعض البنات قالوا لي اخذي الفيز صيفي حتى مخليه في بالي اني الحين بحذفه !!!!
يعني ياليت ناس اكثر يعطوني رايهم

بعدين ها الي اقصده ان مافي حيوية وانا ما احب الهدوء الدائم بالنسبة لي كل شي وله وقت للجد وقت وولعب وقت وانا احب النشاطات ما احب اني اعيش في عالم السكون الدائم .... يعني شسوي مالي الا بس اقعد فيها وقت محاضراتي ودايركت اطلع

مشكوره اختي فريي الله يعطيكي مناكي
وبعد اشكر الكل على الاراء
 
عودة
أعلى أسفل