موقع طلبة جامعة البحرين

يمكنك تصفح الموقع كزائر ولكن ندعوك لتسجيل عضوية خاصة بك لتحصل على كافة الصلاحيات مثل تنزيل ملفات المكتبة وقراءة تعليقات هيئة التدريس وغيرها. يمكنك الحصول على عضوية مجانية بالضغط على زر تسجيل. إذا قمت بالتسجيل مسبقا فيمكنك الضغط على زر دخول.

تسجيل دخول
  • قسم المكتبة الجامعية مغلق مؤقتا بعد الاستهداف التي تعرضت له بعض خدمات أمازون في البحرين، جاري استرجاع الملفات ونقلها إلى سيرفرات جديدة وسيتم بعدها اعادة افتتاح المكتبة

استفسارات وتساؤلات بشأن الحقوق

  • بادئ الموضوع بادئ الموضوع suad
  • تاريخ البدء تاريخ البدء

suad

Member
تاريخ التسجيل
12 يناير 2011
المشاركات
9
المجموعة
أنثى
الدفعة الدراسية
معلومة خاصة
الكلية
كلية الحقوق
السلام عليكم ورحمة الله وبركاته ,,

الكورس الثاني بيكون اول كورس حقوق لي فالجامعه .. انه حابه هاي التخصص ..بس نوعا ما تقدرون تقولون متخوفه وعلى الكلام الي سمعته من البعض كله ان اخاف انطر عقب جم كورس

انه تخرجت من الثنوي بجيد جدا متوسط ,, فهل تعتقدون اني راح اقدر اواصل واحصل البكاليورس باذن الله
 
ياخوج مافي تخصص سهل , كل تخصص فيه صعوبات

اما الحقوق فأجوفه عادي , يعني مو سهل ولا صعب :rolleyes2:

ومادام انتي حابه هالتخصص , فأنشالله سهالات :smile:

صج اني اول كورس لكن لحد الان الامور ماشيه :smile:
 
وعليكم السلام ورحمه الله وبركاته

حته انا اول كورس حقوق..الوضع مستقر لحد الان مادري شلون بتكون الكورسات اليايه:bleh:

انا وايد سمعت حجي خرعني من الحقوق..حته انا احين وايد اتحلطم واخرع الاورنتيشن:nosweat:
بس ترا عادي التخصص مثله مثل اي تخصص في الجامعه..فيه الاشيا السهله والصعبه
واذا انتي صج حابه التخصص اكيد بتمشين فيه

لاتدشين تخصص ماتحبينه لان يقولون ان ماله مستقبل ..لان اذا ما تحبينه صدقيني ما بتفتحين الكتاب


والله يوفقج وتنورين كليتنا الجميله:smile:



 
التعديل الأخير:
  • Like
التفاعلات: suad
hamod & رايقه الرفاع
مشكورين على الرد ,, الله يوفقكم ان شاء الله ,,رفعتوا من معنوياتي
:blushing:
 
ماسوينا شي طال عمرج :smile:
 
  • Like
التفاعلات: suad
حاضرين ابوؤؤؤؤؤؤؤي:smile:

لاتدشين تخصص ماتحبينه لان يقولون ان ماله مستقبل>>> قصدي ان له مستقبل**:nosweat:

مشكله اللي يتفلسفون .. ماعليج الفيوزات ضاربه هالايام:RpS_lol:
 
هههههههههههههههههههه :shiny: لا الحمدالله انه حابتة
 
"بسوي روحي ما اعرفش ههههههه ":RpS_tongue:
المفروض يكون ايمانش بالله قوي
دام تحبين التخصص بتقدرين تعطين فيه اكثر من تخصص ثاني
ولا تحطين بالش وبال الناس لانش بتضيعين
لان كل واحد ومستواه

سويت روحي ما اعرفش خخخخ :RpS_tongue:
 
  • Like
التفاعلات: suad
السلام عليكم,,

تخصص حقوق حلو و ممتع و لا تسمعين قصص اللي ينطردون او شي لان التخصص بكل بساطة يبيلة تفهمين انتي شتدرسين عشان تعرفين تحفظين صحيح انه يطلبون حفظ لكن صدقيني ما راح تحفظين الا بعد فهم
و على قصة ان تقديرج في الثانوي جيد جدا هذي ما له حكم في الجامعة لان الموازين تنقلب طول ما حطيتين على روحج و بتشوفين ان يمكن معدلش اكثر من معدل اللي كانوا امتياز اكا انا دليل قدامش كنت جيدجدا و اللحين معدلي في ال3 , و الحمدلله

و حطي بالج في المحاظرات زين ما زين حتى لو الدكتور يقرا لا تستملين و لا تتمللين و تهملين المادة و درسي اول باول مو ليلة الامتحان تجين تدرسين بهالطريقة ما بتنامين و لا نص ساعة و لا بتقدرين تلمين بالمقرر
حبي المادة عشان تعطي الدافع لدراستهه حبيها من قلب .. نصيحة مجربة ,,و لا تغيبين قدر المستطاع

و على سالفة الطرد و الافات(( F )) حطي بالش لكلامي طول ما انتي تدرسين ما بترسبين اللي يدرس ما يرسب مو تقولين درست ليلة الامتحان هني بترسبين لان ما تفيد هو صج الكيرف داون يصعق و يقهر لكن مع ذلك ما راح ترسبين و راح تجيبين مجموع حلو حتى بالكيرف

و لا توثقين في كلام دكتور لان كلة يشلخون ان انتي ما تستاهلين الا A و جدي و هما الدرجات مو بيدهم القسم ينقص على كيفة

و طول ما انتي تحبين التخصص راح يكون المجال قدامش للعطاء فية و على فكرة كل تخصص و له صعوباته احنا صعوباتنا بتكون في دكاترتنا و الدرجات بس لو تشوفين التخصصات الثانية مثل تخصصات كلية العلوم و الاي تي و الهندسة بتشوفين لعانة دكاترة + صعوبة مواد

ترى موادنا سهلة اذا انتي درستيها بجد ... كررت عليش هالنقطة لاهميتها

و ادري طولت عليش و عدت و زدت في الكلام بس هذا اهو الجواب لسؤالش

تحياتي و اهلا بك في اسرة الحقوق
 
  • Like
التفاعلات: suad
مرحبا ،

الدراسة في كلية الحقوق تعتمد على كتب نشتريها من الجامعة لو ندرس من مذكرات ؟
 
نجمة الليل
مشكووووووووووورره اختي ووووووووووووايد
كفيتي ووفيتي وعلى قولتهم ومنكم نستفيد ,, الله يوفقج ان شاء الله ,,
ومنوره الموضوع بردج الي يبرد الخاطر :blushing:
 
زوليه ورديه
ههههههههههههههههه ويهج عاد :RpS_glare:
مشكورررررره وايد على النصايح ,,الله يوفقج ان شاء الله وترفعين الراس:blushing:
 
قير صحيح
على كتب نشتريها من الجامعه :RpS_tongue:
 
زوليه ورديه
ههههههههههههههههه ويهج عاد :RpS_glare:
مشكورررررره وايد على النصايح ,,الله يوفقج ان شاء الله وترفعين الراس:blushing:

هههههه ما سوينا شي :RpS_tongue:
الله يوفقش ورفعي راسنا هاا :blush-anim-cl:
 
العفو حبيبتي ما سوينا شي هاي واجبنا انا نساند بعض وقت الازمات و انرد على استفساراتكم

و اي شي تبون تعرفونة لا يردكم الا لسانكم انا موجودة و برد عليكم ان شاءالله

الله يوفقج و يوفق الجميع يا رب
 
نجمه الليل الصراااحه استفدنا من كلامش ان شاء الكورس الثاني اول كورس لي في حقؤق و الله يساعدنا و ربما لي عوده
 
نـج ـمــة ـآلليــــــــــــل,,

عن ج ــد اسسستفدنــآاِمن گلـآاِمتسسس

بصصصرآح ــة گل مــآاِ يسسسآلوني اي تخ ـصصص

انتي فيــه .. اقوؤول لهــم ح ــقوق يح ـبطــوؤني

ويقــولون لو اخذتي اي تخ ــصص ثــآاِني غ ــيره

بيگون اح ـسسسن

ح ـتى ح ـلمت اني غ ــيرت تخ ـصصي من ح ـقوق الى الع ـلوم ----> سسسـريع ــة التــأثــر :bleh:

يــآلله طولت بآلگلـآاِم ---> هذآرة :RpS_tongue:

بــآاِلتـــوفيق للج ــميع =)
 
:rolleyes2:منورين بمروركم
 
انا الكورس الياي اول كورس
وحــــــدي متحــمسة لدرجة فضيعه :P
ههههـ ان شاء الله عاد مايقل هلتحمس بعد ما أدرس
 
عودة
أعلى أسفل