ورشة الصيانة الكمبيوتر يشير في restart

[moto l6]

السلام عليكم




الكمبيوتر شير علي مرة وحد ,وبعدين سويت لية رستارت واشتغل بس يشير والوندوس xp , ويش الحل؟

​

 

[UOB-BH]

مراحب

أحتاج تقرير عن حالة كمبيوترك

نزل الأداة التالية:
http://www.trendmicro.com/ftp/products/hijackthis/HijackThis.exe

Install >> Accept

وبعدين نضغط على الخيار الاول

بعدما ينتهي بيطلع لك تقرير في ملف Notepad، سو له كوبي الى الموضوع

 

[moto l6]

المشكلة ان هو ما يشتغل تطلع صورة الوندوز xp ويوقف !

 

[UOB-BH]

حاول تدخل من الـ SAFE MODE ^_^
سو ريستارت وقبل لا تشتغل الشاشة اضغط زر F8 بشكل متكرر ورى بعض لين تطلع صفحة سودة اختار منها SAFE MODE

 

[moto l6]

حاول تدخل من الـ SAFE MODE ^_^
سو ريستارت وقبل لا تشتغل الشاشة اضغط زر F8 بشكل متكرر ورى بعض لين تطلع صفحة سودة اختار منها SAFE MODE

جربت اخوي بعد يوصل للريستارت ويشير

 

[UOB-BH]

جربت اخوي بعد يوصل للريستارت ويشير

دام حتى من الـ safe mode ما يفتح ويسوي ريستارت .. فعندك ثلاث خيارات، أو على الأقل أنا أعرف 3 خيارات
1- تخلي سيدي الويندوز (نفس النسخة اللي تعمل على الجهاز) وتسوي للويندوز Repair
2- تسوي للكمبيوتر فورمات اذا ماكان عندك أشياء مهمة في الـ C
3- تشيل الهارديسك وتوصله بكمبيوتر ثاني في وضع slave بيشتغل كأنه فلاش ميموري وتقدر تنسخ ملفاتك بعدين تسوي له وفورمات

 

[moto l6]

دام حتى من الـ safe mode ما يفتح ويسوي ريستارت .. فعندك ثلاث خيارات، أو على الأقل أنا أعرف 3 خيارات
1- تخلي سيدي الويندوز (نفس النسخة اللي تعمل على الجهاز) وتسوي للويندوز Repair
2- تسوي للكمبيوتر فورمات اذا ماكان عندك أشياء مهمة في الـ C
3- تشيل الهارديسك وتوصله بكمبيوتر ثاني في وضع slave بيشتغل كأنه فلاش ميموري وتقدر تنسخ ملفاتك بعدين تسوي له وفورمات

حلت المشكلة , البارحة عطيت الكمبيوتر شوتة واليوم يشتغل تمام اعتقد المشكلة من المروحة

 

[UOB-BH]

حلت المشكلة , البارحة عطيت الكمبيوتر شوتة واليوم يشتغل تمام اعتقد المشكلة من المروحة

مروحة لبروسيسور فوقها COOLANT - FINS فحتى لو كانت المروحة ماتشتغل راح يحتاج وقت للوصول إلى درجة حرارة عالية وعمل ريستارت تلقائي او توقف الجهاز

يالله ÷م شي اشتغل ^_^ صرت الحين أعرف 4 خيارات للمشكلة
1- تخلي سيدي الويندوز (نفس النسخة اللي تعمل على الجهاز) وتسوي للويندوز Repair
2- تسوي للكمبيوتر فورمات اذا ماكان عندك أشياء مهمة في الـ C
3- تشيل الهارديسك وتوصله بكمبيوتر ثاني في وضع slave بيشتغل كأنه فلاش ميموري وتقدر تنسخ ملفاتك بعدين تسوي له وفورمات
4- تشوت الجهاز وتنام عنه .. يوم ثاني بيشتغل

 

[:: Ali M ::]

الكمبيوتر شير علي مرة وحد ,وبعدين سويت لية رستارت واشتغل بس يشير والوندوس xp , ويش الحل؟

في العادة ، اذا الكمبيوتر يشتغل وقبل لا يدخل عالوندوز ( لما يطلع شعار الوندوز) ومباشرة يطفي ، يعني هنـاك خلل او عطل في احد قطع الجهـاز الرئيسية مثل الفيديو كارد او الرام او غيرهـا وبيتأكد السبب اكثر عندما تحاول تدخل عالسيف مود ، لو مادخل يعني فيه قطعة خراب .
أحمد الله انهـا مروحة =) وتصلح بشوتة .

مروحة لبروسيسور فوقها COOLANT - FINS فحتى لو كانت المروحة ماتشتغل راح يحتاج وقت للوصول إلى درجة حرارة عالية وعمل ريستارت تلقائي او توقف الجهاز

الكمبيوتر مايشتغل اذا مروحة المعالج ماتشتغل او مو مركبة عدل ، في الغالب يطلع بيبز ويطفي ورا ثواني معدودة .

 

[UOB-BH]

الكمبيوتر مايشتغل اذا مروحة المعالج ماتشتغل او مو مركبة عدل ، في الغالب يطلع بيبز ويطفي ورا ثواني معدودة .

يجودني كمبيوترات مروحة لبروسيسور فيهم ما تشتغل بالمرة ومع هذا يشتغل الجهاز فترة لين ترتفع الحرارة ويطفي بروحة او تطلع الشاشة الزرقا
الـ FINS الموجودين فوق لبروسيسور قادرين المفروض على تخليص المعالج من حرارته لفترة قبل مايوصل لدرجة حرارة تتسبب في الريستارت

 

[:: Ali M ::]

يجودني كمبيوترات مروحة لبروسيسور فيهم ما تشتغل بالمرة ومع هذا يشتغل الجهاز فترة لين ترتفع الحرارة ويطفي بروحة او تطلع الشاشة الزرقا
الـ FINS الموجودين فوق لبروسيسور قادرين المفروض على تخليص المعالج من حرارته لفترة قبل مايوصل لدرجة حرارة تتسبب في الريستارت

يعطيك العافية مستر صادق ،،، بالفعل كلامك سليم 100% ، بدون المروحة راح يشتغل ، وال heat sink راح يبرده شوية ولكن عقب فترة وجيزة راح يطفي والفترة تعتمد على نوع وحجم ال Heat sink .
هالفترة راح تكون اطول لما يكون الجهاز مطفي وفجأة نشغله . ولكن لما يكون شغال ويطفي ، ويرد الشخص يشغله على طول (وهذا اللي اتوقع سواه الاخ) ، راح يكون حار من الاساس والهيت سنك اغلبهم كوبر او المنيوم يحتفظون بالحرارة >> وفبدونه ماراح تفرق ، فراح يطفي على طول . وهذا خطر على المعالج لانه يمكن يحترق . فالاحسن التأكد من انه الهيت سنك مركب عدل + المروحة تشتغل والا مانشغل الكمبيوتر .