ورشة الصيانة question ??

[هندسة حاسوب]

سلام

اني ادري انه اللي بقوله ما اقدر احصل على حل الى المشكلة كامل بس جزء منها

وسؤالي هو اني في لابتوبي ساعات لم اشغله يطلع لي خطوط ما يرضى يفتح وساعات مرة وحدة يشير ويصير جدي ، امبه اعرف شنو الخلل اللي يخليه يصير جدي ومن شنو في الجهاز ، اني ادري انه يبي لي محل كمبيوتر بس ابي استفسر حالياً


شكراً

تحياتي

 

[:: Ali M ::]

عليكم السلام

مو شرط محل كمبيوتر اختي العزيزة ،، اذا نعرف شنو المشكلة ، ونفرض ان المشكلة في احد قطع الجهاز ، بسهولة نشتريها ونركبها بدون محل .. وشوي شوي نتعلم اذا عندنا رغبة ، نقدر نبحث في الانترنت ويوتيوب ونشوف طريقة تركيب الكمبيوتر اذا مبتدأة ، وبتشوفين طريقة تركيب كل قطعة في الجهاز من الالف الى الياء .
تركيب قطع الجهاز كلها سهلة، ولكن اغلب المشكلة اللي يواجهها الناس هي مايعرفون طريقة توصيل الوايرات واماكن كل قطعة والسبب ببساطة هو ان الشخص مافتح كمبيوتر قبل .

عموما ، اهم شي نعرف وين المشكلة وشنو سببها ، هل هي سوفتوير في البرامج والنظام ، او هاردوير في احد قطع الجهاز .

فممكن شرح اكثر اختي ، كيف هي الخطوط ؟ وين تطلع ؟ متى تطلع ؟ هل يطلع لش مسج مال خطأ وياها ؟ هل يطلع صوت بيبز في الجهاز ؟ ارجو التوضيح اكثر لان بصراحة مافهمت

لابتوب او ديسكتوب ؟ يدخل الجهاز عالوندوز لو مايدخل ؟

 

[هندسة حاسوب]

الحمدلله من ناحية الوايرات اوكي وهم القطع

اني ما ادري بس أول ما فتحته اليوم ولأول مرة يطلع لي هالشي طلع لي مسج بس ما لحقت اقرأه كامل بس الي قريته كان ييقول يمكن الشي من هاردوير جديد وله شوفتوير جديد

كيف هي الخطوط ؟ طولية وتزيد تدريجية لين ما يصير لون الشاشة كله نفس الشي واذا كان من البداية يصير اسود

وين تطلع ؟ تطلع على الشاشة طبعاً أول ما فتحة اللاب توب صادفني هذا الشي مرتين مرة كان بالبتري ومرة بالجارج ومرة كنت اشتغل عليه

متى تطلع ؟ سوري ما اعرف جواب هذا السؤال

هل يطلع لش مسج مال خطأ وياها ؟ ما يطلع لي اليوم اول مسج وذكرت هذا الشي أعلى

هل يطلع صوت بيبز في الجهاز ؟ اي بس مو مع الخطوط ومو اللحين من فترة لم اشغل شي اسمعه ساعات يطلع هالصوت حتى احسه ساعات بينفجر وابنده

ارجو التوضيح اكثر لان بصراحة مافهمت اتمنى تكون فهمت وجزيل شكري لك
لابتوب او ديسكتوب ؟ يدخل الجهاز عالوندوز لو مايدخل ؟ لابتوب ، يدخل بس بعد ما اعيد تشغيله

بالتوفيق

 

[هندسة حاسوب]

i am waiting

i want answer

 

[:: Ali M ::]

معذرة اختي ، مو واضحة الصورة عندي للأسف ومابي افتي وانا مو متأكد من الشي ، اذا الكمبيوتر بعيد من الصعب ان اخمن لاني مو متصور المشكلة من الاساس.

عموما اذا الكمبيوتر يشتغل بعد الرستارت بشكل طبيعي ، معنـاة ان الجهاز مافيه شي (يمكن فيه مو شرط) بس القطع الرئيسية مافيهم شي ، لان القطع الرئيسية من تخترب تخترب ومايشتغل الكمبيوتر في اغلب الحالات.

نقدر نجيك ال health status من البايوس او من داخل الكمبيوتر بس اكيد مو حق كلشي ،، بس ماعتقد في مشكلة كبيرة في الكمبيوتر رغم اني مو متصور المشكلة ومافهمت صراحة عليش . أدري شرحتين لي بالتفصيل وماقصرتين بس اذا بعيد عن الكمبيوتر تصير الامور صعب تفهمهـا خاصة لما مشكلة غريبة مثل مشكلتش .


- لو مايخربط الكمبيوتر لما يشتغل بعد الريستارت ، ويظل شغال ومايبند ولا تطلع فيه اصوات او اي مشكلة مثل الشاشة او بطيء جدا او يظهر اي شي يوحي بان احد القطع خربانة (اثناء محنا داخل الوندوز)، انصح تسوينه فورمات مبدأيـا اذا ماتعرفين للكمبيوتر . واذا مافاد عليش بالمحل او اي شخص يعرف .

- ملفاتش الضرورية سوي عليها باك اب من الحين لتفادي اي شي يصير لا سمح الله ..

اذ تقدرين تصورين لي الشاشة اثناء ماتظهر الخطوط بكون كلش تمام .


المعذرة الاخت

 

[هندسة حاسوب]

ألف شكر

سوري عورنه راسك

ما لي غير المحل ما اقدر استغني عنه

ما يحتااااااااااااااااج الاعتذار المفروض بكون مني الاعتذاااااااار


المعذرة

 

[:: Ali M ::]

ابدا مافي عوار راس اختي وماداعي الشكر حتى ، ولهذا السبب احنا مجتمعين في المنتدى ...

انا بعد اشوف مشكلة مثل هذي ماتنحل اونلاين بالمنتدى ، لازم واحد يعرف له او محل ...

موفقة الاخت