ورشة الصيانة ضروري!!

[warm snow]

مرحباا

ادري مو وقته بس ضروري عشان اقدر استخدم الاب واتابع الاخبار

انه سويت رستارت للاب وطلع لي

بس الفرق ان فيه اشارة وندوز 7
المهم ان هاي الصفحة فيها تحميل لما يخلص
يطلع لي يبي السيريال كود لل license
وما ادري من وين احصل هالكود
بالاضافة يطلع لي وورنق على الشاشة يبي اسمح لبرامج الحماية والكيبور الخ
لما اضغط سماح يظل يعيد في الوورنق
والشي الاهم كلنا افتح النت اكسبلورر او المسن او برنامج الحماية يرجع يصكها فورا
مب عارفة اتصرف معاه


ممحلاظة فوق في نفس الصفحة طالع لي
viruses 10 system slowdown
system errors 29 unprotected privacy data
register errors 189 internet connection loss

يا ريت تفيدوني شسوي​

 

[UOB-BH]

هذا برنامج وهمي يعرض نتائج وهمية، شركات الحماية تصنفه على انه (برنامج تخريبي زائف)، يقوم بالتأثير على بعض الملفات وتخريب عمل بعض التطبيقات والبرمجيات عشان تشترين البرنامج ليقوم بإرجاع الامور لما كانت عليه قبل تنزيل البرنامج، وهو بالتأكيد غير تابع للمايكروسوفت، والشغلة كلها على بعضها احتيال وخداع من مبرمجي البرنامج

مثلما ذكرت النتائج المعروضة مثل عدد الأخطاء والفايروسات لا علاقة لها بالواقع، والحل هو في إزالة هذا البرنامج وبتعود الامور لوضعها الطبيعي
من البرامج اللي أكرهها لأنها تنتشر في كل مكان في الجهاز ومايقدر الواحد يحذفها بسهولة، راح نتبع الحذف التلقائي للاختصار، فقط اتبعي الخطوات التالية وان شاء الله تتخلصين منه:

1- أغلقي كل النوافذ للبرناج Windows Emergency system بالشكل الطبيعي (يعني اضغطي على زر الأكس الأحمر أعلى النافذة في جميع الصفحات اللي بتفتح لج تلقائيا)

2- نزلي الاداة التالي (مهمتها وقف الملفات التابعة للبرنامج اللي تعمل في الـ RAM لتمهيد حذفه)
http://download.bleepingcomputer.com/grinler/iExplore.exe
بعدما تنزلينه افتحي الملف iExplorer وانتظري شوي حتى ينتهي من اغلاق جميع ملفات البرنامج

3- لازم نعدل قيم الريجستري الحين، نزلي الملف التالي
http://download.bleepingcomputer.com/reg/shell.reg
واضغطي عليه دبل كليك عشات تفتحينه، اذا ظهرت لج رسالة سيكيورتي اختاري Yes OR Allow

4- الحين نبدأ حذف البرنامج، نزلي البرنامج التالي:
http://www.malwarebytes.org/affiliates/2-spyware/mbam-setup.exe

لما تنتهين من تنزيل البرنامج، اختاري Perform full scan واضغطي scan واتركيه ينتهي لنحصل على النتيجة كما بالصورة التالية:

نؤشر على جميع النتائج ونضغط Remove Selected


5- نسوي ريستارت