blackberry 9800 &iphon 4

[عبير البنفسج]

سلام

شخباركم ؟

اليوم جه في بالي اشتري ليي تلفون جديد ( ما يصير يوم امرض و ما ادّلع )

الخيارين اليوم لحد الحين جاري التنافس بينهم blackberry 9800 &iphon 4

معني هذلين اكرهم بشدة و ما توقعت في يوم بخليهم ضمن خياراتي لكن في ناس تعرف تقنع

ادري اذا قلت لكم اي الاحسن اكيد بتقولون الآي فون

بس بصراحة ما اطيق الtouch خصوصا وقت الاتصال و كتابات المسجات ( مو بعد اذا معصبة ... يمكن ما يدوم ويايي يوم )

لكن الblackberry 9800 شكله حده كيووووووووت غير عن الباقي ( يظل بلاك بيري ) بس فيه كيبورد اهم شي و في نفس الوقت touch





فسؤالي : شرايكم فيه و في استعماله ؟

هل فيه عيوب ؟؟

يسوى الواحد ياخذه ؟

و بالنسبة للiphon 4




هل فيه عيوب ؟؟

 

[:: Ali M ::]

اول شي الف الحمد لله على السلامة اخت عبير ، وماتشوفين شر ان شاء الله
ثانيا مادرينـا انش دلوعة من هذول اللي اذا مرضوا ما يتشافون الا بهدية
سوري انا صفر في التلفونـات ، فافسح المجال لاخواني الباقين ، بس شكل البي بي حلوو

 

[UOB-BH]

ماتشوفين شر عبير
تذكريت لما كنت صغير ما أروح الحلاق إلا لما يشترون ليي هدية
أنا صفر ثاني في التيلفونات (للحين على أبو ليت) لكن نفسيا أرجّح الآي فون

 

[miss momo]

هلا عبوورة
سلا مات سلا مات الحمدلله على السلامة
بالنسبة للفون البي بي يناسبش دام تكسرين وحالة عويصة ويا التاج
حليو وكشخة
اني بعد ما عندي خبرة

 

[الغالية]

ما عندي خبرة عزيزتي ..

انا بعد ابي اشتري تلفون يديد .. بس ما افكر بالبي بي نهائيا ^_^..

سمعت انه التاج مال البلاك بيري مو ذاك الزود ،، بس هاي كان راي وحده بس .. فما ادري يمكن ما استعمالها اهيه ..

اما الآي فون .. لحد الحين ما جفت احد يشتكي منه ... على العكس ،، كل ما اقول ابي تلفون يديد .. قالوا لي آي فون

 

[عبير البنفسج]

اول شي الف الحمد لله على السلامة اخت عبير ، وماتشوفين شر ان شاء الله
ثانيا مادرينـا انش دلوعة من هذول اللي اذا مرضوا ما يتشافون الا بهدية
سوري انا صفر في التلفونـات ، فافسح المجال لاخواني الباقين ، بس شكل البي بي حلوو

الله يسلمك .. الشر ما يجيك ^.^

مو بس جذي ما اروح الجامعة بعد قبل تنفيذ الطلب

توقعت عندك معلومات اكثر مني

ايييي اني بصراحة مو عاجبني فيه غير شكله ... حدددده كيوت و جميل

على العموم شكرا

ماتشوفين شر عبير
تذكريت لما كنت صغير ما أروح الحلاق إلا لما يشترون ليي هدية
أنا صفر ثاني في التيلفونات (للحين على أبو ليت) لكن نفسيا أرجّح الآي فون

الشر ما يجيك ^_^

الحلاق يهون ... اني ما اروح مستشفى ولا مدرسة ولا آكل ولا اجوف احد ( اعتصام )

حتى انتا بعد

الآي فون خليته ضمن الخيارات عشان انه عن حسب الأكثر تطورا ... بس ويش دراك يمكن في النهاية اشتريه كل شي جايز عندي

هلا عبوورة
سلا مات سلا مات الحمدلله على السلامة
بالنسبة للفون البي بي يناسبش دام تكسرين وحالة عويصة ويا التاج
حليو وكشخة
اني بعد ما عندي خبرة

هلا فيج

الله يسلمش ( شكله صار الموضوع عشان تتحمدون ليي بالسلامة )

اي صراحة حالتي جدا عويصة .. امس كسرت تلفوني و قاعدة الحين على القديم لين اشتري الجديد

اسألي لينا عاد اذا عندش احد ماخذ واحد منهم و عطينا خبر

 

[..أتومآ..]

سلامات عبير ما تجوفين شر ..

شخصياً ، بالذات هالبلاك بيري ما عجبني ،
ينرفزني شكله < ماحب تلفونات يتبطلون على فوق بهالشكل


ومن تجربتي الشخصيه ، أكيد بقولش إخذي الـ iphone 4
عجيب ومفيد في نفس الوقت ..

كل موضوع تبغينه ، بس تسوين ليه search في الـ Apple Store

وبيطلع لش على شكل Application وتنزلينه في التلفون ..

قصات شعر ، مكياج ، ألعاب ، إلخ ...

التلفون ما ينعاب ، وبتعتمدين عليه في كل صغيره وكبيره ،


ومن ناحيتي ، فأكثر شي فادني فيه ، إني منزله القرآن ومفاتيح الجنان والصحيفه السجاديه ،

يعني تقدرين تقولين إن قربني من الله أكثر ​

 

[z0z0]

أول شي الحمدلله على السلامه اختي ..
بالنسبه إلى البلاكبيري 9800 , مـا يمدحونه كلش .. اسمع من ناس انه اهو كل يشير و مو حلو اذا بتاخذين بلاك بيري اخذي الكيرف بس لا تاخذين هذا اللي ينفتح مو شي ..
الآيفون ممتاز جداً اذا في امكانيه اخذيه لا تترددين " مع اني ماحب التلفونات اللمس " بس الايفون 4 حلو .. ​

 

[jacksparrow]

انه عندي iphonoe بس ابي بلاك بيري الكريف خخ
اشتري هذا بنبادل مافيه مشكله

 

[XII]

بصراحة .. هالأيام انا ما انصح ان احد يشتري تيلفون غير الـ iPhone و بقية التيلفونات إلي تحمل اندرويد .. يعني هذا للي يبي تيلفون Smart
و إذا بنخصص ازيد انصح بالآيفون ..

صراحة .. تجربة مميزة انك تستخدم الآيفون تحسه غير .. بالنسبة إلى اللمس , انا جربت قبل الآيفون [ Nokia 5800 ] صراحة ما يتقارن .. النوكيا كرهني في اللمس و الآيفون حببني فيه ..

إن شاء الله في شهر سبتمبر الآيفون راح ينزل ليه iOS5 [ نظام جديد ] رائع بمعنى الكلمة .. سيتوافر فيه برنامج مشابه للـ BBM الذي هو ميزة البلاك بري الوحيدة إذا ما قارناه ببقية الهواتف ..

 

[WHITE QUARTZ]

اولا الحمدلله على سلامتج عبورة

ثانيا البلاكبيري كتلفون كلش مو شي ,, يعني اللي ياخذه بس عشان الجاتينغ والنت

الايفون احسن من البلاكبيري بواااااايد ,, واذا عادي تنطرين اعتقد شهر 9 بينزل الايفون اليديد

اتمنى افدتج خيتي


​

 

[صاحبة الظل]

الحمد لله على السلامة خيو ما تشوفين شر
بالنسبة حق البلاك بيري سم ضروسي هالتلفون ما احبهم كلش
فاكيد انصحش بالايفون
واذا على سالفة كتابة المسجات وما تحبين الشاشة بالمس اذا استخدتينة بعدين كل تلفون تجودينة تبين تستخدمينة بنفس الطريقة اقصد يعني باللمس لانة واااجد اسهل
واسرع بعد
ومثل ما قالو انتظري شوي لانة التلفونات هالايام كل يوم ينزل شي جديد واحسن من الي قبلة
والاسعار بسرعة اطييح
وموفقة عزيزتي

 

[عبير البنفسج]

خليتون يضرب في مخي الآي فون

شكرا لكم على ردودكم و مروركم

 

[violet shadow]

بالنسبة لي ما اشتهي البيبي كلش واهو بدون الخدمه اصلا تلفون كللش عادي مافي شي
اما الايفون صراحه رووووووعه برامج فيه جنوووون وايد يفيدش
انصحج بالايفون ثم الايفون ثم الايفون
ويقولون ايفون 5 فيه بدون لمس

 

[the life]

حيا الله عبووره

الحمدلله ع السلامه

طلعتين نفسي ليكون اخر العنقود بعد ؟

المهم من فتره قصيره خذيت لي ايفون 4 مع اني ما اطيق اللمس كلش

بس اشوفه حلوو وتعودت ع استخدامه بسرعه .. بس يبي له تنزلين برامج وبعدين خلاص تستخدمينه عادي

و ترى اللي لونه ابيض قالي اللي يبيع ان فيه مشاكل بس الاسود اوكي اني خذيت الاسود

اما البلاك بيري مااطيقه ياربي صرت اكرهه من كثر مااشوف الناس عندها ؛< ماتحب تاخذ شي الناس كلها عندهم نفسه

يعني انصحش بالآيفون بس لا تكسرينه مثل المرحوم

 

[عبير البنفسج]

مشكووورين على مشاركتكم

عملت برايكم و شريت الآي فون 4

 

[miss momo]

بجم خذتينة عممري
ومن وين
وكيفو معك منيح ولا لاااااااااا

مبرووووووووووووووك عقبال السيارة

 

[عبير البنفسج]

بجم خذتينة عممري
ومن وين
وكيفو معك منيح ولا لاااااااااا

مبرووووووووووووووك عقبال السيارة

الله يبارك في حياتش ^.^

بصراحة مادري من وين بس كأن قال ليي البابا ب280 مسويين عليه عرض بعد ... و الابيض مخلصين

بصراحة في البداية ما حبيته الجارج ما ياخذ ليه يوم .. بعدين جفت ان اني مسوية واجد اشياء تخلص الجارج و الحين بيرفكت

اما باقي الاشياء للحين ما حوست فيهم .. ما في وقت

:sly: توني كنت اطحن على سيارة جديدة بس كل ما اتكلم يقولون ليي سيارتش ما صار ليها سنة عندش

 

[miss momo]

ههههههههههه

لا تستعجلين خيو كل شي في وقته حلوووو يا حلوة

 

[XII]

بالبركة ..
موقع إن شاء الله يفيدش ..
http://www.iphoneislam.com/