استفســــار

[$جروؤوح$]

السلام عليكم

اليوم طلعت نتائج القبول للطلبة المستجدين .. والحمدالله عطوني رغبتي الاولى .. (تمهيدي اعمال مصرفية ومالية )
اني معدلي ممتاز ..
باخذ تمهيدي او لاا ؟؟؟
ومتى اروح حق اثبت التسجيل والدفع ؟؟

اتمنى اتردون عليي باسرع وقت ممكن ...
مشكورين

 

[سبط القصير]

خيو بالنسبة للتمهيدي انتين معفية منه
ما تخاذين تمهيدي يعني
ما يحتاج اثبتينه
لان بيعلنون يوم تهيئة ولازم بتروحين من شان تستفيدين بيعلنون عنه
وبعد بحددون ليكم يوم تدفعون وتستلمون الجدول

 

[$جروؤوح$]

مشكوووور عالرد
والله يعطيك العافية

 

[أخت القمر]

[[ مرحبا خيوتي ]]

اتمنى تزورين هالموضوع

مبين فيه كل شيء

http://www.uob.edu.bh/news/Aug09/14.asp

ولج كل الموفقية

// اخت القمر \\​

 

[$جروؤوح$]

مشكووووووووووورة وماتقصررين

 

[$جروؤوح$]

مكتوب في الموقع ان اطبع رسالة القبول ... من وين ؟؟!! ماعرفت شلون اطلعها

 

[بنت الحد]

من موقع الجامعة ....

 

[$جروؤوح$]

اي عرفت ان موقع الجامعة بس ماعرفت اروح اي صووب
الي يعرف بليز يرد عليي

 

[dim]

اهلا خيووو

بالنسبة للرسالة


تروحين موقع الجامعة وبعدين تفتحين نتائج القبول وبعدين بيطلع لش مربع تخلين الرقم الجامعي فوق والرقم الشخصي تحت وبعدها بعد ماتكتبين تاريخ الميلاد بيطلع لش رسالة ومكتوب فوق طباعة رسالة القبول ضغطي عليها وبس


ومع السلامة

 

[$جروؤوح$]

يسلموووو ...
اكو طبعتها

 

[Biology boy]

السلام عليكم ورحمة الله

ابارك لكم انضمامكم لجامعة البحرين واسأل الله ان يوفقكم في مسيرتكم الدراسية

تم تخصيص الفترة من 24 أغسطس الجاري حتى 27 من الشهر نفسه لتثبيت القبول وتسجيل
المقررات لجميع الطلبة المقبولين في الصالة الرياضية، على أن يكون يوم:
*الإثنين الموافق 24/8/2009 لطلبة كلية إدارة الأعمال،
* ويوم الثلاثاء الموافق 25/8/2009 لطلبة كلية الهندسة
،* ويوم الأربعاء الموافق 26/8/2009 لطلبة كلية تقنية المعلومات وكلية العلوم،
*ويوم الخميس الموافق 27/ 8/2009م لطلبة كلية الآداب وكلية التربية وكلية الحقوق وكلية التعليم التطبيقي".[/SIZE]