طبعاً قصدك ان امريكا هي الي آمرت بإقامة المحكمة

وهم يعتبرون احتلال فليش اساطيلهم موزعة عدنا في الخليج ليش ما يعتبرونهم محتلين؟!
وثانيا من الي ساعد صدام على شن حروبه اول شي ع ايران وبعدين ع الكويت ؟! مو امريكا

؟!
يمكن تسألني الحين انته تقصد انه عميل لامريكا ؟! و اذا عميل ليش امريكا تدخلت بعملية او حرب عاصفة الصحراء لتحرير الكويت ؟!
انا اقول ليك نعم هو عميل وطبعا امريكا استخدمته لتنفيذ مأربها ضد ايران لان النظام الجديد الي قام كان معادي لها. فكانت امريكا الي تمده بالسلاح و
العتاد العسكري الثقيل و لما شاف هالدعم الامريكي طغى وفكر بغزو الكويت و فعلها وسط صمت ودعم امريكي ولكن لما شافوه يتمرد ويهدد مصالحها
وكانت هناك احتمالات بغزو السعودية بعد الكويت هني بدأت امريكا بعملية عاصفة الصحراء خوفا من جموح صدام عن سيطرتهم و طمعه بالتوسع وطبعاً
امريكا كانت تقدر تقضي عليه في هالحرب لأن جيشه معظمه تدمر و اغلب عتاده راح ، لكن ظنوا انه بيستفيدون منه بعد ، لكن عقلية صدام الاجرامية
وبعد كل هالجرائم الي سواها في شعبه و في شعب الكويت و ايران خلته يطغى ويعتقد انه يقدر يواجه امريكا بخطة ذكية وهي كسب التأييد العربي
وطبعاً اطلق الصورايخ على اسرائيل وطبعا الصواريخ الي اطلقها مو لعيون الفلسطينين !! اطلقها علشان تدخل اسرائيل الحرب و يكسب التأييد العربي !!
وثانيا اخوي العزيز مثل ما تفضل الاخوة ان الله يعفو عن خطياك بحقك و بحقه اما حق الناس فلهم لاحق في الصفح عنه او عدم الصفح عنه..
و السلام مسك الختام
