المقررات المشتركه

[أنس الوجود]

السلام عليكم

طبعا انا عضوة جديده معاكم وهذي اول موضوع انزله ولا تفشلوني

طبعا انا راح ابدي اول كورس دراسه في قسم الهندسة الكيمائية كلية التطبيقي

وعندنا مقررات مشتركه بينا وبينكم

الا وهي PHYCSA 101
ويدرسني دكتور محمد العثمان

يا ليت اتخبرنا عنه الدكتور وعن المقرر


والمقرر الثاني
CHEMYA 101

يا ليت اتخبرنا عن طبيعة المقرر


والله يوفقكم ان شا الله

 

[شيخة]

هلا فيج اختي ،، الصرااحه ماعرف عن هالدكتوور بس بسال لج

بس ابي اعرف شلون عرفتي من الدكتور اللي بيدرسج؟

 

[sadiq6210]

وعليكم السلام ورحمة الله وبركاته

PHYCS101 مقرر خفيف وممتع
واذا كنتي من خريجي المسار العلمي ما راح تواجهين فيه صعوبة ان شاء الله
القسم الأول من المنهج يتحدث عن قوانين الحركة والسقوط الحر اللي اخذناهم بالثانوي
القسم الثاني يتناول قانون الاتزان total(Force)=0 وتحليل القوى total(Force)=ma
القسم الثالث عن الطاقة والتصادم (الطاقة المكتسبة = الطاقة المفقودة)
القسم الأخير فيه جزء من الكهرومغناطيسية
بمعنى آخر أن محتوى المقرر لن يخرج عن مقرر (القوة والحركة) اللي اخذناه بالثانوي
درسني هذا المقرر د.محمود ناصر قبل 3 سنوات، وهو من أروع الاساتذة اللي عرفتهم حتى هذا اليوم
أما الدكتور محمد العثمان للأسف ماعندي عنه فكرة، وان شاء الله باقي الأعضاء ما بقصرون معاج


مقرر CHEMY101 أسهل من الفيز من وجهة نظري
هو عبارة عن مقدمة في علم الكيمياء، معظمه أخذنا في كيم101 بالثانوي
ماتذكر المنهج بالضبط بس فيه عن طرق حساب المولات والجدول الدوري وأعداد الكم والعناصر المشعة وطريقة وزن المعادلات الكيميائية
درست هذا المقرر عند الدكتور محمد سليم أختر، دكتور تحفة ^_^
ان شاء الله هالمقررين ما منهم خوف، وربي يكتب لج التوفيق

بس ابي اعرف شلون عرفتي من الدكتور اللي بيدرسج؟

جربي هذا الرابط اختي شيخة
http://www.online.uob.edu.bh/cgi/enr/schedule2.class_schedule?progtype=1&cyer=2007&csms=2


بالتوفيق

 

[أنس الوجود]

أجمعين ان شا الله

وشكرا جزيلا وربي يعطيكم مناكم دنيا واخره ^^

 

[atom]

وعليكم السلام
اهلا ومرحبا

بالضبط مثل ماقال اخونا العزيز صادق ..
ان شاء الله ما بتواجين اي صعوبة فيهم و بالدراسة الجادة تقدرين تحصلين A
مقررات كثيرة مشتركة بيننا "الكيمياء" و الهندسة الكيميائية الاختلاف فقط في الارقام
مثل الفزكل .. الاورقنك .. الانلاتكل طبعا المنهج فيه اختلاف ولكن بسيط

اذا احتجتي اي مساعدة ان شاء الله نكون بخدمتكم

الله يوفقم ان شاء الله

 

[سنوره]

يــا هــلا

وعليكم السلام

المقررين سهلين بالمراجعه أول بأول وحل تمارين من تستات سابقه

لان الامتحانات عادتا تكون مثل السنوات اللي قبلها

درسني د. محمود ناصر بس البنات اللي درسهم د. العثمان ما سمعتهم يذمونه


والله يوفق الجميع

 

[شيخة]

انه خذت هالمووااد في الثاانوية وايد وايد وايد سهل ،، وان شاءالله انه بسال لج عن الدكتووور

وموووفقه يااارب

 

[شيخة]

هلا اخوي صادق انه دخلت هالرابط بس يطلع لي الاوقاات والاوقات انه عندي وكلشي فيه اعرفه بس بغيت اعرف من الدكتور اللي بيدرس في السكشن اللي انه فيه

 

[أنس الوجود]

مشكورين وربي يوفقكم واسعدتني مشاركاتكم ربي يسعدكم ويخلي ايام فرح وسعاده
ويسر لكم اموركم يارب

atom

ان شا الله ربي يسرها علي وعليكم
ومشكورة عزيزتي وربي يوفقج ان شا الله للخير


سنوره

مشكورة اختي على النصائح الذهبية يا ذهب وربي يوفقج

شيخة

هلا والله بشعب كليتنا ^^

مشكورة عزيزتي وربي يوفقج دنيا واخره

هذي الوصلة علشان تعرفين الدكتور الي بيدرسج

http://www.online.uob.edu.bh/cgi/enr/schedule2.class_schedule?progtype=1&cyer=2007&csms=2

وهذي صورة اتمنى توضح اكثر

تختارين الماده في اللستة الي على اليسار بيطلع لج بعدها الماده تضغطين على رابطها بعدها تشوفين السكشن مالج وشسم دكتوركم

مثلا انا ما طلع لي الا اسم دكتور الفيز البقية ما يطلع

وتبقى كلمه اخيره بالنسبة للدكتور انا مو مهم عندي شرحه كثر اخلاقه



الا شنو تخصصج

موفقه يارب




واشكر كل من عقب على موضوعي والله يعطيكم الصحه والعافية

 

[UOB-BH]

هلا اخوي صادق انه دخلت هالرابط بس يطلع لي الاوقاات والاوقات انه عندي وكلشي فيه اعرفه بس بغيت اعرف من الدكتور اللي بيدرس في السكشن اللي انه فيه

مرحبا اختي
الرابط السابق يظهر جميع المعلومات بما فيها اسم الدكتور
توجهي للرابط السابق واتبعي شرح اختي "أنس الوجود" جزاها الله خير

بالتوفيق

 

[شيخة]

مشكوورة حبيبتي على هالتوضيح ، بس المواد اللي عندي مايطلع لي الدكتوور اللي بيدرسني وجربت مواد ماعرفهم وطلع لي الدكتور بس موادي مايطلع

مشكوور اخوي uob-bh على التوضيح

يعطيكم الف عاافيه

 

[sadiq6210]

صح كلامج اختي
بعض السكاشن تظهر فيهم عبارة To be announced
حيث لم يتم تحديد الدكتور حتى الآن ولا يمكن معرفته في هذه الحالة

 

[أنس الوجود]

هلا اختي شيخه مثل ما قال الاخ صادق ما يطلع

انا بعد مثلك بس طلع لي الفيز

يلا الحمد لله

بس اهم شي من اسبوع تشوفين دكاترتك اذا زيين او لا

علشان تتصرفين

وبالتوفيق لكم كلكم وان شا الله تتيسر اموركم

 

[شيخة]

مشكوورة انس الوجوود ،، انه حددت لي الدكااتره اللي زينين من جذي ابي اعرف من الحين

بس ان شاءالله يحطووني

مشكووورين