موقع طلبة جامعة البحرين

يمكنك تصفح الموقع كزائر ولكن ندعوك لتسجيل عضوية خاصة بك لتحصل على كافة الصلاحيات مثل تنزيل ملفات المكتبة وقراءة تعليقات هيئة التدريس وغيرها. يمكنك الحصول على عضوية مجانية بالضغط على زر تسجيل. إذا قمت بالتسجيل مسبقا فيمكنك الضغط على زر دخول.

تسجيل دخول
  • قسم المكتبة الجامعية مغلق مؤقتا بعد الاستهداف التي تعرضت له بعض خدمات أمازون في البحرين، جاري استرجاع الملفات ونقلها إلى سيرفرات جديدة وسيتم بعدها اعادة افتتاح المكتبة

الربليسمنت في كلكلاس 2

قوت

Well-Known Member
تاريخ التسجيل
14 أبريل 2010
المشاركات
114
المجموعة
أنثى
الدفعة الدراسية
2009
الكلية
كلية العلوم
التخصص
statistics
السلام

شنو قصة الربليسمنت هالمرة ؟؟
مو عاجبتني
فاشلة الطريقة

الاول كان 25 تست1 25 تست 2 الفاينل 50
اذا سوينا اوكي في الفاينل ياخذون نص الدرجة مكان التست الأسوأ

الحين تست 1 :30 تست:30 الفاينل:40
قال الدكتور ياخذون 20% من الفاينل ويخلونها مكان التست الأسوأ وين تروح 10% تطير ؟؟ احد يعرف ؟


انزين ليش ما يضربون درجة الفاينل في ثلاثة ارباع ( 40 * 0.75)
وتطلع الدرجة من 30 وتنحط بدل احد التستات

الطريقة القديمة احلى
:RpS_glare:

تست1 كان صعب
تست 2 كان زين
الله يستر شنو يجيبون الفاينل
 
متأكدة كذا الطريقة يعني يأخذون نص الدرجة بس
 
ياريت أحد يأكد لنا طريقة الريبليسمينت في الكالكولس. إذا كانت بهالطريقة مشكلة !..
 
اممم لا مو شذي الطريقة
لي رجعه بعد قليل
بس احوس باوراق الكالكولس واطلع ورقة دكتور نآصر متولي
يوم نتآئج الكآلكولس شرحلي هالعفسة شلون تتم
 
اممم لا مو شذي الطريقة
لي رجعه بعد قليل
بس احوس باوراق الكالكولس واطلع ورقة دكتور نآصر متولي
يوم نتآئج الكآلكولس شرحلي هالعفسة شلون تتم

ياليت والله. مذاكرتي متعلقة بالريبليسمنت. إذا بهالطريقة ماراح اكمل مذاكرة.
 
:mellow: بس الدكتور محمدعبدالله قال لينا ان تنشال الدرجة كاملة للتست و تنحط بدالها الدرجة الثانية مو نصها
 
هي العملية ابدآلية
حنحط بعض الارقام عشآن افهمكم السآلفه

تست 1 من 30 جبتوآ 18
تست 2 من 30 جبتو 30
الفاينل من 40 جبتوآ 35

تصير العملية كآتي
..

نسويهم مقص نحط درجة الفاينل مع درجه التست مع عمل درجة التست الي حصلنآ عليهآ كفآريبل X

40 ___ 35
30 ____ X


هلا نضرب

30x 35= 1050

بعدين نقسم الناتج على 40

1050/40= 26.25

فيقومآ يبدلوآ التست الاسوء بالدرجة الافضل
فيصير الدرجآت

تست 1= 26.25
تست 2= 30
فاينل =35

المجموع 91.25

اي النتيجة AAAAAAA
وبس هذي كل السآلفه



​
 
الريبليسمنت اللي كانوا يسونه لنا قبلما أتخرج كان كالتالي

اذا حصل الطالب على درجة في امتحان الفاينل أفضل من واحد من التستات، يتم حذف درجة هذا التست وتعويضه بدرجة الفاينل (مقسومة على2)

توزيع درجات الرياضيات كانت على أيامنا كالتالي:
التست الأول 25
التست الثاني 25
الفاينل 50

مثلا لو حصل طالب في التست الأول على 10 من 25
وفي التست الثاني حصل على 23 من 25
وفي الفاينل حصل على 40 من 50

لو قسمنا درجة الفاينل على 2 بنحصل على الدرجة (20)
ونلاحظ ان هالدرجة اكبر من درجة التست الاول

فعليه، يتم حذف درجة التست الاول وتعويضها بدرجة الفاينل فيكون الترتيب الجديد كالتالي:
التست الاول: 20 (بدلا من الـ 10)
التست الثاني: 23
الفاينل: 40


لكن اللي لاحظته ان قليل اللي يستفيدون من نظام الريبليسمنت لأن بالعادة التستات تجي أسهل من الفاينل، وقليل من الطلبة اللي يسوون في الفاينل أفضل من التستات، كنا نفضل الكيرف آب
أكثر المستفيدين من هالنظام هم الطلبة اللي يغيبون عن تست ويحصلون على صفر في أحد التستات، فعليه يتم حذف الصفر واحتساب الفاينل من 75%
 
مديرنآ هذي الطريقه القديمه على ايآم الفآينل ب 50
الحين الفاينال صآر ب 40
​
 
الله يجزاكم خير على التوضيح. الحين :ايه فيه أمل: على قولة فيروز :)
 
اي لما درست كلكلاس 2
كان النظام الفاينل 50
وتست 1 25
تست 2 25

الدكتور فعلا استخدم طريقة الربليسمنت

اما الحين في كلكلاس2
الفاينل 40
تست1 30
تست 2 30

في اختلاف بين الدكاترة في طريقة الربليسمنت بس مادام
اختي برنسس قالت بيستخدم دكتورنا طريقة المقص يعني زين على زين

ان شاء الله نحصل درجة تمام الله كريم مايضيع تعب


هههههههههههههههه
اي فيروز؟؟

اكيد فيه امل
لا يأس مع الحياة ولا حياة مع اليأس

ما ادري انزل كلكلاس 3 ولا اخليه لكورس غير
يقولون اسهل من كلكلاس 1 و2


بالتوفيق
ان شاء الله ناجحيييييييييييييييييييييييييييين

ما ادري بسكشنا شسووا في الفاينل
اسمعهم يقولون دخلوا لامتحان مو حافظين قوانين التايلور سيريز والماكلورين سيريز
حاطين اعصابهم في ثلاجة ومستانسين.
يذكروني بالنمر الوردي ترن ترن لازم يجيه شي يعكر مزاجه حتى اذا هو مستانس ههههههههههههه
 
عودة
أعلى أسفل