السحر الحلال
[ هو انش تكونين مثاليه على الاقل في عيون نفسش وزوجش ]
وعشان توصلين لهل الشيء لازم تخوضين عده نقاط :
1- قراءه القران ( وخصوصا سورة البقره لها اثر كبير في السعاده الزوجيه ) ..
2-الثقه بالنفس ( الناس يشوفونش مثل مانتي تشوفين نفسش ) لو انتي تشوفين نفسش حلوة راح تكون تصرفاتتش على اساس انش حلوة والناس واولهم زوجش راح يقتنع انش حلوة وادا حسيتي من الداخل انش قبيحه راح تعكسين هالشي للي حوالينش
3- جمال الشعر ( الاهتمام فيه وترتيبه )
4-طريقه اللبس وهاي تكلمنا عنها وايد ومستعدين نتكلم فيها باللي تامرون عليه واي سؤال اني وبنات القسم مايقصرون
5- المعامله والاسلوب ( طبعا الجمال الداخلي افضل من الجمال الخارجي )
6- الدلع ( دلعي نفسش الا حوالينش يدلعونش ويبادلونش الاهتمام والتدليل .. عيشي ملكه الا حوالينش يقدومن لش الاكل على طبق من ذهب )
7- النظافه الشخصيه ( من جميع الجهات )
8- رومنسيات ( طبعا ابتعدوا عن كثره الليالي الحمراء وليله الممرضه وليله علي بابا ههههههههههههههه ترى كثرتها تنفر الرجال وخلكم على البساطه وراح اوضح كلامي بعدين ) ..
9- الطبخ ( مايهم كثره الطبخ بقدر شلون تحببينه في اكلش )
ونقطه مهمه حطيها في بالش ترى الرجال مايهتم للجمال بقد مايهتم لكل هالنقاط اللي ذكرتها
ساعات انشوف بنات عاديات ومافيهم جمال بس شوفي شلون زوجها يعاملها وياما بنت جميله رجلها هاملنا ويخونها ( مابرر للرجال الخيانه ترى اكره شيء في الحياه الخيانه بس حبيت اوضح اهميه هالنقاط ) ..
/
جوفي نفسش قبل وبعد هالتغييرات ويش الفروق!!!
من المهم جدا انش تغيرين في ستايلش ولوكشش من سنه لاخرى ترى حنا نتملل من بعض ادا قعدنا ويا بعض ويش حال هالرجال الا من تزوجش للحين ماغيرتش شكلشش خافي الله فيه هه امزح
ترى الكلام مو للكل بسس البعض عشان يتحركون شوي ..
شوفوا شلون تغير اللوك والستايل يغيرشش الف درجه
على فكره هاي الصورة لبنت وحده شوفوا شلون لون الشعر والمكياج غيروها شلون
وصل قصدي ؟؟
/
/
تغير لون الشعر - طريقه الحفه - قصه الشعر - المكياج - تغير طريقه اللبس - استعمال خلطات وتبيض - عمل تان ( برونز )
كلها اشياء تغيررررررررررررررررررررررررررررررررررررررررررررش
وتجدد مظهرشش والرجال مايتملل منش
جمال اللون الاشقر
اللون الاشقر يعطي انطباع انش جريئه ومثيره بس لاتجازفين ولاتصبغين الا درجه اشقر تناسبش
وهني ماله شغل بالسمره او البيضا ترى ياما سمراوات طلع عليهم الاشقر احلى من البيض اختاري صالون راقي يضبط لش الا يناسبش لازم تعاملين نفسش مثل الاميرات وما تسلمين شعرش لكل من
اللون الاسود
البعض يشوف ان الشعر الاسود اكثر اغراء من الاشقر
لان اللون الاسود يعطي انطباع ان المراه قويه وماتخضع بسرعه
واللي تشوف شعرها قصير او خفيف ترى انتين تتزين لزوجش عادي حطي وصلات وغيري شكلش
وادا ماتعرفين روحي الصالون يساعدونش ..
اللون الاحمر :
طبعا اللي تصبغ شعرها احمر تعطي انطباع انها امراه متحرره
عشان جدي لاتفكرون تصبغون هاللون واجد هه امزح وشكلتي مصختها بس اغير جو ليكم
بس هو صراحه مايناسب على كل وجه لاتجازفون فيه
واللي تحب اللون وعاجبنها تقدر تسوي خصل ترى روعه ومغري
يقال في هالايام اللون الاحمر مو ستايل مو موضة
بس تقدرين تطلعينه بطريقة حلوة عليش وانتين وشطارتش ويصير ستايل وذوق واحلى لون
حطوا في بالكم ياخواتي ياحبيباتي
ان الرجال حتى لو مايقز في النسوان
بس الرجال على طول بره وادا مو بره التلفزيون والنت موجودين في البيت
يعني لا تستغربين ادا سالتين رجلش شنو اخر موضه يقولش شنوو ..
ترى عنده عين ويشوف ويميز والرجال مخلوق بصري يعني افهموها ^ــ^
/
/
فلازم تنوعين في طريقه تسريح شعرش في البيت
فاذا شعرش خفيف سويه طبقات واايد وخليه يبين كثيف وع طول روليه ع برا
وادا شعرش خفيف من قدام سوي لش قصه واخفي الفراغات او استخدمي الرش الا يملي الفراغات مثل الصالونات
القصه :
ترى تعطي انطباع انش صغيره وفرفوشه
وانثويه بمعنى الكلمه وفيها منها انواع ساعات اتكون غليظه وساعات خفيفه وساعات بس قذله منزله ع صوب او ف الوسط .. وشوفوا اغلب الفنانات في التيفي لازم قذله نازله ليش ؟؟ لانها اكثر اغراء وحنا نسمت شعرنا لورى لين نقرع هه
القدلة هي تصلح لكل الوجوه
للقصير او المتوسط
هاي القصه تنصح لجميع الاشكال .. الطويله والقصيره والمتينه والضعيفه
هاي القصه اسمها قصه chaneel وتعتبر من القصات الاكثر اغراء
بس اللي شعرها مو ناعم لا تفكر تقصها
تسريحات البيت
التسريحات اللي تسوينها في البيت وتعتبر اغراء وتغيير
الويفي
رووووووعه وفرصه اللي شعرها خفيف تبينه كثير بهالقصه
الشعر الستررررررررريت
والرجال مايهمه شلون صار شعرش جدي
يعني عادي سشوري مو مهم
بسس يشوفش جدي يهبببببل
الجمال باللبس
مثل ماتكلمنا وعدنا وزدنا بان اللبس له دور في الانوثه والجمال والثقه بعد
وضروري انش تلبسين موضا وتختارين اللي يناسبش
وعندكم غرف التبديل جطربوا الا ناسبكم ولاتبخلون على انفسكم
طبقوا القواعد اللي في البداية على هالصورة
بيرفكت
لاتهتمين في عمرش ترى انتين الا تصغرين روحش مو الزمن
كلما اهتميتين في روحش وريحتين بالش كلما حسيتين انش اصغر من بنات سنشش
انووووووووووووثه لا تحرمون روحكم منها
