شلون احسبون الربليس منت؟

[sadeq]

سلام شباب كيف الحال

بغيت اعرف شلون احسبون الreplacement حق ال math

وكون شاكر لكم​

 

[الهيدروجينة المنفجرة]

فية رابط حصلت علية نافع حق الماث وهو
http://www.mathway.com/problem.aspx?p=calculus
تقدر تحسب فية أي عملية وتشوف النتيجة النهائية وبعد خطوات الحل بالتفصبل

 

[sadeq]

شكرا اختي على الموقع

بس انا ابي اعرف شلون احسبونها

ابي اعرف ان الكل يستفيد من الربليس منت لو لا

 

[متمردة]

الريبليسمنت حسب النظام السابق
تست 1 و تست 2 و الفاينل
طبعا 25 و 25 و 50

لنفرض التست الأول 15 من 25
التست الثاني 20 من 25
الفاينل 44 من 50 نص الـ44 = 22

يجوفون هالـ22 أكثر من درجة أي من التستين و يبدلون الدرجة الأقل
فـ درجة التست الأول تصير 22 بدال 15
يعني الريبليسمنت يصير في درجة تست واحد بس إذا كان الفاينل أعلى طبعا
و درجات الطالب تصير 22 تست 1 .. 20 تست 2 .. 44 فاينل

الحين مادري سألوهم الريبليسمنت في شنو؟؟
هل نص درجة الميدتيرم أو الميدتيرم كامل؟؟
غيروا النظام لا؟؟ سووه ميدتيرم و كوزات كأن؟؟

​

 

[iran]

حتى كالككولس 2 بعد كنسلوا الريبليسمنت؟

 

[sadeq]

شكرا اختي متمردة على التوضيح

لاكن احنى الحين نفس ما قلتين عندنا بس مدتيرم

ما عندنا تست 1 او 2... .....او دكتورنا اقول في ربليس منت

بس للحين ما اعرف شلون بحسبونه لينا

 

[iran]

حتى كالككولس 2 بعد كنسلوا الريبليسمنت؟

لو سمحتون اله يدري يقول

 

[متمردة]

حتى كالككولس 2 بعد كنسلوا الريبليسمنت؟

الريبليسمنت موجود في كل مقررات الماث و الستات
حسب النظام القبلي طبعا
إذا كلكولس 2 غيروه بعد اسأل الدكتور هل في ريبليسمنت أو لا؟؟
و إذا في .. في شنو بيكون؟؟ الميدتيرم كامل أو نص الميدتيرم؟؟

شكرا اختي متمردة على التوضيح

لاكن احنى الحين نفس ما قلتين عندنا بس مدتيرم

ما عندنا تست 1 او 2... .....او دكتورنا اقول في ربليس منت

بس للحين ما اعرف شلون بحسبونه لينا

العفو أخوي
اسأل الدكتور في شنو بيكون الريبليسمنت نص الميدتيرم أو الميدتيرم كامل

​

 

[Mystro]

حتى كالككولس 2 بعد كنسلوا الريبليسمنت؟

اعتقد الحركة إلي سووها حق مقررات البزنز ، سهلت على الدكاترة وريحتهم في التصحيح ، والحين طبعا خلال هذا الكورس لا أخفي أن هم كانوا يبون يسوون هذه الحركة لمقررات العلوم إذا مو كلها بعضها ، ورئيس القسم طبعا ما لقى مجال من الاحتجاج عليه ، عيارى عدلة :thumbdown: ، وعلى حساب الطلبة :sly: ومبصحلتهم

يعني أي أحد ما يسوي زين :surrender: يرفع الراية البيضاء

بس أحس في الفصول الجاية ناوي على شيء طبعا ، ما قدر يسويه هذا الفصل لأسباب ما أقدر أقولها ، بس راح يآخذ راحته في الفصل الجاي أو إلي بعده ، وراح يفسد هالقسم

ما أقول إلا حسبي الله ونعم الوكيل والله يساعد طلبة الرياضيات والإحصاء إذا سوى إلي في باله .

 

[Mystro]

نسيت طبعا ، سالفة الريبليسمنت ، على ما اعتقد ، راح يآخذ 25% من الامتحان النهائي وتضاف إلى الميدتيرم ، يعني الله لا يقوله الطالب حصل في الميدتيرم 20 من 50 ، وفي النهائي حصل 50 ، أن شاء الله كلكم تحصلون 50 في النهائي ، راح تضاف نسبة 25% كاملة إلى درجة الميدتيرم وراح تصير الدرجة 40 من 50 في المنتصف ، و 50 من 50 في النهائي ، والدرجة النهائية 90 أي A

 

[sadeq]

شكرا اخي mystro على التوضيح

بس الميدتريم عندنا من 40 هل نفس الشي ؟

او شكرا على مرورك الطيب

 

[Mystro]

شكرا اخي mystro على التوضيح

بس الميدتريم عندنا من 40 هل نفس الشي ؟

او شكرا على مرورك الطيب

حتى لو كان من 40 راح يفرق بأن راح يحسب بالنسبة
يعني راح يقسم الميدتيرم على افتراض وكأنه من تستين إلى 20 % جزء والجزء الآخر 20%
الفاينل من 60%

لو طالب حصل في الميدتيرم 20 من 40 ، وفي الفاينل راح يحصل مثلا 50 من 60 ، راح تقسم درجة الفاينل على 2 ، وتكون النتجية 25 ، لازم نحول الدرجة 60 وكأنها درجة من 40
أول شيء نضرب 60*(2/3)=40 درجة ، يعني في هذه الحالة إلي يآخذ 60 في النهائي راح يحصل بعد 40 في النتصف

ولو قلنا احد من الطلبة أخذ 50 من 60 في النهائي ، وهو محصل فقط 20 من 40 في النتصف
راح يكون الناتج كما يلي : 50*(2/3)= 33.33 % راح تحل أكيد بدل 20 إلي حصلها الطالب في المنتصف ، وراح تكون مجموع درجاته كما يلي 33.33+50=83.33 يعني B على ما اعتقد وجذي السالفة

وكل مدرس طبعا ليه طريقته في كيفية حساب الدرجة ، طبعا ما أبغي أحبطكم ، لا تنسون الكيرف داون:thumbdown: بعد إذا كانت الدرجات كلها فوق ، وأيضا لا تنسون الكيرف أب إذا كانت الدرجات كلها تحت

 

[متمردة]

نسيت طبعا ، سالفة الريبليسمنت ، على ما اعتقد ، راح يآخذ 25% من الامتحان النهائي وتضاف إلى الميدتيرم ، يعني الله لا يقوله الطالب حصل في الميدتيرم 20 من 50 ، وفي النهائي حصل 50 ، أن شاء الله كلكم تحصلون 50 في النهائي ، راح تضاف نسبة 25% كاملة إلى درجة الميدتيرم وراح تصير الدرجة 40 من 50 في المنتصف ، و 50 من 50 في النهائي ، والدرجة النهائية 90 أي A

:mellow:
اسمه ريبليسمنت يعني شي يحل محل شي .. مو ينضاف له
و بعدين على أي أساس النسبة 25% !!!
حتى لو كانت 25% من 50 تصير 12.5
إذا نفس ماقلت بتنضاف للميدتيرم اللي كان 20 بصير 32.5 مو 40
هذا كله ماله محل من الصحة

الريبليسمنت اذا كانت درجة الفاينل أعلى من الميدتيرم بتحل محل درجة الميدتيرم
بس لازم نعرف الريبليسمنت بيكون في شنو
يعني جم النسبة هل نص الميدتيرم أو الميدتيرم كامل؟؟

يعني فرضا 50 فاينل 50 ميدتيرم
مثلا الميدتيرم 30 من 50 و الفاينل 40 من 50

إذا كان الريبليسمنت في الميدتيرم كامل
يعني بتنشال درجة الميدتيرم و بتصير 40

إذا في نص الميدتيرم
نص الميدتيرم 15 كأن بصير عندنا تستين 15 و 15 و نص الفاينل 20
بتنشال 15 و بتصير 20 و بالتالي درجة الميدتيرم بتصير 15 + 20 = 35


بس السؤال جم نسبة الريبليسمنت الحين عندكم

​

 

[Mystro]

أي أنا نسيت وأنا أكتب ، 25% راح تحل محل أحد التستين

والمثال إلي أنا حطيته راح تحل الدرجة بدل درجة الميدتبرم مو التست فقط ولا 25%
للتوضيح فقط


الطريقة الصح إلي راح يمشون عليها هي بدون حساب أي نسب وما شابه مثل ما حسبتها أنا هي التالي :

لو فرضا طالب حصل 20 من 40 في الميدتيرم ، راح تنقسم درجة الميدتيرم إلى 10 و 10 ، وكأن جاب 10 في كلا التستين ، وإذا افترضنا حصل في النهائي 50 من 60 ، راح يقسمونها على 2 ، يعني راح تكون 25 ، وراح تحل محل أحد التستين أي راح تنحذف 10 وحدة ، وتحل محلها 25

وراح يكون المجموع الآتي 10 + 25 + 50 = 85 درجة
وجذي السالفة ، لا فيها نسبة مثل ما ضربتها أنا ولا شيء :sly:، كل واحد يقدر يطلع ليه طريقة
بس هذه طريقة الكوردنيتر مال مواد البزنز

 

[sadeq]

شكرا على جهودكم اخي mystro و اختي متمردة

انشاء الله نرد لكم الجميل

وشكرا