طلااااب الهندسه الكهربائيه أدخلواا إذا ما عليكم أمر

[ذكرى النور]

اللهم صلي على محمد وآل محمد وعجل فرجه الشريف

السلام عليكم ورحمة الله وبركاته ​

بصراحه أبي مساعده من الاخواه والاخوات بكليه الهندسه الكهربائيه عندي مجموعة أسأله واتمنى ألقاء اجابه لها .



إن شاء الله إذا الله راد راح ادرس هندسه كهربائيه بس للاسف ماعندي معلومات وافيه عن طبيعة الدراسه بكلية الهندسه تخصص هندسه كهربائيه ؟أتمنى أحد يفيدني ويعطيني معلومات شامله عن الدراسه وعن الدكاتره وعن كل شي يخص الهندسه الكهربائيه ؟



وهل في مقابله وإمتحان قبل الدراسه ؟
​

ومشكورن والله يوفق الجميع ​

 

[hasan2007]

السلام عليكم
طبعاً انا سنة ثانية كهرباء
الدراسة حليوة بس يبي ليها جهد ومتابعة ، بالنسبة للدكاترة في الزين وفي الشين بس بالنسبة ليي دكاترة قسمنا زينين بالنسبة للباقي.
اما عن المقابلة فمافي
وبالتوفيق لجميع الطلبة الجدد

 

[hahss]

وعليكم السلام
التخصص حليو بس يحتاج شغل ومتابعة و الاعتماد بشكل كبير على الفهم
اذا كنتي مهتمة بالرياضيات والفيزياء التخصص بيعجبج
عدد الطالبات قليل في هالتخصص وفي الواقع اغلب تخصصات الهندسة يكون الذكور اكثر
في السنة الي طافت تم تغيير الخطط الدراسية لاغلب تخصصات الجامعة ومنها طبعا الهندسة الكهربائية وهذي وصلة الخطة
http://www.eng.uob.edu.bh/departments/m-EEgprog1.php
اول كورس بيكون موادة مشتركة تاخذونها مواد سهلة والكورس الي بعده بتاخذون مواد مكملة لاول كورس مثل الفيزياء والانجليزي والكالكولاس وبتاخذون في في ثاني كورس اول مادة تخصصية Circuit Theory I
كل مادة تخصصية لها مختبر وفي بعض البرامج الهندسية الي بتستخدمونها في المقررات مثل المات لاب و البيس بايس وغيرها من برامج الكمبيوتر
بالنسبة لدكاترة القسم مثل ما قال ابو علي في الشين وفي الزين سواء كان في الشرح او المعاملة
اهم شي تخلين في بالش انه لازم تحصلين على اعلى معدل تقدرين عليه من اول كورس لانه ما يتفوت
وبالتوفيق لج اختي


واي سؤال ثاني حاضرين

 

[ذكرى النور]

شكراً لكم أخواني عندي أستفسار ثاني

هل فعلا طلبة الهندسه مره المدينه ومره في الصخير؟

وشنو نصايحكم حق الطلبه الجدد؟

مشكورين ومبارك عليكم الشهر وعساكم من عواده إن شاء الله والله يتقبل طاعتكم​

 

[hahss]

في بعض المواد مثل الكمياء والفيز توجد في الصخير واللاب بكون طبعا في الصخير في كلية العلوم
واي مادة ياخذونها تخصص ثاني من الكليات الموجودة في الصخير تكون متاحة في المدينة والصخير يعني تقدرين تنظمين جدولج بين الصخير والمدينة توجد باصات تتنقل كل 30 دقيقة بين المدينة والصخير يفضل لج اذا تخلين جدولج في الصخير اول كورس(اذا قدرتي) اما بالنسبة لمواد التخصص تبع الهندسة توجد في المدينة ما عدا بعض المواد مثل ما قلت تكون في الصخير والمدينة

اهم نصيحة لا تفرطين في اول كورس لانه اسهل كورس وحاولي تمشين على الخطة الدراسية اذا ما مشيتي قد تواجهين مشاكل بعدين

ومتباركين بالشهر وبالتوفيق

 

[ذكرى النور]

تسلم أخوي ع المساعده وما منك قصور بارك الله فيك وجزاك الله خير

ونسأل الله التؤفيق وتيسير الامور لنا ولكم إن شاء الله إن الله سميع مجيب ​