بعثة الكيمياء

[hίµσ_έlηίηŎ]

السلام عليكم ورحمة الله وبركاته

اشلونكم

انشالله طيبين


انا طالب مخلص توجيهي معدلي 92.4 علمي

وحصلت على بعثة كيمياء في جامعة البحرين

وانا حاط الرغبة الاولى علو حاسوب وابغيها بصراحه

والكيمياء كانت الرغبة الخامسة


رحت لوزارة التربية والتعليم في المدينة

وقالوا اذا تبي تغير بتروح عليك البعثة وبتاخذ منحه

والا انك تدرس فصل وعقب تغير بس قالوا لي انه صعب تغير وناس
وايد رفضوا طلباتهم السنة الماضية (الي كانوا يبون يغيرون)



مادري ياجماعه الي يقدر يساعدني شنو اسوي

واشلون اغير البعثة وينصحني


وبالنسبة للكيمياء

اشلون دراستها والمواد
الله يخليكم الي يعرف لايبخل علي

تره ناس تقول يمين وناس تقول يسار ( ضيعت ابصراحه )

ومشكورين على تعاونكم

 

[Mystro]

السلام عليكم ورحمة الله وبركاته

اشلونكم

انشالله طيبين


انا طالب مخلص توجيهي معدلي 92.4 علمي

وحصلت على بعثة كيمياء في جامعة البحرين

وانا حاط الرغبة الاولى علو حاسوب وابغيها بصراحه

والكيمياء كانت الرغبة الخامسة


رحت لوزارة التربية والتعليم في المدينة

وقالوا اذا تبي تغير بتروح عليك البعثة وبتاخذ منحه

والا انك تدرس فصل وعقب تغير بس قالوا لي انه صعب تغير وناس
وايد رفضوا طلباتهم السنة الماضية (الي كانوا يبون يغيرون)



مادري ياجماعه الي يقدر يساعدني شنو اسوي

واشلون اغير البعثة وينصحني


وبالنسبة للكيمياء

اشلون دراستها والمواد
الله يخليكم الي يعرف لايبخل علي

تره ناس تقول يمين وناس تقول يسار ( ضيعت ابصراحه )

ومشكورين على تعاونكم

الكيمياء إذا أنت تحب التخصص ، فالتخصص جميل ، وفي الفصل إلي طاف حصل قسم الكيمياء في كلية العلوم على الاعتمادية الدولية ، يعني شهادة معترف فيها في العالم .

أما إذا ما تبي وتبي علوم حاسوب ، براحتك ، تقدر تخسر البعثة وتحولها لمنحة ، وتدرس علوم الجاسوب .

 

[متمردة]

و عليكم السلام و رحمة الله و بركاته


يعتمد عليك و على ميولك
إذا مالك رغبة في الكيميا لا تدرسه

بالنسبة لتحويل البعثات
جوف هالموضوع
https://www.uob-bh.com/forum/showthread.php?t=1636

حتى لو ما حصلت CS في اول كورس تقدر تقدم طلب تحويل
بس خذ لك مواد مشتركة عشان ما تروح عليك عقب التحويل

جوف خطة التخصصين و اسأل بعد
بس في النهاية جوف شنو حاب تدرس
و ما عليك من أحد لأن محد بيدرس في النهاية غيرك


B.Sc. Program In Chemistry
B.Sc. Program In Computer Science


بالتوفيق
​

 

[قمرة]

السلام عليكم انا انصحك تضل في الكيماء لانة تخصص رائع واما عشان طموحك ففي شي اسمه تخصص فرعي علوم حاسوب وانا نفسي كيمياء فرعي علوم حاسوب وتقدر تنمي هذا الطموح خارج اسوار الجامعة احسن بدل لاتخسر البعثة وبلتوفيق انشاء الله

 

[hίµσ_έlηίηŎ]

شكرالكم

مايسترو + متمرده+ قمره

جزاكم الله خير

بثبت البعثة وانشالله يصير خير

 

[مَرْيَمْ]

أهلاً أخوي

والله مُشكلتك مثلّي بالضبط

الشي المختلف التخصص

تدري وش إلاّ ضيعني وخلاني اوسوس واقول بغير وابي أحول

كلام الناس إلاّ مرة يوديك يمين ومرة يوديك صفر على الشمال

انا الحين قررت وحسمت قراري

ماني سامعة كلام احد ..

ولو عساهم قالوا برسب في التقنية المعلومات ..

لو قالوا شنو ..

لأني صراحة ما ابي اخسر البعثة

وأحس حرام أضيّع فرصة على سبب

اني كنت اتمنى ادرس محاسبة


شوف خوي ..

في أشياء نتمناها ونحلم فيها واحنا ما ندري انها اصلاً لو رحناها

بتضيعنا

يمكن انت الله ما كتب لك تدرس " كيمياء " إلاّ وفيه صلاح لك

خُصوصاً انّه التخصص ما يدرسونه الاولاد بشكل كبير

فأنت فكر على مدى بعيد انّه فرص العمل ان شاء الله تكون مفتوحه بوجهك

على عكس علوم الحاسوب

هذي نقطة

نقظة ثانية اختي خريجة كيمياء .. وبصراحة حسيتها مستمتعه فيه لدرجة

انت المُهم تكون تحب الكيمياء .. او تمام فيه بالثانوي

وآخر نقطه " إلاّ يتوكّل على الله ..الله ما يخيبه "

وان شاء الله ألقاك بعد سنين الدراسة

احد الأشخاص الكيميائين المَشهورين بالبحرين

والله يوفقك

ولا تضيع فرصة البعثة على حلم يمكن يكون مُجرّد

أمنية لو تحققت تندم عليها


والله يوفقك ان شاء الله

 

[متمردة]

لأني صراحة ما ابي اخسر البعثة

وأحس حرام أضيّع فرصة على سبب

اني كنت اتمنى ادرس محاسبة

لو الواحد حاب التخصص اللي طلع له مع البعثة و متقبله :sly:
فالوضع تمام

لكن

اذا الواحد ماله رغبة في التخصص
لازم يفكر مليون مرة قبل لا يدرسه بس لأنه بعثة

في النهاية التخصص بيستمر معاك و البعثة بتروح
على المدى البعيد في المستقبل بتشتغل في هالتخصص
هل انت حاب التخصص؟؟ هل بتحبك شغلك بعدين؟؟

رأي شخصي طبعا بالنسبة لتحديد الأولويات
كل واحد و نظرته و ظروفه

و الله يوفقكم جميعا في اللي بتختارونه

​