ممكن مساعدة ..ماعرف شي

[التماس دعا]

اهلا وسهلا


سؤال

انا ماعرف انجليزي ..تقريبا تقدرون تقولون واحد بالمئة فقط اعرف انجليزي...

ومادة الاكونت كل انجليزي..اصلا تخصص البنكينك اند فايننس او تخصص الاكونت ..كل انجليزي


فلين ادش الشكشن مع الدكاترة..أنا + الكرسي= واحد ولافرق


ولا اعرف الاسئلة بالانليجيز شنو مكتوب...
ولاهم يحزنون


شنو اسوي؟

والحين نفس المجانين ..ماخذ لي كتاب الاكونت من اول صفحة قاعد اكتب في القووقل حق يترجم لي شنو مكتوب...

والحل شنو؟

 

[AL-MU’allim]

هلا خوي
جامعة يبي ليها لغة من رايي تدرس في الهند لغة أو تروح المعهد البريطاني وفي برنامج اسمه English Guru مفيد هذا البرنامج
وانت طالب جديد شوي شوي بتدش في الاجواء الجامعية وبتعتاد على الامر

 

[التماس دعا]

ممممممممممممممممممم

شفايدة الحين رحت المعهد؟او درست انج خصوصي؟

لان انا الحين ابي انجليزي....
ولا 5454 مليون سنة بتعلم انج ...

وحتى لو تعلمتها عقب سنوات...شفايدة...
نفس ماقلت الحين ابي


الله كرمي

 

[bent alahmed]

جوف اخوي انا في الانج كلش يعني ما افهم
بس احين من الدراسه في الجامعه قمت اتعلم يعني ماتياس حتى لو احين مافهمت حاول تدرس اول بوال وترجم الي موفاهمنه وبعدين بيصير اوكي بتحس روحك تفهم

 

[التماس دعا]

انزين انا فيث الاكونت ماعرفت شي في الكتاب

يعني اروح وابطل القووقل واترجم كل الكتاب؟

عقب بتجوفيني في المستشى السلمانية مخلين لي كرسي واهناك انا نايم عليه

 

[z0z0]

ليش تترجم كل الكتاب ؟
اصلاً الأكاونت ما يحتاج إلى لغه وااجد
بس حاول تطلع معاني بعض الكلمات الصعبه و الطويله و في الأكاونت تركز على الدرس و اذا مافهمته تقول للدكتور يعيد و يشرح لك بالعربي شوي و بتفهم
يعني مافيه أحد يقبلونه في الجامعه و هو مايعرف و لا كلمه انجليزي أكيد انته تعرف شوي , في محاضره الانج حاول تركز في القرامر و حتى لو مافهمت من أول مرا خلهم يعيدون لك الشرح مافيه مشكله
و انصحك تروح معهد علشان تقوي لغتك واجد بتستفيد , كلش فاقد الأمل و حاط في بالك انك ماتقدر تتعلم انجليزي ترى عادي شوي شوي بتتعلم
اذا انته جدي لا تاخذ خمس مواد هالكورس احذف أما الإيكون أو المنيجمنت
و في النهايه الشي مايجي بسالهل لازم تتعب و تبذل مجود في الدراسه علشان تحصل نتيجه ..
بالتوفيق

 

[Light Dream]

ويش اقول ليك ياخوك انا نفس المعناة .. بس مع الوقت تعلمت .. واللحين اكو امشي في الســكشن افهم ويش صاير .. لا تعتمد على القاموس واجد حاول تفهم منك ومن نفسك ويش مكتوب .. والكلمة الصعبه الي تحسها مافهمتها ترجمها .. وان شاء الله بتمشي وحط بالك الى شرح الدكتور ماعليك لا تركز واجد في اللغة وويش قاعد يقول ساعات لان يبربرون حجي من برا .. مو كل كلامهم في الدرس .. بس انته شوف الزبده من الدكتور ويش يسوي على السبوره ويش يشرح طريقة الحل .. وبتفهم ان شاء الله .. اول الايام بعدين بتحس شي عادي .. الله يوفقك ..​

 

[التماس دعا]

شكراحجي+حجيات



الله يوق الجميع إن شاء الله
7

التماس دعا

 

[RoAa]

حسيييتك تتكلم عني..
بس الفرق انت اكاونت واني منجمنت مع الدكتورة ايفيلينا..واجد معااناة..
..
اني قلت بروح معهد بالاضافة للجامعه..يعني بكون تقويه..!
..
واكييد منكسب لغه في هالجامعه..وكل شي شوي شوي..
بس لاتحبط رووحك..وتقول ماافهم..

 

[التماس دعا]

إن شاء اللله يصير خير



وشكرا جميعا

 

[the life]

ترى بقولكم ايفلينا ما ينفهم لها

اني اوكي افهم انجليزي بس اهي مادري شلون تهذر واجد والكلمات شوي صعبه ما تنفهم

عقب ما ترجعون اخذو النوتات والكلمات اللي ما تعرفونها ترجموها وبتفهمون

وعن الاكاونت ترجمو اللي تكتبونه في اللاكجر

و في نوتات في الـنت تحصلونها بعد تفيدكم

الكتاب فيه اشياء محذوفه بعد انتبهو لا تدرسونها وتشوشون روحكم

لا تقولون ما نفهم ولا تيأسون مع الوقت بتتعلمون بس يبي لكم شوية صبر وإراده

موفقين ^ـ^

 

[التماس دعا]

شكرا حجية


الله يوفقكم إن شاء الله

 

[Ba7aR]

انا علمي وداش بنكنق
مصطلحات واجد تجاارية ما افهمهاا
لكن اذاا اقعد اركز يا الدكتورة شوي اجس افهم المعلومة الي تبي توصلهاا
بس شوي شوي بنتعود ع الوضع توناا مبدين

 

[sabeel]

حمِّل قاموس في تلفونك
و احفظ اللي تقدر عليه من الكلمات وقت اللي تكون فاضي

اني حاولت اسوي جذي <<< حفظت كم كلمة و يمكن نسيتهم بعد

​

 

[احساسي يكفيني]

ههههه نفس الحالة ويمكن اخس منك اني فاقدة الامل اني اتعلم الانج وصايرة كلش مافهم ... احس روحي في السكشن الوحيده الي مو فاهمه
واحس الي ما يعرف انجلينزي ما يكمل في الجامعه والله يستر والمشكله انهم ابد ما يتكلمون بالعربي من جذي اضيع واجد

 

[التماس دعا]

الله كريم


الله يوفقنا جميعا إن شاء الله

 

[صاحبة الظل]

ترى ناس واجد لغتها الانجليزية ضعيييفة جدا و اني وحده منهم
لكن مو معنى هالشي انة احنة ما نفهم بالعكس نفهم احسن من الي عدهم اللغة قوية
يعني الاكاونت ماده فهم و معضمه تعامل بالارقام و الكلمات نفسها تتكرر عليك مع الوقت راح تعرف معضم الكلمات و تمشي
و لكتاب ما يندرس منة نوتات الدكتور هي الي تدرس منها لانه المقرر جزء بسيط النظري فية كلة عملي
و لا تيأس و لا تخاف اساسا لانكتقدر تمشي في كل المقررات الي بالانجليزي حتى لو كانت اللغة ضعيفة باعتمادك على الفهم تقدر تمشية و تحصل اعلى الدرجات حتى

 

[التماس دعا]

الله يوفقنا إن شاء الله

شكرا حجية

 

[دل شكستة]

اي والله اي والله نفس الحالة و نفس المعاناة و لا نفس المواد بعد في السكش مو مستوعب شي و كل العالم بصوب و المنيجمنت بصوب الدكتورة كلش ما تفهم يا انه غبي او اهي غبية و في الكويز اليوم عطيتها الورقة بيضة

 

[التماس دعا]

ها والله خانم

انتي دل شكسته من هم دل شكسته ام

خدا يك صبر بما بده إن شاء الله