وأخيرا....هندسة مدنية

[أحمد السعيد]

السلام عليكم ورحمة الله وبركاته............

وأخيرا..........هندسة مدنية.....أي....هندسة مدنية.....

اليوم طلعت نتايج القبول في جامعة البحرين للعام لدراسي 2009/2010 وحصلت على رغبتي الأولى ألا وهي الهندسة المدنية...

بس.....أمبي أكون على استعداد تام من الحين...امبي أدخل أجواء الدراسة من هذه اللحظة....فياريت يا أعضاء هالمنتدى الكريم توضحون ليي الفكرة الرئيسية اللي تعتمد عليها الدراسة في جامعة البحرين بالنسبة لها التخصص....ويش هي المقرارت اللي راح آخذها أول فصل؟؟؟....

سمعت من قبل ان تخصص الهندسة المدنية يحتاج الى واحد خبرة في الفيزياء والرياضيات.....فأي نوع من الفيزياء والرياضيات يحتاج؟؟؟؟​

 

[زينبية]

هلا
اولا مبروك على قبولك و ان شاء الله تتوفق في الدراسة

الهندسة المدنية امممم انا الحين بروح سنة 2 يعني خذيت كورسين
هي تعتمد في الفزكس الا اول واحد بتاخذه نفس مقرر قوة وحركة الا في المدرسة .. و الماث الأولي نفس التفاضل و التكامل الا في المدرسة مع اضافات بسيطة
من مقررات 102 شوي تبدأ تصعب ..
انت الا عليك هو انك تراجع اول بأول و تحاول انه تحصل تمارين و تحل اسئلة امتحانات سابقة لان تكون مكررة خصوصا في الفيزياء ..
عادة مايجيبون افكار في الامتحانات غير الموجودة في الامتحانات السابقة
يعني لو تنتبه للدكتور + تدرس كل درس بدرسه "+ تحل اسئلة واجد تمام

و مو كل الا ويانا ترى يعني خبرة في الفيزياء و الرياضيات بس جو الجامعة غير
وفيه اعتماد شوي على نفسك لان الدكتور ما بيعطيك كل شي في ملعقة
انت لازم تتعب على روحك شوي

بالنسبة لمقررات أول فصل اذا انت مو اورينتيشن بيعطونك
physics 101 مثل ماقلت نفس قوة و حركة وفيه لاب و تقارير ..يعين تجارب علمية
math 101 الا هو الكالكولاس ,, تفاضل و تكامل
csc100 هذا مقرر كمبيوتر .. شلون تسوي برمج بلغة الc++ هذا اول ماتاخذه بتلاقي صعوبة لان شوي مادة يبي ليها و لازم يكون الدكتور يفهمك عدل عشان تفهمها
يمكن تلاقي الصعوبة بس في البداية بس لو راجعته عدل و حليت امثلة الكتاب و الاسايمنتات انشالله تمشي
eng 101 كلة مصطلحات مال هندسة وشلون تكتب تقرير
chemy 101 امممم مثل كيمياء المدرسة والدكاترة حليوين ... ويحتوي على لاب و تقارير



انشالله فدتك واي استفسار حاضرين
وبالنسبة الى مكان المقررات احنا كنا اوصل فصل في الصخير بس 2 فصل صارت نص موادنا صخير ونص موادنا مدينة ... يعني موادالتخصص في المدينة لان لاباتها في المدينة

 

[ALMALKI]

مشكورة اختي على الشرح

بس انا منزلين لي 4 مواد ريض + انج + عربي + كيمياء

هل اسوي اضافة للفيز او امشي على الي ماعطيني اياه ؟!

 

[زينبية]

سو اضافة للفيزياء
لان الكورس الثاني اذا تبي تمشي عالخطة لازم تنزل 102 فيزياء .. و فيزيا 101 لازم تكون ماخذنه
وفيه الكورس الرابع او الثالث على كيفك بعد فيه مقرر فيزياء لازم تكون ماخذ بعد مقرر الفيزياء 101

وترى تعب 4 مواد نفس تعب 5 مواد ... يعني مايسوى تنزل 4 مواد بس

 

[زينبية]

مشكورة اختي على الشرح

بس انا منزلين لي 4 مواد ريض + انج + عربي + كيمياء

هل اسوي اضافة للفيز او امشي على الي ماعطيني اياه ؟!

ليش مانزلو ليك csc ???
لازم تاخذ هالمادة عشان تاخذ الكورس الثاني مقرر اسمه الاوتوكاد الا هو التصميم ...
!!!!

 

[أحمد السعيد]

شكرا لك اختي /الزينبية/...........على شرحك الوافي.....

انا نزلو ليي كيمياء وفيزياء وسي اس سي وانجليزي........بس متردد هل أضيف المقرر الخامس.....أضيف الكالكولاس والله لا................

وشكرا​

 

[ALMALKI]

اخوي مادري شسالفتهم ؟!

يمكن لان صار ظغط على السكاشن وعطوني هالمواد ؟ يكون يسوون موزانة ولا لازم احذف واضيف ؟

او انه لازم اخذ الفيز و csc صيفي حق اقدر اضيف في الكورس الثاني المواد المتصله بهاذي المواد ؟!

 

[دهن العود]

بس حبيت اظيف شوية شغلات

للي منزلين له ريض maths 101 المقرر ككل سهل اذا كنت شاطر بالتفاضل والتكامل وعلى الاشياء الجديده بالمقرر تراها سهله بس انه كنت معتمده على الثانوي واستصعبت هالاشياء امثال ال ln و e وبعض التفاضلات والتكاملات الجديده .. اول المقرر بيكون اكثر شي تفاضل وبعدين بالنهايه بيي التكامل
انه كان دكتوري محمد العربي .. الله فوقي كان الدكتور حلييوه يعني كانوا الشباب مغربلينه واهو كان مستحملهم .. بس انه ما عجبني شرحه لان اهو ما ادري شنو اصله تونسي شي جذي وما كنت افه الا لما يتكلم انجليزي فلاقين صعوبه في الفهم .. بس كشرح للمقرر والامثله وحل التمارين خوووش نوتات نوتاته .. كانو رفيجاتي ياخذون نوتاتي لان الدكتور شارح بطريقه احسن من دكاترتهم .. بس على الدكاتره دكتور عبدالسلام تمام التمام .. شرحه وافي وينفهم على الطاير و نوتاته حليييوه

للي منزلين له فيز 101 المقرر حلوو وسهل وايد .. يعتمد على فهمك لمقرر قوة وحركه اللي ماخذ المقرر هم بعد بيكون عليه سهل ان شاء الله .. مهم وايد انه تدرس من النوتات واذا مو فاهم من النوتات يمكن انه يفيدك الكتاب .. بس انه ما فادني وايد الا يمكن بس قراءه .. مهم لشنو ..؟ .. مهم للكويزات .. لان وايد يأثر بالمقرر هالدرجات الكويزات وتقارير العملي " اللاب " والامتحان النهائي مال اللاب .. انه درسني دكتور رضا البنائي .. انه عني وايد عجبني شرحه يطبق الكلام اللي يقولونه انه الفيز فهم واستيعاب .. مافي وايد قوانين وهذا الحلو بهالمقرر مو مثل فيز 102 .. لان الدروس مترابطه معا بعضهم البعض .. العملي سهل بس 102 اسهل منه

الانج جنه مال الثانوي .. اذا الدكتور Don وايد زين لان نوتاته مثل الامتحان النهائي والمنتصف .. ذيج المره عطانه نفس السؤال ونفس الاجوبه في الامتحان .. مهم انكم تاخذون نوتاته اذا ماكنتوا عنده ..

الكيم .. هم بعد سهل وحلوو انه عجبني هالمقرر .. بدايته كله مثل الثانوي نفس الدروس تقريبا بعد اسهل من الثانوي .. بس نهايته في دروس يديده بس بعد سهله .. انه درستني ريما بيلا وهالدكتوره هنديه لكنها ذهب عجيبه بشرحها وحليوه واااايد واتحب انه الطلاب ياخذون A مو مثل باقي الدكاتره يبون يرسبون الطالب باي طريقه .. انه حتى اللاب درستني وايد حليووه وايد و اتساعد الطلاب

ال csc انه ما عجبني وايد .. حسيت ماله سالفه .. وماله دخل بالcivil زين اللي افتكيت منه هههه
بس ككل المقرر زوين انه عني المقرر كدراسه كان اوكي بس الامتحان النهائي كان صعب .. بس اللي درسوا عدل يقولون كان سهل خخخخخ

اذا نزلوا لكم 4 مواد ضيفوا المقرر الخامس لان ما يسوى كورس كامل وتعب وبس 4 مواد .. وصاجين لين قالوا انه تعب ال 4 مواد مثل تعب ال5 مواد

انه كنت ماخذه ماث وفيز وكيم و csc و انج

بس الصراحه وايد غلط نزلوا لكم 4 مواد .. ليش خلوا خطة الدراسه 5 سنوات .. بس صج يمكن صار ضغط

وبالاخير حياكم الله بالcivil engineering

 

[ALMALKI]

انا ماشتهي شي اسمه عربي

شكله عناد منزلينه لي اول فصل ههههههههه مادري مو وين مطلعينه هالماده لي

 

[زينبية]

شكرا لك اختي /الزينبية/...........على شرحك الوافي.....

انا نزلو ليي كيمياء وفيزياء وسي اس سي وانجليزي........بس متردد هل أضيف المقرر الخامس.....أضيف الكالكولاس والله لا................

وشكرا​

لازم تضيفه
لان الكورس الثاني بتاخذ مادة تعتمد عليه ..
والكورس الثالث بعد فيه مادة تخصص و الستات يعتمد عليه .. و في الكورس الثالث فيه مادة تاخذها رياضيات لازم تكون ماخذ مقررين الكالكولاس عشان تنزلها ... فأنياشوف انه تاخذونها لان الخطة لو بتمشون عليها واجد فيه ريكسوت (يعني متطلب سابق) يعني مايصير تاخذ هالمادة الا اذا اخذت المادة الا قبلها
وعموما جداولكم فيها خربطة و قالو لقسم تسجيلكم عنها و وعدوهم خير

بس الكالكولاس يعني مابتتعب فيه كله ماخذنه في الثنوية بس اضافات كلش بسيطة ...

 

[ALMALKI]

انا جدولي 4 مواد

كيم
ريض
انج
عربي

الماده الخامسه اي افضل اضيف الفيز او csc ؟

 

[متمردة]

الجدول خفيف

جوف أي وحدة من المادتين تفتح مواد أكثر الكورس اللي عقبه
الفيز أو السي اس

بالتوفيق

​

 

[أحمد السعيد]

مشكورة أختي الزينبية بس أنا مرتب اني أبقى على أربع مقررات ونزّل بعدين الماث والعربي في الصيفي .............يعني بمعنى آخر ان ماث 102 ما باخذه الكورس الثاني الا وانا ماخذ 101.......فويش تقولين​

...

 

[زينبية]

انا جدولي 4 مواد

كيم
ريض
انج
عربي

الماده الخامسه اي افضل اضيف الفيز او csc ؟

ضيف سي اس

والفيزياء اخذه الكورس الثاني
وفيزيا 102 اخذه صيفي .....

ولو ان اقترح عليك تشيل العربي وتنزل السي اسو الفيزيا احسن


قد ماتقدر امشي عالخطة

 

[زينبية]

مشكورة أختي الزينبية بس أنا مرتب اني أبقى على أربع مقررات ونزّل بعدين الماث والعربي في الصيفي .............يعني بمعنى آخر ان ماث 102 ما باخذه الكورس الثاني الا وانا ماخذ 101.......فويش تقولين​

...

مايسوى تاخذ كالكولاس 2 صيفي
هو صعب شوي ....
اني خذيته صيفي واتغربلت ....
و الصيفي مايشرحونه عدل
وضغط شوي

افضل انك تاخذه في كروس عادي يكون عندك وقت اطول في حال مافهمته

 

[ALMALKI]

يصير احذف العربي واضيف من بداله csc

والفيز والعربي صيفي ؟؟

شرايج اختي ؟

وبغينا تنصحونا بالدكاتره يعني في ذي المواد :

الريض
الكيم
csc
eng

 

[زينبية]

يصير احذف العربي واضيف من بداله csc

والفيز والعربي صيفي ؟؟

شرايج اختي ؟

وبغينا تنصحونا بالدكاتره يعني في ذي المواد :

الريض
الكيم
csc
eng

روووح لقسم التسجيل .. وشوف وياهم ,,
اي اوكي اذا بتخلي الفيز صيفي .. بس الفيز يعني عادي اخذه ترى سهل مو صعب كلش


الرياضيات عندك دكتور محمد العربي اللبي أو اذا لاقيت منى المناعي او عبد السلام هذلين احسن دكاترة
الكيمياء درسني سيد صادق العلوي ,, واجد زين
هو أو دكتور أختر وااجد زينين ,,
دكتور أختر درّس دكتور صادق يوم كان فالجامعة :q
وعالعموم كل دكاترة الكمستري زينين


السي اس بلوة خوك .. مو كل دكاترته زينين
اني درستني ميادة فيصل واااااااااااااااااااااااااجد زينة ونوتاتها فظيعة و تفهمك عدل , وكنت احضر الى دكتور يعقوب عاشير ,, بس كنت افهم حق ميادة لان تفصل كل شي ,, دكتورة يعقوب كان يعطينا اشياء زيادة مالها معنى ,, يقعد يفهّمنا و بعدين يقول لينا هذا مو مطلوب مايجيبونه واجد !!
وكنت اسمع البنات يمدحون في ياسر الخطيب يقولون تمام ..


الانجليزي خوك عادي .. اني كانت تدرسني لوري
الانجليزي كانت حصة مملة ماليها معنى ,, تجيب النووومة بس يلا افتكينا منها
دكتورة دلال واجد اووكي جان تصحل عدها مقعد D:


واي استفسار حاضرين

 

[dim]

بصراحة عندي بعض الاسئلة واتمنى من الاخت زينبية نظرا لان تخصصها هندسة تجاوبني والكل عنده خبره يفيدنا..............


لازم نمشي على الخطة؟ يعني لو اخذنا مواد صيفي من اخر كورس امم الي ابي اوصل ان هل المواد المعلومات الي فيها مرتبطة بالمادة الي بعدها؟؟؟؟؟


واتمنى لو تعطينا نبذة عن السي اس شلون نراجع له يعني هل نظري او عملي ؟ واي شي عنه


وهل تنصحوني اني اكمل موادي الي في لصخير وبعدين اتفرغ للمواد الي في المدينة ؟

وشكراااااااااااااااااااااا

 

[زينبية]

بصراحة عندي بعض الاسئلة واتمنى من الاخت زينبية نظرا لان تخصصها هندسة تجاوبني والكل عنده خبره يفيدنا..............


لازم نمشي على الخطة؟ يعني لو اخذنا مواد صيفي من اخر كورس امم الي ابي اوصل ان هل المواد المعلومات الي فيها مرتبطة بالمادة الي بعدها؟؟؟؟؟


واتمنى لو تعطينا نبذة عن السي اس شلون نراجع له يعني هل نظري او عملي ؟ واي شي عنه


وهل تنصحوني اني اكمل موادي الي في لصخير وبعدين اتفرغ للمواد الي في المدينة ؟

وشكراااااااااااااااااااااا

اهلا ..
انتون لأن للحين ما دشيتون في الجامعة وماعرفتون جوها .. فمتحيرين ,, بس أول ما بتدشون شوي شوي وبتتعلمون شلون تخططون حق تدرسون والمواد شلون تنزلونها ..

انت اذا مشيت عالخطة .. ما بتتخربط ,, و الخطة خالينها على اساس انه تناسب الطالب .. يعني مثلا أول كورس تاخذ مادة ,, الكورس الثاني تلاقي في الخطة موجودة مادة يكون المادة الا اخذتها أول شي متطلب حقها .. يعني ماتقدر تاخذها الا اذا اخذت المادة الأولية ... و لو ما التزمت شوية يعني بتتأخر و بصيدك خربطة خصوصا في مواد التخصص لأن معظمهم يكونون مرتبطين مع بعض
مرتبطين .. يعني يمكن اول مقرر تاخذه يكون بمثابة تمهيد ليك الى مقرر الا بعده ,, و مو شرط تاخذ المقرر الا بعده ثاني أو ثالث كورس
يجوز تصادف مقرر في اخر سنة ليك بس انت اخذت شي مبسط عنه في بداية دراستك في الجامعة
بالنسبة للماث و الفزكس هذول مرتبطين مع بعض .. يعني كل المقررات الاولى تجي تكمل عليها المقررات الا تاخذها بعدين ...


السي اس الله يسلمك هو نظري وعملي
نظري ان يعطونك البرامج وشرحها في السكشن ... و العملي عليه 10 درجات الا هوو عبارة عن الاسايمنتات الا تقدمها في اللاب ..
و انت لازم تدرس كل درس بدرسه لان انت بتحسه في البداية انه صعب شوي عليك .. شي طبيعي لان مادة جديدة
بس لو فهمته راح تحبها
انت لازم تحل كل تمارين الكتاب (الأمثلة) .. و تعيد على شرح الدكتور و تنزل برنامج C++ في جهازك عشان تطبّق في بيتكم .. يمكن يركز في مخك اكثر لو طبقته عملي ...

و بالنسبة لموادك الا في الصخير و المدينة
انت دش اول كورس و شوف الوضع ... بس انصحك يعني تمشي أول بأول .. يعني لا تخربط روحك

 

[ALMALKI]

اختي بغيت اعرف شلون احجز لي مقعد عند الدكاتره

انادخلت موقع فيه عن المقاعد بس ماعرف شلون احجز هل اون لاين ولا لازم اروح الجامعه ؟