اهلين فيش اختي في تخصصنا الجميل

,,
سنوات الدراسة حسب الخطة 4 سنوات ,, كل كورس تقريبا 5 مواد ,, طبيعة التخصص بيكون اول سنة تقريبا مواد مشتركة ,, الافضل انش تروحين قسم الفيزياء وتطلبين منهم الخطة ,, بتحجى لش اهني فقط عن مواد التخصص: احنا عندنا مواد فيزيكس + مواد مديكل فيزيكس .. بالنسبة لمواد الفيزيكس ,, فأول كورس بتاخذون فيز 101 هذا قوة وحركة سهل ,, والكورس الثاني فيز 102 عبارة عن كهربا يعني عن الدوائر الكهربائية والتيار وهيك " اذا ماخانتني الذاكرة عاد " ,, الكورس الثالث بتاخذون مودرن فيزيكس يتحجى عن الفيزياء الحديثة + مثمتكل فيزيكس 221 و فيز 209 ,, من الكورس الرابع بيعطونكم اول مادة تخصص الا هي فسيولوجي واناتومي الا هي" تشريح + علم وظائف الانسان" , بالنسبة لهذي المادة فاحنا كأول دفعة كان حتى كتاب ماعندنا وندرس من النوتات وكان يبغي ليهاااا معقدة نوعا ما ,, اما الدفعة الثانية فغيروا ليهم السستم وصار عندهم كتاب وصار لهممم اسسسسسهل ,,, الكورس الخامس بيعطونكم مقرر مديكل فيزيكس ومقرر راديو بايولوجي : يبغي ليهمم دراسة .. يعني في مواد تخصصنا الأي ماتنجاب بسهولة لازم تدرسيين وتذبحين روحش ويالله تحصلين على تعبش ,, ما ابغي احبطش بس التخصص يبغي ليه تعب مو نفس باقي تخصصات الجامعة ,, الكورس السادس : بعطونكم اميجنق + بروتكش +راديوثربي+ كمبيوتشنل : اسهل شي كان البروتكش والكمبيوتشنل عبارة عن برامج تسوونها على برنامج البايثون مافيه امتحانات كان بس بروجكات .. والاميجنق يبغي ليهم اشوية حفظ + واااااجد فهم اما الراديوثربي فالعكس ,, في الكورس السابع بناخذ نيوكلير الا هوه فيزياء الطب النووي + مديكل الكترونكس + دبارتمنت الكتف يعني مواد اختيارية من تخصصش هالكورس نزلوا لينا التراساوند + سلكتد توبكس ودلين مو ثابتين يعني كل مرة ينزلون مواد غير .. اما الكورس الاخير تاخذين المادة الثالثة من دبارتمنت الكتف + المواد الي ماخذتينها سواء فيزياء او مقررات حرة من برى الكلية ع حسب يعني ,,,
واجد هدرت ,, ادري مافهمتين ليي عدل بس حاولي هخخخ
ملاحظة : ترى بيكون عندش مواد فيزياء تاخذينها ويا مواد التخصص من الكورس الرابع للاخير مثل : waves + atomic +optics +thermal
واي استفسار حاضرررين
