مبروك على القبول
والله ماآدري
ان شاء الله الباقي يفيدونش
بس ماحبيت آطلع بدون رد
بالتوفيق
3
ويلكم فيش اختي في كليتنا ....
اولا على حسب التخصص الي خذيتينه في الجامعة عن نفسي دراسات تجارية ...
وعطوني اول فصل ....
1_ ENGLA111 : عند دكتورة سوزان تهبل راح تجيبين درجات حلوة عندها وهي مادة الانجليزي وكلش بسيطة والدكتورة بحرينية .
2_ ENGLA112 : عند دكتور سليم بونوير ما ادري جزائري يعني من المغرب العربي بعد يهبل راح تجيبين درجات حلوة عنده وعلى فكرة المادة كلش سهلة ماي بس درسي اول باول وتابعي ويه الدكتور وان شاء الله خير
3_ GSA111 : عند الدكتور محمد الزعبي اردني بعد يهبل درجاته بسرعة تحصلين عليها اختباراته كلش سهلة والمادة كلش بسيطة بس عليش تدرسين اول باول والمادة بالعربي على فكرة .
4_ MATH : عند الدكتور شكري مصري المادة ريا ضيات سهلة كلش مال الثانوية .
بالتوفيق لش اختي وان شاء الله تجيبين
هلاو بدفعة 2011 الكِرام .. حياكُم الله
إن شاء الله تجيبين أكثر من معدل 3 ,, و تنقلين و إنتين مستانسة بعد
المهم ..
أولاً ,, عندش 5 مواد أول فصل ..
أولاً ,, engla 111 .. أني درستني سميرة الحلواجي .. دكتورة رائعة بمعنى الكلمة و تساعد الطلبة وايد
ثانياً ,, Engla 112 .. درستني هاجر المحفوظ .. تساعد الطلبة وايد و تعطيهم أوراق للحل و تعيد الدروس القديمة بحلول .. حتى إلي كسلان يقعد من نومته
ثالثاً ,, Gsa 111 .. الدكتور محمد الزعبي ,, مثل الوصف إلي قالته إختي زوبا .. بس حطي بالش على هالمادة .. صدق بالعربي بس يبي لها دراسة
رابعاً ,, Csa 111 .. الدكتورة ندوى .. كلش طيبة و تساعد ,, ما شاء الله عليها
خامساً ,, Matha111 .. الدكتورة عفيفة ,, تعطي مسائل وايد وايد و تساعد الطلبة بعد .. بس مادري إذا تدرس تطبيقي أحين أو لا ..
الله يوفقش إن شاء الله
مي تو خلووني تطبيقي ..
بس ما انصدمت لذاك الزود لاني كنت خاله في بالي كل التوقعات ..
ياريت احد يفيدنا من ناحيه الرسوم لتسجيل القبول وغيرة
هلا إختي ..
إي ممكن ,, تقدرين تنقلين من سكشن لسكشن آخر و تقدرين تحذفين المادة إلي ما تبينها ..
بس انصحش تاخذين الخمس مواد كلهم ,, سهلين و حليوين ترى
على مااظن الورقه اله عندج يوم سجلتين ودفعتين الرسووم اله فيها الرقم الجامعيانزين سؤال ثاني شنو نحمل معانا اذا رحنا حق تثبيت القبول من اوراق وغيرة
واحنا بيكون مخصص لنا اي يوم ؟
سلااااااام عليكم شعْب التّطبيقي
أوّل شغلة ألف مباارك لش خيتوو عالقبووول و يا ربّ ينقلوونش بأقصى سرعة
ثااني شغْلة عندي اشويّة استفساارات لوحدة من قريباااتي عااطينها تطبيقي
هي في البداية كاانت مفكرة ماا تدرس في ال uob بس بعدين درسَت قرارها ونوَت تدااوم
عشاان جذي ماا بحثت من قبل عن الكليّة ولا عندها أي خلْفية عن طريقة الدّراسة فيها ولا عن المقرّراات
أحّين الحمد لله توضّح جزء من الصوورة ليي من خلااال ردووودكم الكريمة^.^
لكن لحّين فيه بعْض الأسئلة محتااجة أجوبتكم إذا ما عليكم أمر
* هل بمجرّد ما يحْصل الطّالب على معدّل 3 فما فووق يُنقل مُبااشرةً للبكالريووس حتّى ولو كان في الكوورس الأوّل؟ أم هُنااك مُدّة معيّنة يتوجّب على طالب التطبيقي اجتيازها؟
* ما هي أسْهل التخصّصاات في كُليّة التّطبيقي ؟ ومتى يستطيع الطّالب التخصّص؟
مُلاااحظة:
البنت تفضّل تخصّص ماا فيه انجليزي وريااضيات واااجد فمن بعد إذنكم ياا ليت تقْترحون عليها ماادّة ماا فيها هالماادّتين بشكل مُكثّف وتكوون سَهْلة
ولو إنّي أعتقد إنّ موااد التّطبيقي كلها بالانجليزي إذا ما خاب ظنّي بس بتكوون شااكرة ليكم لو تختاارون حقْها ماادّة حتّى لو فيها انجليزي أهم شي تكوون سهْلة
ويعطيكم ألف عااافية شَعْب التّطبيقي الطيبين
وعسااكم عالقوّة
عليكم السلام إختي ..
حياها ( إلي تصير لش ) ويانا ف المنتدى .. و أي شي تبيه إن شاء الله بنساعدها
على العموم ,,
كما قلنا من قبل ,, تقدر تنقل من أول فصل بمعدل ما يقل عن 3 .. و إذا جابت المعدل تقدر تنقل , و تروح للتسجيل عشان ينقلونها .. و في الفصل الثاني إذا ما تيسر لها الحال و ما قدرت تجيب الـ 3 .. فإن المعدل الثاني إذا جابت معدل ما يقل عن 2.50 تقدر تنقل إلى التخصص إلي تبيه .. و الفصل الثالث لازم معدلها ما يقل عن 2.33
و بخصوص التطبيقي .. كل موادها بالإنجليزي و فيه كم مادة تكون بالعربي ( تكون ما بين مادة أو مادتين إلي بالعربي ) .. أني بالنسبة لي إن حالتي صعبة بالإنجليزي :mellow: بس إذا حطت على روحها و انتبهت بتقدر تفهم المواد ,, ترى مواد أول فصل مو صعبين .. بس يبي لهم دراسة و تركيز
و بالتوفيييق يَ رب
يعطيش ربّي ألف عااافية اختي عالتّوضيح
والله يجعله في ميزان حسناااتش
انزين خيتوو ما تنصحينها بتخصّص معيّن ؟!
وبالنّسبة لتخصّصش (إدارة مكتبية) اشلوون تشووفينه؟ سهل أو صعب؟ ممتع أو ممل ؟
وإذا لحّين ما أخذتين مواااد تخصّصيّة شنوو انطباعات زملاائش الي أخذووا هالتخصّص عنّه ؟!
شكرًا مقدّمًا