موقع طلبة جامعة البحرين

يمكنك تصفح الموقع كزائر ولكن ندعوك لتسجيل عضوية خاصة بك لتحصل على كافة الصلاحيات مثل تنزيل ملفات المكتبة وقراءة تعليقات هيئة التدريس وغيرها. يمكنك الحصول على عضوية مجانية بالضغط على زر تسجيل. إذا قمت بالتسجيل مسبقا فيمكنك الضغط على زر دخول.

تسجيل دخول
  • قسم المكتبة الجامعية مغلق مؤقتا بعد الاستهداف التي تعرضت له بعض خدمات أمازون في البحرين، جاري استرجاع الملفات ونقلها إلى سيرفرات جديدة وسيتم بعدها اعادة افتتاح المكتبة

ممكن طلب- سنة أولى وعندي جم سؤال

تاريخ التسجيل
7 يناير 2011
المشاركات
21
المجموعة
أنثى
الدفعة الدراسية
2010
الكلية
كلية الحقوق
سلام عليكم..
انا اول سنه في كلية العلوم وتخصصي علوم حياة فصراحة ما عرف شي عن الجداول والخطة الدراسية شلون.. ف الي عنده خلفية في الموضوع لا يبخل علي فيها ..
وسمعت انه من ضمن التخصص علاج الطبيعي ف ايضا الي عنده معلومه عن هالتخصص يرد علي

وشكرا:bye1:
 
وعليكم السلام والرحمة ,

حياش الله اختي
اول شي عشان تعرفين المواد المطلوبة عليكم لازم تاخذين الخطة الدراسية من سكرتارية قسم علوم الحياة في الكلية
اول فصل عادة المواد تنزل لج من التسجيل , ما يحتاج تنزلين

العلاج الطبيعي , على كلام زميلة اختي : " هالتخصص للحين ماله مقر , الطلبة ما يدرون شنو ينزلون للكورس الجاي
يمكن صاير جذي لآن التخصص جديد وللحين ما ضبطوا فيه شي من شي "
اذا تحبين اسألي في التسجيل , ما اعرف عنه شي !
 
الا اعرفه عن علوم الحياة ان طلبته قليليين وتقريبا يمديهم يتجمعون في سكشن واحد بس
جربت الاحياء اول مقرر وكاان صعب ويبي له تركيز، يعني مو قصدي اخوفش بس لازم تراجعين اول بـ اول وتعتبرين حياتش دراسه بس
من طالب احياء سمعت ان مقررات الأحياء العبقري الا يجيب فيها C
وسمعت من طالبة اخرى تقول ان الاحياء ولا اروع وانه ممتع
وطالبه غير قال ان اصعب مقرر احياء كان الأول الا هو 102
واني من تجربتي الشخصيه ما حبيته وانسحبت منه على طول لأنه سبب لي احباط وحاله نفسيه
ومادري اذا صدق ان بس الاول صعب لو نفس ما قال لي طالب احياء كله صعب
المتعة في الاحياء تكمن في المختبر
بس لازم تركيز
نصيحتي لش انش تراجعين اول باول
وتقوين لغتش لأن الكلمات بصراحه كلها تحف وصعبه وحاولي تسوين لش قاموس بالكلمات الجديده عليش واحفظيها.. عشان يسهل عليش الموضوع
الخطة الدراسيه نفس ما قالت الاخت روحي حق السكرتاريه
طبعا المفروض تعرفين ان قسم الاحياء هو الاصفر بتحصلينهم في الطابق الارضي
اما بخصوص الجدول مادري شنو تبين تعرفين يعني!!
جدولش الكورس الجاي هم بينزولنه ليش.. وفي الغالب بينزل لش حيا 102 وكيم 101
لأنهم الركيزة الاساسيه لـ هالتخصص
بيصير عندش لابين في الاسبوع وكل لاب لازم تسلمين له ربورت كل اسبوع واشغاال واجد يعني نفس ما قلت لش اعتبري حياتش بس دراسه لأن كل ما تتعمقين في التخصص بتزيد اللابات عليش لأن كل مقررات الحيا فيها لاب.. يعني احتمال يصير عندش 5 لابات مثلا اذا نزلتين 5 مواد وهالشي متعب جدا
وشي مهم حاولي تجهزين لش لاب كوت يعني اذا ما عندش من قبل فصلي لش في الخياط او اشتري اذا حصلتين لأن ممنوع تدخلين اللاب بدون لاب كوت
هذي المعلومات الا اعرفها عن التخصص وان شاء الله تكون مفيده لش
قمروو
 
هلا
اول شي شكرا على هالمعلومات ولو انها بسيطة..
وثاني شي خوفتوني والله انا الي اعرفة وحتى معلماتي الي في المدرسة شجعوني ادخل هالتخصص لانه ممتع على وانه مب صعب لبنت تخصص احياء في المدرسة لاني تقريبا غطيت كل المعلومات الازمة ولكن بكون بس بالغة الانجلينزية وانا اوكي فيها..

بس صراحة خوفتوني لهدرحة الدراسة صعبة فيها.. لانه انا صراحة ماعرف شي عنها والله يستر
شكرا جزيلا:RpS_unsure:
 
اذا معلوماتش اووك وانجليزيتش قويه ارقدي وآمني
بس بعد نفس ما قلت لش يحتااج شغل عدل مو اي كلام..
وانتين مدام انش مقتنعه خلي في قرارة نفسش ان كل شي تمام ولا تخافين من الحين تسببين لنفس احباط من البدايه
اتمنى لش كل خير ان شاء الله
واني اعرف بنات مستمتعين واجد في هالتخصص
واتمنى تكونين منهم
لدرجة ان في وحده تقول لو يقولون ليياختاري اي تخصص غير الاحياء ما بعرف شنو اختار!!
بالتوفيق حبووو =)
 
نفس ما قالت " قمر فديتني "
ودام اهم شرط موجود وهو الاقتناع وحب التخصص
توكلي على الله
موفقة يارب =)
 
تواجد حبك للتخصص اكبر دافع لأن تكوني فيه " مميزة"

لا تخشي ولا تجعلي الخوف امامك .. فهنالك المتعه في الدراسة وحب التخصص والمواد .. وكل شي =)

البيو جميل جدا=) .. على كثافته الا انه ممتع ..

بالتوفيق
 
تواجد حبك للتخصص اكبر دافع لأن تكوني فيه " مميزة"

لا تخشي ولا تجعلي الخوف امامك .. فهنالك المتعه في الدراسة وحب التخصص والمواد .. وكل شي =)

بالتوفيق

تماما :smile:
 
الي سمعته ان الاحياء عجيب
لكل امر اراء متناقضه واقول ان اكيد بنعرف من تجاربنا الخوف مابينفع في اي حالة
الله يوفقنا جميعا
 
انه ما خذييت الا اول واحد اللي اهو 102

بالعكس جدا جميييل يمكن لاني خذيته مع دكتور عصام

صراحة حبييت المقرر

والبيو على ما قد تعطينه وتدرسين له يعطييج

:) وبالتوفيق
 
حقيقةً ،
على قد ما كنت اكره دراستي للبيو الا انه مقرر ممتع ..
و الاجمل انه مع د.عصام جناحي :rolleyes2:
حتى الاب كان متعب لانه نهاية الدوام الواحد ماله خلق
:) بس فيه قدر كبير من المتعة !

التخصص دسم + المقررات كثيفة + اللابات منهكة + يحتاج متابعة مستمرة
بس حب التخصص يزيل هالعوائق كلها ..

كُل التوفيق ~
 
للاسف عندي حب للتحصص بشكل مو طبيعي من يوم اني صغيرة احب العلوووم
بس الطامة الكبرة اكره كره شديد الانجليزية لان قد مااعطي فيها كله اتخيب املي

واني خايفة من هذي الناحية احاااف مااقدر اواصل بهذا السبب
 
اختي (( قمر فدتني ))

تسلمين يا الغلآ ع الملومات
ابصرآآحه كفيتي ووفيتي
جزآج ربي خير

موفقين ان شاء الله
 
عودة
أعلى أسفل