~ اللي راحوا الجامعة اليوم تفضلوا هنا (استفسارات) ~

[mahmoodi10]

احد يعطينا وجه ؟

للأسف .. أنا امس رحت الوزارة ومن زود الضرب على الانسحاب .. قالوا ملوا ورقة واذكروا الاسباب وبنرد عليكم .. واليوم رحت لهم قالوا الي بينسحب راح تنقطع عنه البعثة نهائياً .. غانون جديد
لك الله يا شعب البحرين ..

 

[asairy]

السلام عليكم ..

اممم محتاجه تساعدني ابي باص يوصل للجامعه اذا تعرفون ارقام احد يطرش لي عالخاص ..
و معلومات أكثر يوصل من مدينه حمد ...

شكرا لكم ..

 

[moto l6]

الحين انا امبي الزبدة , يصير انسحب يوم الاحد , ويقولون يصير تحذف المواد يعني اذا حذفتهم كامل = انسحاب صح ؟

مافي اجوبة شباب ؟

 

[UM REDA]

مافي اجوبة شباب ؟

اني سمعت ان الآداب مددوا ليهم للأحد
لكن كليات غير ما ادري
لكن جربوا حظكم
يمكن يمشونكم
ورقتين
ورقة تأجيل الدراسة وورقة حذف المواد
طبعاً تحذفون المواد كلها

 

[5o05a]

اني سمعت ان الآداب مددوا ليهم للأحد
لكن كليات غير ما ادري
لكن جربوا حظكم
يمكن يمشونكم
ورقتين
ورقة تأجيل الدراسة وورقة حذف المواد
طبعاً تحذفون المواد كلها

لاتقولين يصير يعني ننسحب يوم الاحد ! بتوقيع الدكاترة ولابدون !
متاكدة ؟

 

[أمواج]

أمس رحت دخلنا شاف البطاقة قال السكيورتي ليي اول يوم اجين؟ قلت ليه اي
سالني ويش بتسوين في الجامعة قلت ليه بكمل اجراءاتي و بوقع و بعدين بروح عمادة القبول و التسجيل و بنسحب هالكورس
قال لينا امشو .. حتى بدون تفتيش السيارة .. تونا مشينا شوي الا اموقفنا رجل الامن يبي نوقف تفتيش قلنا ليه السكيورتي قال لينا امشو فسكت و خلانا نمشي
المهم رحت شفت اسوار ما ادري من وين ندخل سألت بنات واقفين امبين عليهم بحارنة و دلوني عند النفق و التفتيش
وقفت و كان ويايي وحدة و احنا الـ 2 بطاقاتنا الستيكر أحمر الا ايقولون لينا الستيكر احمر لازم وردي و يبون يتحججون و الي صوبهم الثانية اتقول اني ما ادري اول يوم ليي اهني
قلت للشرطية لما ندخل قاعة 18 فيه عند البوابة انبدل الستيكر قالت ليي لا داخل القاعة << دام تدرين ان داخل القاعة و لازم ندخل بعدين انبدلها لاويش هالحجايج :S
المهم الشرطية الي صوبهم الي اول يوم ليها بنزارة قالت ليي ما بتعطيني شنطتش .. عطيتها اياها و فتشتها و بعدين فتشتني
و سألتني السؤال المعتاد لابسة باطلون جينز .. قلت ليها اي .. قالت ليي فتحي (يعني العباية) .. فتحتها و قامت اتفتش بايدها
خلصت فاخذت شنطتي و بطاقتي الي حطتهم على الطاولة قدامها و مشيت
دخلت شوي النفق شفت سيكيورتي 2 .. طالعتهم اثنينهم .. الي شفت ملامحه بحريني رحت سالته شلون ادخل قاعة 18 و دلاني
دخلت و خلصت توقيع و بدلت الستيكر و رجعت للباركات و رحنا بالسيارة و لما وصلنا الحقوق و شفت الباركات مفتوحة
قلت اوكي الحقوق قريب التسجيل بس ان شاء الله مو امسور عند مبنى التسجيل .. نزلت أجيك فيه طريق او لا
ارحت للي واقف عند التفتيش عند الحقوق سألته فيه طريق للتسجيل قال هذا مبنى التسجيل (و أشر عليه) بس علقي بطاقتش عشان بقولون يبون اشوفونها داخل
قلت ليه شلون اركبها و كنت للحين ما حطيتها في الشفافة .. قال ليي عطيني اياها بركبها لش و ركبها ليي .. شكرته و رحت التسجيل << شكله طيب ^^
سألت وين الانسحاب و وقفت في الطابور و أخذت الأوراق .. طلعت عند الكراسي و مليت الاوراق و رحت وقفت و ما كان فيه ناس
لكن الموظفة قاعدة اتسولف و لا عطتنا وجه أني و الي صوبي .. ضلينا فترة و جو بنات غير .. حتى الطابور عند الرجال الموظف خلص و هي بعدها فاضية اتسولف
المهم يوم خلصت سوالفها جت و خلصت الشغلة ببروووود .. و مشينا
في رجعتنا .. الي وصلني بياخذ بطاقته السكانية عند البوابة .. قالوا ليه اوقف على صوب
وقف السيارة و نزل و راح ياخذ البطاقة
قاموا يسالونه ويش عندك في الجامعة؟ قال ليهم أنا اموصل نسيبتي .. رد سأله في اي كلية؟ فرد نسيبي عليه بـ انا اول مرة ادخل الجامعة و ما ادري
أخذ البطاقة و رجعناا البيت

و الحمد لله رب العالمين

 

[UM REDA]

لاتقولين يصير يعني ننسحب يوم الاحد ! بتوقيع الدكاترة ولابدون !
متاكدة ؟

اني سمعت
يعني مو متأكدة 100%

 

[درازية]

 

[إحساس]

بصراحة الجامعة تعب في تعب وحر وواجد الا يفتشون بالعمالة اسوون حركات علشان اطفشووووووووووووون الواحد ويكره المكان...

بسالكم عادي اذا رحت يوم الاحد علشان انسحب؟؟
ابغي الخبر الاكيد؟؟ما ابغي توقعات

وشكرا

نفس السؤال
لأن اليوم كنت بانسحب لأن حالتي الصحيه ماتسمح لي اني اداوم في هالمعاناة و التعذيب :tears::tears:
و آنه من كلية الآداب .. رحت الساعه 12 قالولي تعالي بعد نص ساعه و لما كنت باروح تعبت أكثر وماقدرت ..

نبي خبر أكيد واللي يسلمكم ..
شكراً
المفروض كلية الآداب يعطونا فرصه اكثر ،، بس يوم لنا !!!!

 

[عابس]

للأسف .. أنا امس رحت الوزارة ومن زود الضرب على الانسحاب .. قالوا ملوا ورقة واذكروا الاسباب وبنرد عليكم .. واليوم رحت لهم قالوا الي بينسحب راح تنقطع عنه البعثة نهائياً .. غانون جديد
لك الله يا شعب البحرين ..

قانون ماله اساس ..اللي ينسحب وعنده بعثة ما تنزل له الفصل اللي انسحب منه فقط..اذا عندكم ورقة الاتفاقية اللي وقعتون عليها يوم تحصلون البعثة
ما استبعد وجود الشروط..ومو من حقهم يغيرون في شروط هم وقعوا عليها..واذا غيركم طاف ابها امس .. يعني ماكو قانون جديد يمشي على ناس وناس..
عموما ما استبعد الفصل القادم تكون فيه انفراجات للدولة ..وهالحثالة كلها تنقط هي وي شروطها

 

[بوطقطق]

قانون ماله اساس ..اللي ينسحب وعنده بعثة ما تنزل له الفصل اللي انسحب منه فقط..اذا عندكم ورقة الاتفاقية اللي وقعتون عليها يوم تحصلون البعثة
ما استبعد وجود الشروط..ومو من حقهم يغيرون في شروط هم وقعوا عليها..واذا غيركم طاف ابها امس .. يعني ماكو قانون جديد يمشي على ناس وناس..
عموما ما استبعد الفصل القادم تكون فيه انفراجات للدولة ..وهالحثالة كلها تنقط هي وي شروطها

بس اني عطوني رسالة مكتوب فيها " تم الموافقة على طلبك للانسحاب في هذا الفصل الدراسي, شريطة ان تدرس الفصل القادم على حسابك الخاص , وبناءاً على درجاتك في هذا الفصل سيتم النظر في إعادة البعثة إليك ."
ويش تفسير هذا الكلام في نظرك ؟

 

[عابس]

بس اني عطوني رسالة مكتوب فيها " تم الموافقة على طلبك للانسحاب في هذا الفصل الدراسي, شريطة ان تدرس الفصل القادم على حسابك الخاص , وبناءاً على درجاتك في هذا الفصل سيتم النظر في إعادة البعثة إليك ."
ويش تفسير هذا الكلام في نظرك ؟

مفاد الرسالة والواضح في قرائتها ان الفصل القادم راح تدرسه على حسابك..
اعادة البعثة متوقفة على درجاتك في الفصل القادم اللي راح تدفع مصاريفه بنفسك..
صياغة الرسالة تحتاج تفاصيل اكثر من ناحية الدرجات او المعدل الفصلي اللي على اساسه يتم استعادة البعثة..

الغريب ان مكتوب بالرسالة انسحاب مو تأجيل للدراسة..الورقة اللي صارت عندكم بالبيت مكتوب فيها بعد انسحاب لو تأجيل؟
الاحتمال اللي ارجحه ان الوزارة تفرق بين شخص سجل مواد وانتظم بالدراسة وبعدها انسحب ،وبين شخص انسحب قبل بداية الكورس وجدوله خالي من المواد..
عموما اللي انسحب قبل بداية الكورس مايعطونه هالرسالة ولا تفرض عليه شروطها..

 

[i! Princess !i]

سلام ..
شخباركم ؟!!
ما عرفت المكان المناسب لهالسؤال ..
بس حبيت اسأل عن الدكتور محمد عيسى ..
اليوم اول يوم أحضر محاضرة الساعة 8 "هيستوري" ..
و انصدمت لما شفت الدكتور غير " د . عبدالعزيز " !!
ابي اعرف بدلوا سكشن دكتور محمد عيسى ؟؟؟ أو فصلوه ؟؟ أو شنو بالضبط !!

 

[أمواج]

سلام ..
شخباركم ؟!!
ما عرفت المكان المناسب لهالسؤال ..
بس حبيت اسأل عن الدكتور محمد عيسى ..
اليوم اول يوم أحضر محاضرة الساعة 8 "هيستوري" ..
و انصدمت لما شفت الدكتور غير " د . عبدالعزيز " !!
ابي اعرف بدلوا سكشن دكتور محمد عيسى ؟؟؟ أو فصلوه ؟؟ أو شنو بالضبط !!

ما عندي اي معلومة
لكن في أحد المنتديات كان فيه لقاءمع البستكي
و من ضمن الردود فيه عضو/ة كان اقول ان كان احرضهم و ايأيد الي يروح الدوار و اقول الخليج الفارسي ووو
فما أستبعد اتخذوا وياه اجراء معين كالفصل
​

 

[i! Princess !i]

ما عندي اي معلومة
لكن في أحد المنتديات كان فيه لقاءمع البستكي
و من ضمن الردود فيه عضو/ة كان اقول ان كان احرضهم و ايأيد الي يروح الدوار و اقول الخليج الفارسي ووو
فما أستبعد اتخذوا وياه اجراء معين كالفصل
​

حراااام اذا فصلووه !!!
و الله خوش دكتور ..
و ابداً ما جاب طاري هالاشياء ..
بالعكس .. كان دائماً يقول ان احنا شباب جامعي واعي و نقدر نقرر مصيرنا بنفسنا .. و محد يفرض علينا شي ..
يعني ما كان يوضح هو مع أي طرف ..